شعر الفراق وقصائد البعد والشوق

حل الفراق وخافي السد باحي حاولت أصبر والصبر عذّب الروح حالي تردى ومتكسر جناحي حزين من كثر الهواجيس والنوح ألا يا عضيدي وين راحوا هل الثنا بنشدك حيثك باخص في أمورها تراني بجي للموت تسلوم شرعي إن قلت لي قضت وفاتت عصورها سافر وخل أحزان عمري تخاويك يمكن معك تلقى حلول لضياعي حاولت أشوه صورتك يوم أخليك لقيتك أصدق من بكى في وداعي

تخوفني مشاوير الطريق المظلم المهجور واليا مني ذكرتك قلت طولي يا مشاويري عزاي انك رجاي العذب لو كل الدروب عثور وصلت او ما وصلت اعرفك ما انته منتظر غيري حبيبي وكل الله لاتحسب إني بليد شعور لو انت المستحيل الصعب ما ابدي لك معاذيري احبك رغم تجريح الليال لقلبي المقهور اشوف الجرح يكبر وانت تكبر وسط تفكيري احبك لو يموت الحب وتصير القلوب قبور احبك كلمة لو حرموها حل تفكيري احبك من هنا حتى طلوع الفجر حد النور صحيح انك قدر محتوم بس اجمل مقاديري

أنكسرت من الفراق وشوف عيني شوف عيني وأنت تدري بأنكساري كل ما مديت لوصالك يميني رحت تتجاهل يميني مع يساري حتى صرت آشوف جرحك في يديني في يديني لجور صداتك مواري حس فيها لا بلاها حس فيني لاتعبرها لكن رد أعتباري ياما ويامافرقتنا الليالي وعزي لمن يصفق شماله بيمناه هبي بريحه يا هبوب الشمالي كود الجنوب ومطلع الشمس ينصاه

سرقت من دنياه لذّات دنيتي برضاي سارقني وبرضاه سارقه همّي وهوجاسي وحبي وغيرتي للي بوسط القلب ناصب بيارقه وعوّدت للمطلاع حزين ملتجي والقلب مّني طارق الهم طارقه ضلع ورا المطلاع شوفه يريحني عسا الحيا يسقيه لالاح بارقه كتبت في عاليه حرفي وحرفها ورسمت قلب الحب والسهم خارقه ذكرى غرام مات من قبل ينولد بفراق من لا كان ودي أفارقه

نعد الليالي والليالي تعدنا العمر يفنا والليالي بزايد قولوا لبيت الفقر لا يامن الغنا وبيت الغنا لا يامن الفقر عايد ما تنفع الدنيا بلا شوف الأعيان وعزي لمن مثلي عيونه عصاته لواهني اللي ليا ضاق له يوم اليوم الآخر خاطره ما يضيقي ما هو بمثلي ضيقته دايم الدوم أبي المليق شوي وأزريت اليقي ماني بمن يطرد سراب بمضماه شاف السراب ويحسب أنه غديري

على ذاك الطريق اللي يسمونه غرام أحباب وقت رجلي على دربه ولا أدري وش نوى فيني تبعته لآخر دروبه ألين أن القمر قد غاب تعب قلبي ولا تعبت مسافات توديني لقيت الليلة الجردا هدب ظل وسما وأعشاب بعد ذاك الظلام اللي يتوهني عناويني صدفتك معجبه فيني ويا ليت الغرام إعجاب وتراك انتي الهنوف اللي هقيتك تستحقينني عطيتك عشق من قلبي وسلمت لغلاك رقاب وغيرك يحترق قلبه ولا يقدر يحاكيني أنا قبلك صدفت عيون لكن ويش جاب لجاب ترى كل العيون اللي لقتني ما تكفيني