شعر بدوي - قصائد من تراث البادية

قالو البدو للمرباع راحو شمال

قلت واللي على بالي معاهم رحل

لا سقا الله يوم البدو شدو الرحال

شرقة الشمس راحوبه وخلي المحل

التفت لي وانا واقف ومشغول بال

وشفت في نظرة عيونه خيوط الأمل

شوف عيني خوي ضعونهم لين حال

دونه اقصى مدى للشوف والليل حل

ان صاح صياح الضحى براس القاره

وغارت على حص الوبر عدوانها

وحنا لحقنا فوق قب قرح

كله لعين البل وحلو البانها

ترعى بنا العر ويكبر نيها

وننزح العدوان عن حدانها

وننزل بها في كل وادي مخضر

ترعى وسو الموت عند اركانها

في نجد نرعى مانعلق عاني

بسيوف هند ماضي برهانها

يشهد لنا وادي الرشا بافعالنا

وتشهد لنا نجد وحصى ضلعانها

حنا ولا من قلت حنا تحنا

كل الكلام بعطر تاريخ الاجداد

المجد هم وهام فينا وغنا

حتى علينا من على روس الاشهاد

يا كبر حظ الي نخانا و ثنا

نشد له فوق الفخر سرج وشداد

ان هلل التاريخ غطرف وطنا

وان سولفو عنا رجاجيل واجواد

وان بان لك شمس ترى ذيك حنا

نشرق مدام الظلم ظلما وحساد

حنا البدو يابنت هذا لحنا

نحبك اكثر لاغدى حبك جهاد

وحنا البدو يا بنت لامن نخنا

بناتنا يثالث العيد الاعياد

أنا ولد صحراء راعي ورحال

في كل يومٍ تطلع الشمس سراح

طفلٍ صغير وشبل ويافعورجال

عشت البداوه كلها أحزان وافراح

حاف القدم ما أطى على الأرض بنعال

عشنا على الفطرة نشيطين وصحاح

نطوي فيافي نجد أقفاي واقبال

نتبع مقادبم الحيا وين ماطاح

هي ذكرياتي بر وسهول وجبال

عشقتها لو كلها وحوش واشباح

بيت الشعر والبر والتجر وادلال

ومن غيرها مالي معيشه ولارتاح

والضيف له في ربعة البيت مدهال

نقر الضيوف ونشري البن لاباح

ونزبن العاني ونسمع لما قال

ومن دون شيمتنا رخيصين الارواح

ليتني مثل النخل ما يجيب الا تمر

لجل ما يزعليه فلان ولا فلان

ادري ان الوقت حواج والدنيا ممر

والاصدقاء ما تذخر الا لحاجات الزمان

ودنا بالطيب لكن الدهر جحاد طيب

كل ما تخلص مع الناس كنك تغشها

يدك لامدت وفاء لاتحرى وش تجيب

كان جاتك سالمه حب يدك وخشها

كل ماشبيت نار المحبه مع حبيب

قام يسحل في مشاهيبها ويرشها

وكل ما واجهت لك فالزمن وجه غريب

مثل ماقال المثل دام تمشي مشها

الاوله يالله ياللي على الامه رقيب

ياغافر الزلات تمحى الذنوب الي عليه

تكتب لي الجنه ليا امسيت في قبري غريب

مالي مهرج غير دود القبور العامريه

وارجلي اللي ماتعدا على الحي القريب

ولا توانا يوم ربعي يقولون الحميه

بعض العرب تفرح ليا قالو بديوي صويب

وانا احمد الله جاني صوابي من يديه

فكّر وناظر يامحمد ترى الحال

نفسي وتاليها مع الله خبرها

العين كاين لها عن النوم عذّال

تسهر وغاد(ن) نومها عن حجرها

دنيا هيال ولا لحقنا لها جال

وأزريت اميّز سهلها من وعرها

كان اقبلت ياحلو هاك التبهلال

وان ادبرت سوّ(ن) على اللي حضرها

ماظنّ فيها واحدن(ن) داله البال

إحفظ لدينك وانتبه عن خطرها

أنا احمد الله بّدل الشمس بظلال

وهانت مصاعبها ونقطف ثمرها

دنياك هذي كلها هَزِّ قاروق

ما تعرف الصاحب من اللي معاديك

واكثر كلام الناس بالمكر والبوق

يهرج معك واليا تِقَفَّيت يرميك

المال دايم صاحبه مرتفع فوق

والقل خايب لو تَرَفَّعْت يرْخِيك

