شعر مدح - قصيدة مدح في رجل كفو

والله ماني على مدح الرياجيل بخيل خاصة لا جيت أمدح في زحول الرّجال المشكلة مدحهم حمل لا شلته ثقيل من ثقلها ما يقدر عليها كبار الجمال حتى لو تحاملت على حملها لا بد يميل مال الجمل حيلة على حمل الأثقال أجل وش حيلة قلم بالقصايد يخيل في معانيها صدق من مزون الخيال قصيدة ما هي غزل فالطرف الكحيل ولا هي عتاب وشكوى حال دون حال قصيدة مدح في ذاك الشهم الأصيل أبو عبدالله اللي يشهد له فوح الدّلال

لولا المواقف ما عرفت الرجاجيل والرجل يعرف بالشدايد والأفعال أنا أشهد إن به ناس وقت البهاذيل لا جد وقت الجد تطري على البال من يعجبونك في جميع المداخيل قوم تعز الطيب من كل مدخال وبعض الرجال يكيد لك بالمحابيل يخفي بضحكه لك من الحقد زلزال السن أبيض لكن القلب كالليل ما كل من يضحك معك يسعد الحال ولولا الحسد والبغض والقال والقيل كان العرب صارت على قلب رجال

الصاحب اللي يرفع الراس نشريه نوفي له الميزان ونكرم جنابه ونزيد في حقه ونأخذ ونعطيه ولا نسمع النمام مهما حكى به لا خاب ظني بالرفيق الموالي مالي مشاريه على نايد الناس لعل قصر ما يجيله ظلالي ينهد من عال مبانيه للساس لاصار ما هو مدهل للرجالي وملجا لمن هو يشكي الضيم والباس يحسناك يا منشي حقوق الخيالي يا خالق أجناس ويا منفي أجناس

يا زبن ودعناك في يوم الاثنين لعلها لك يا خو صنعا مسافير بجيرة الله يا عشير الغلامين يا مقفي عنا ذكرناك بالخير نغليك يوم إنك بعيد عن الشين وريف لضيفك في ليال المعاسير يوم تغيبه عندنا قدر عامين ويوم نشوفك فيه عز وتباشير هذا الفراق اللي نظرناه بالعين وعز الله انك ناوي بالمحادير يا زبن يالبراق بالله الى وين واسلم ورد العلم يا زبن للعمير

إذا المراجل لبست شماغ وعقال قل للعذاري يلبسن العمايم ما عاد يفرق زول حرمة ورجال دام الفعايل تشبه البعض دايم المرجلة ما هي كلمة وتنقال وتروح ما راحت هبوب النسايم ولا خشونة صوت أو رفع الأثقال أو رزة صدور وفعل الزلايم المرجلة شيمة عن القيل والقال رفيع نفسن حر باجو حايم المرجلة عقل وزن وزنه جبال ودون العقل وش فرقنا والبهايم

مو كل من يمسك رسن الخيل خيّال ولا كل من سل سيف أصبح وليدة المرجلة والطيب هي قول وأفعال تسلم يمين اللي علومه حميدة أتعب على النوماس يا طيّب الفال ما كل رجلٍ هي حياته رغيدة رجلٍ هنا والله على الراس ينشال ومواقفه بالناس دايم فريدة ورجلٍ يجيك بخيل ويكدّس المال ورجلٍ يمد المال من كف إيده ورجلٍ يدور الطيب في كل الأحوال ورجلٍ يجيه الطيب وهو ما يريده