شعر العتاب وقصائد اللوم الرقيق

كلمة زعل ما ابيك اتجيب طاريها

يا حلونا يا حبيبي لا تراضينا

ارواحنا ليه بالفرقا نعنيها

وشلون نقدر نعيش ان ما تلاقينا

حرام نعمل كذا ويش اللي حادينا

وقلوبنا في لهيب الحب نكويها

لا تضيع الوصل دام الوصل بيدينا

زال العتب والخواطر زال مافيها

دامك تبي دنيتي ودنياك انا بيها

اليا متى انكابر ونقتل امانينا

لا تقول ودعتني داري

بالحيل مالي عليك عتاب

مريت في موعدك ساري

وقفت لين النجم ماغاب

الليل تحت الشجر عاري

والفجر غطي السما بثياب

والريح في كفوفها الذاري

تدفن ارسوم الوعد بتراب

مريت ماللوله طاري

ووقفت ماللندم اسباب

ياحبيبي منت الاول

نبض قلبك غيروه

لو تبيني كان تسال

واللي يسال مايتوه

لا اتعذر بالدروب

منت عالكذب مغصوب

البعد مو بالمسافه

البعد بعد القلوب

يوم كنت اول تبيني

ماتفارق لحظه عيني

جات تعاتبني وتقول ماصار

وشلون احبك وانت بيه تجاير

جات تقول بقلبي الفين نار

كلي على جمر الغضى منك فاير

والله ان القلب في حبك احتار

حتى بعيوني صاير الدمع حاير

ماخنت أعيوني ولا شفت زوار

والله بعيني مآبه الا انت زاير

يامسهر اعيوني ياشمعة الدار

يامّحكل المحجر بهل العباير

بيني وبينه ودي اقوله ليه

واحيان اقول السالفه من ظروفه

انا تعبت من العتب والمشاريه

وهو عليه يسوي الي يشوفه

خيبت ظني ياخوي الظفر فيك

وانا احسبنك مسندي في حياتي

اخطيت في حقي ولاني مجازيك

وبقابل السيه بعشراحسناتي

جهلت صوتي يوم اناابيك وادعيك

وخليتني بين الاسى والشتاتي

طبعك كذا لاصار وقتك مجافيك

واصبحت وحدك جيت تبغي رضاتي

اسامرك وابهج حجاجك واداريك

وتروح سالي وتهنى بالمباتي

البارحة والقلوب أصحاب

كنت القمر وأنت تمدحني

واليوم .. لي مخلبين وناب

ومشا هد الدم يفرحني

كذاب هذا المدح كذاب

وكذّاب ذم يجرحني

إنسان..ماني نجم وشهاب

وليتك ملاكٍ وتصلحني

لي صرت عاري..علي ثياب

بالله وشلون تفضحني

اخطيت واخطيت كافي عتاب

إنطق بحكمي وريحني

ياصاحبي ماقطعت أرقاب

عدلٍ قصاصي وتذبحني

يامحرم على اوراقي حضور القصيده

خيرة الله عليك اطلق رهينة غيابك

القوافي غدت مثل الخيول الشريده

وين ماتتجه يتبعن وجهة ركابك

واحتبس منك دم المحبره في وريده

شوف.. حتى القلم ماطاق قسوة عذابك

كيف اعاتبك ؟! كيف اعطيك فرصه جديده؟!!

انت شوهت مفهوم العتاب بعتابك

كان لي فيك ياماكان هقوه بعيده

يجذبنّي حبال الصيف واتبع سرابك

اتعبتني مسافات الدروب العنيده

لازم اسألك واتحمل فجيعة جوابك

قول مابيك والفرقا طرقها عديده

كان عندك شجاعة صدق تبرح جنابك

لا تعاتب .. ما اقدر أتحملك عتابك ..

قلبي ذايب .. وانت تشكي لي عذابك ..

بس لو تسأل عيوني .. راح تبين لك شجوني ..

لو أغير يوم حياتي .. عن هواكم ما تغير ..

إنت أغلى ذكرياتي .. انت غيرك ما اتخير ..

لا تعاتب .. لا تعاتب ..

نور حياتي في رضاك .. والسعاده كلمه منك ..

