شعر عيد الأم وتهنئة

من تشاريق الصباح وصوت أمي

يستفيق النور وتفزّ الحياة

والمنام يطيب لا قامت تسمّي

والسلام يسلّم عيوني مداه

عن رهيف الدمع ياما كان كمّي

ردنها المبروك وجلال الصلاة

وش خانة دبي وبَحَرْهَا

مادام شمس دبي ما حَدّ

تبكي فيافيها وشجَرْهَا

والطير عيّا ما يغرّد

وزعبيل لى مظلم قصرْهَا

ما به سوى صوت الصدى يْرِدّ

وِنْجوم تسأل عن بدرها

لى ينير داجي الليل الاسود

يا شمعة الدار وسفرْهَا

يا امّي من الشوق آتوقد

أمي يا أول حب عشته بدنياي

يا أول اسم تنطق شفاي طاريه

انتي هوى روحي وبعروقي الماي

وعمري بدونك عمر ما عشت أنا فيه

يا ما لقيتك في شتا وقتي دفاي

حضنك يدفيني بحنانه وأدفيه

وياما مسكتي في أعنى الوقت يمناي

خوف علي من الزمان وبلاويه

انتي نظر عيني وبسمة شفاياي

وانتي هوى قلبي وحبه وغاليه

وش جابها في يديك تشيلها يمي

جمّع مناقيدك اللي جيت تنثرها

صحيح انا اعشق وسار العشق في دمي

لكن سوالفك نقص ولا تكثرها

ما خلقت اللي تنسيني حليب امي

ابيع كل العذارى لاجل خاطرها

اللي فرحها اشترت به حزني وغمي

ترجي ضناها عسى الله ما يخسرها

تفرش طريقي دعاوي بعثرت همي

يدينها للسما ويهل ناظرها

اماه من ضيم المرض لا تونين

يون قلبي من ونينك ويرتاع

يكفخ بصدري خافقي يوم تشكين

كفخة طويرٍ فالسما فرخها ضاع

اماه دمي ناشفٍ فالشرايين

ليت المرض فيني واسليك الأوجاع

اسهر وكل الخلق ياماه ممسين

اصطفقت نجوم السما في ثرى القاع

يالعنبو حمى تخليك تبكين

ويالعنبو حظٍ من البين مطواع

يمه يايمه فديتك لاتخليني

بعثرني الهم وأبغى يديك تجمعني

يمه افهميني تراك ان مافهمتيني

مافيه شخص بهالدنيا بيسعمني

ماعدت انا طفلتك كبرت شوفيني

خليك يمي ترى الا طماع تتبعني

لا تدلليني أبي منك تدليني

وابي ايديك تداعبني وتصفعني

ولا انهد حيلي أبي عطفك يقويني

ياما كلامك على الشدات شجعني

يا بوي من شفتك بهالموقف اليوم

حسّيت طعم الحنظل بغيبة الأم

ذا هم يفرق حيل عن كل الهموم

هم المفارق هم ما يشبهه هم

لو تبكي عيونك فلا يلحقك لوم

معذور لو تبكي عيونك لها دم

أمك تراها اللي جفت لجلك النوم

من قبل تطلبها الطلب تصرخ بتم

ما عمرنا شفنا بها طبع مذموم

سنين يروينا نبع طيبها الجم

يا ريحة امّي لو الذّكرى تطاوعني

ما كفكفتْ فرحة الميلاد مرثيّة

توّي عرفت الغلا من وين يوجعني

لا ياملا راحة الفردوس يا مَيّه

ماني مغنّي عشان الظّلّ يتبعني

طرْد المقفِّي مهي عادة قوافيّه

ورّيته الشمس مطفيّه وسمّعني

حِسّ احتراقي يقول الشمس مطفيّة

وااراسي اللي عصبته لين صدّعني

عيّا يفكّ الصّداع بدون حريّه

ربّي عطاني على قدّي وطمّعني

دربي حقيقي وخطواتي خياليّه

يا وحشة تشرب من الخوف سمي

انا يتيم شاف جور المواليف

الحب جدي وانبل الهم عمي

وابوي شمس بوحها يجرح الصيف

اغليك يا تراب لثم جبهة أمي

واسقيك من خمر الغلا نشوة الكيف

ان حللت لك سود الأيام ضمي

قلط على مركا القصايد سواليف

عثمان رد أرقاب الالوان يمي

لا تطعن الا خنجر الهم بالحيف

احرق على جمر الغلا عود همي

دخون شعري صورة حدها سيف

ارسم ملامح هم روحي ودمي

في ريشتك لا تحترق حشمة الطيف