أوصيك بالطيِّب إذا كان لك ذوق

إرمه وراك ولازمٍ إنه يلاقيك

يا العبد هوِّن كل مطرُود ملحُوق

لا تِشْتَحِن لك رَب ما هُو مخليك

اللي جعل لك رُوح جاعلك مرزُوق

كما تَكفَّل بك من الخلق كافيك

يعطي وباب الرِّزق ما هُو بمغلوق

واليا طلبته وانت محتاج يعطيك

يجلى صدا قلبي ضبيح المهاريس

لا قام شراب القهاوي يعومي

ودلال فوق النار دايم مجاليس

اكرامهن حق علينا لزومي

من صنعه الصبه وخمس التخاميس

بريه يعمل بها كل يومي

سرنا لينبوع الصخا مكرم الجار

اللي سعى لرعيته بالصلاحي

جبنا له الي كنها ظبي الاقفار

مركوب من يروي شباق السلاحي

جانا بعذر وقلت انا الرب ستار

رزقي على مذري هبوب الرياحي

الرزق ياتي مثل هتاش الامطار

ماله مصك ولاش دونه سلاحي

كم ليله سرنا على الهجن ومهار

نطلب من الي خزنته ماتباحي

ما بالكرم يا زول عيب ومعايير

العيب باللي يالردي ينكرونه

لعل بيتّ ماتجيه المسايير

واللي يبون الكيف ماينحرونه

مثبى الرخوم اللي تهاب المخاسير

المال لأعمار الفناء يجمعونه

عساه يفدى الطيبين المناعير

اللي ليا اقبل ضيفهم ينطحونه

اللي ليا شانت وجيه المثابير

بالواجب الموجود مايذخرونه

الطيب سلعه للوجيه المسافير

كان الردي يحسب كرمهم مهونه

تباشري يانجد بالغيث والخير

من عند رب(ن) ما قطعنا الرجا به

ياماحلا شوف النفل والنواوير

وصوت أم سالم مثل صوت الربابه

وخوة رجال(ن) كلبوهم مناعير

يجلون هم اللي تكدر شرابه

ربع(ن) لهم عندي معزه وتقدير

والشاهد الرحمن منشي سحابه

الحي راقي والوجيه المسافير

والبيت لضيفان ما نصك بابه

تلقى تراحيب ودلال(ن) مباهير

والعود الازرق فال ضيف(ن) لفابه

سفينة الصحرا بحرّ اللواهيب

فيها المثل يضرب بزود التحمّل

يا بارق لاح في القطر اليماني بات نوه يقود دن الرعد وامطرا

سريت اخيله وعيني ساهرة يوم الخلايق رقود والفكر ما غيَرا

واوجد روحي على أيام مضت ياليتها لي تعود لو كان بالمشترا

أيام زلت كما قطف الزهر مجناه من عود يوم الشباب اخضرا

واليوم عصر الشباب اقفا وانا صدرت بعد الورود واللي ورد صدرا

شوقتني يالغزال المنتحي يا ظبي ترعى النفود يالجادل الاعفرا

ياراكب اللي بقلهن قد تثنّا

فجّ العضود مدمّثات المحاصير

لاهنّ لا قعسن(ن) ولا هن دنّا

متيّهات(ن) في ليالي المخاضير

الصبح من وادي الرشا ينشرنا

من بيت ابو خالد زبون المقاصير

يلفن أبو تركي زبون المجنّا

ريف الهشالا في ليالي المعاسير

سبك لك نجوم الدهر بالفكر حاذق

حوى وأختصر مضمونا بأمر خالق

ترى أول نجوم القيض سبع رصايف

كما جيب وضحا ضايع الدرك دالق

عقب تطلع الجوزاء كشلفا شمالها

نظيم تلالا كالدراري لواهق

تبرى لها الهقعه وبالهنعه أنتهت

تهب السمايم فيه والظل سايق

ويظهر ذراع الليث هو والمرزم الذي

كما مشعل الساري بنوره يشاعق

ياراكب اللي ما يداني الصفيري

هميلع(ن) من نقوة الهجن سرساح

أمه نعامة واضربوها بعيري

جا مشبهاني على خفّ وجناح

عليه خرج(ن) من سلوك الحريري

وسفايفه مثل الغرابين طفاح

يسرح من الطايف ويمسي البصيري

والسوق والبصرة دهجهن بمرواح

مزهبك ياراعيه تمر ومضيري

واحذر تشبّ النار يجفل من الضاح

والى ورد يشرب ثمانين بيري

ويشرب براسه من على جمّة رماح