شوف هنايا في هواك .. لما نلتوا بحسن ظنك ..

يا حابس النور فـ كفوفك

سلم عسى ينجلي همك

أنس الزعل خلنا نشوفك

مد العتب نسبح فـ يمك

صحيح ما ننطح حتوفك

لاشك نوقف نزف دمك

الناس ما همها ظروفك

كود الذي يحزن لغمك

يزل وينسى زلاته

فيه حد يسوي سواته

وكل هذا قوة عين

صحيح اللي اختشوا ماتوا

اذا لمته يعكس اللوم

يطلع روحه المظلوم

واذا قلت امس جارحني

يقول احنا عيال اليوم

يحس الكل وهو ماحس

ولو فيه شمس بانت امس

على طاري الثقل وانفاسك اللي شامخة بالحيل

على طاري بعادك مايهز فخاطري حاجه

مسى ليلة خميس والذنوب تناجي التهليل

على وقت رماني في بحر طيشي وفمواجه

على وقت قراني واشهد انه جود الترتيل

الين اني تأملت الخشوع يغازل حجاجه

لفاني من بساتين العتب ورد على الإميل

وأيقونة ظهر فيها الخجل والشوق واحراجه

تقول اول مواري غلطتي بين الحنايا ليل

تغشاني كأنه ماهو مصدق لقى حاجه

الا يسعد مسى هاك الثقل يوم اشعل القنديل

وخلى الشعر يسّاقط درر من عالي ابراجه

صراحه والصراحه بعد وردك ترفض التأجيل

لو حضورك تأخر ثانية حررت ديباجه

قبل العتاب يفل باب الزرايا

بهديك بيت زفته عصفت الهوج

دخيل غدرك لاجرحت النوايا

ترخي رماح الكحل لا قندّل الروج

ملجم على بيض النوايا مطايا

وغدرك على حدب المعاليق مسروج

وعوج الضلوع تأن شبنا وصايا

وجرد الحناجر يمك تنوح غنوج

ماقلت لك روح وخل الحنايا

خل الحنايا تشكي العوج للعوج

ياضيقة الصدر الشمالي تعالي

ماني بخير وصاحب الخير زعلان

العلم صوت رغم الانصات عالي

طيّر منام اللي على النوم شفقان

قالوا نخاك وجيت مدري بحالي

أسمع صدى ينخاك من كل الاركان

نفاع يوم انه تضايق شكالي

وابطيت اروّغ لين شفت الزعل بان

صبرك عليّه لا تدور بدالي

لعيونك اصدح بالصدى كيف ماكان

ألا ياوسيع البال لاضاق منك البال

تمعنت فيك اللغز وانهيت من حله

أنا الهاجس الخافي وانا الفارس الخيال

وانا اللي يعرف الدرب لاسار ويدله

وانا اللي فقدتك يوم صديت يارجال

وانا اللي رضيت الحمل في القاع واشله

وانا اللي فتحت القلب لك وانت لك منزال

وانا اللي يشوف الشين لا مر ويزله

تفاجيت انا وياك ما قلت كيف الحال

عيونك من الحقد امتلت جعلك العله

الناس لانامت انا اللي ما أنوم

لاتلوم

جيتك ادور فيك تفريج الهموم

أتذكر اني في يوم ناديت

حبيبي القاسي

والا أنسى أنك في يومها رديت

مين أنت أنا ناسي؟

ورجعت أنا مكسور منك خاطري خجلان من ناسي

ليه ياظلوم

أعذرني لو قلت أنك اقسى من زماني

أعذرني لو صرت

أشبه حبيبي الأناني

لما نظرت إلي أمس مشيحة

بين الجموع بلحظك المرتاب

وجرت على شفتيك بسمة حائر

ما بين شبه رضا وشبه عتاب

أبصرت في عينيك عمري كله

وعرفت أني قد أضعت شبابي

ورأيت نفسي في الحياة وضيعها

أشكو إغترابي في ندي صحابي

وهتفت بي:من أنت؟ لما أنكرت

عيناي شخصي وهو غض إهاب

ولقيتني ألقى الورى وكأنني

منهم على وهم ولمع سراب

وسمعت قلبي في الضلوع معاتبي

بوجيبه يا صفوة الأحباب