شعر الفخر وقصائد عزة النفس

العز والله عزة النفس والنقاء

وترى غناة النفس طيب وتاج

الرجل يطلع في يمينه ويعتلي

والصبر لجروح الزمان علاج

الناس قالوا من تجارب سنينهم

يا مدور الحاجه من المحتاج

يا سائلٍ عني وعن كيف حالي

أعطيك يا ناشد عن الحال توضيح

يبقا شموخي رغم جور الليالي

مثل الجبل شامخ رغم قسوة الريح

لاخير باللي مايروم المعالي

ويحرص على كسب الثنا والتماديح

ويرفع مقامه عن أشباه الرجالي

وتشيد به كل الوجيه المفاليح

ينجرح قلب.. لكن ترتفع هامه

والله اني لاموت ولاانحني راسي

لو رماني زماني وسط..دوامه

العواصف شديده .. والجبل راسي

أنقل الحزن وامشي منتصب قامه

قاسي الوقت .. لكني بعد قاسي

واسمع الحلم يصرخ لحظه اعدامه

رابط الجاش ... ماهز الخبر باسي

عزتي غاليه ..والناس سوامه

قلت ماابيع حتى تقطع انفاسي

انا اكتفيت بعز راسي وربعي

ماهو مخافه يالسنافي سكاتي

انا على مجراي الاول وطبعي

وفي حال وفي حال عاتي

ليا عوى الذيب المناحر لسبعي

اقيس بالحاضر مدى المقبلاتي

مااشر على هذا وهذا بصبعي

ولا انفخ على ذرعان جسمي لهاتي

ولا اقول بالمنتوج نصفي وربعي

ولا اقول انا ابو زيد ولا الزناتي

الفخر والمجد وجزال السجايا

مالها عن يمة بن رقيّب يمه

حي راسٍ ممتلي عزّ وحمايا

والمراجل كلها تجري بدمه

دون ربعه يارد حياض المنايا

لو يسوي وش يسوي مايهمه

غصب انتخي عند العيون لباسة ثياب الحداد

شجاع اعاند كل شي حتى القدر بـ اسهومها

واشرب زعل حصه واقولك اهلك عرينا عباد

تشرب مذلة صمتها ستر وتثور هدومها

متى انزف جروحي مثل سيفٍ بكى مجد الجياد

يروي تواريخ الحروب يحلم بيوم قدومها

متى انتخي بعيون عز مدفون برمال الحياد

ما لامس جباه الرجال الي ذبحها نومها

للشموخ رجال وقروم وحرار

وللحرار العز وشموخ الرجال

والشهامه والكرامه فيك كار

كاسبينه مبطيٍ مابه مجال

لابسينه بشت وعلوم وشعار

لابسين الطيب بشتين وعقال

دلةٍ صفراء وفنجالٍ ونار

وسالفه وقصه وقصيده وطول بال

فحنا عبيده للفخر قول واثبات

مثل الجبال الشامخات العوالي

وحنا عبيده طيبين السلالات

اهل السلوم الوافيات الجزالي

يشهد لنا التاريخ من ماضي فات

وتشهد لنا العربان شرق وشمالي

فدوم العبيدي يحتسي للجميلات

ودوم العبيدي من قروم الرجالي

واليا حصل في الوقت شده وميلات

ياقف ويصمد لابداله مجالي

حنا ولا من قلت حنا تحنا

كل الكلام بعطر تاريخ الاجداد

المجد هم وهام فينا وغنا

حتى علينا من على روس الاشهاد

يا كبر حظ الي نخانا و ثنا

نشد له فوق الفخر سرج وشداد

ان هلل التاريخ غطرف وطنا

وان سولفو عنا رجاجيل واجواد

وان بان لك شمس ترى ذيك حنا

نشرق مدام الظلم ظلما وحساد

الحر مثلك يستحي يصحب الديك

وان صاحبه عاعا معاعات الأدياك

صديقك اللي بالعطايا يمانيك

انصه بقضيا حاجةٍ قبل ينصاك

اللي يضيم الناس لابد ينضام

ولابد في يوم يسدد ديونه

تضيق الانفس لياجانا من الوقت جور

وتغلا دموع الرجال وترخص ارقابها

ان كان ضاقت عليك الضيق ضيق القبور

وتذكّر امتك وقتك ويش سوابها

لابد مايظهر مع الوقت تغيير

ونلقى لنا حل لذيك البلاوي

أحدٍ أحد وأنتم لنا دون الوطن حد العهد

برضٍ بها الهادي ظهر وأبو بكر وابن الوليد

حد الكرامه والنصر والعز والحكمة فهد

بالمجد من رأسه سنا أشرق لنا صبحٍ جديد

دون العروبه والعرب والدار ما نذخر جهد

هذي ملاحم قصةٍ أحيت لنا المجد التليد

حنا خلقنا الله للي يخلف السنه ضهد

ياما ضهدنا وانضهد تحت البيارق من عنيد

على العهد أماتنا تربط ولانا بالمهد

وتكبر ويكبر عهدنا أربط بنا صم الحديد

ابوك انا ند مايزرا على نده

واشل حمل المراجل وآتحملها

من لابةٍ بالوفا والطيب ممتده

لا قالت اقوال تفعلها وتفعلها

وحنا هل السيف الاملح حن هل الرده

وحنا ملافي الرجاجيل وزواملها

من حد بغداد الى صنعا لنا عده

وأفعالنا عاد مابه راس يجهلها

فإن كان تبغى صدودٍ فأبشر بصده

وإن كان تبغى لعانه فأبشر إزهلها

فخر العروبه صانع التاريخ زيزوم الانام

معزي الثاني حفيد العز ابو مجدً تليد

كيّس ورصن وثاقب وملفت وآخاذ ولُهام

وارسخ وجسّار ومهيب وفاره وحصف وسديد

لا الناي صوتك ولا شمس الضيا زولك

لولا شموخك.. تصير بناظري عادي

لا تنحني.. لا تهل وتعشب سهولك

ويربع اللي سكن بالضلع والوادي

خل الخطى تنتحر في درب مجهولك

انا قوي حيل.. واجمل طبعي عنادي

ان ما جوادي يغير.. ويهزم خيولك

سلمته الريح.. ما اعده من اجيادي

وان ما رماحي تصيب وطولها طولك

ابا اترك الغزو واطوي صفة امجادي

أنا الشعر يكتب بماء الذهب

وينقش على الخد أو في الصدور

عشقت الصداره وزادي الادب

ومثلي غلب كل فارس جسور

وعشقي لحبي بعهدأ وجب

اخترت همسات كل البدور

انا الغيث سيلآ سليل النسب

انا المجد قاهر جميع الحضور

واني انا الشعر فخر العرب

اذا قلت حرفأ تذوب الصخور

بعض التواضع ليامن زاد عن حده

يرخصك في عين غيرك وانت ماتدري

اضحك ولا كل الوجيه احترمها

وبعض الوجيه اهينها ببتسامه

واطوف الزله وانا مغتنمها

ويستعجل اللي عاد عنده غشامه

ناس احتشم منها وناس انحشمها

ونزعم اللي يستحق الزعامه

وناسن تعلمك الكرم من كرمها

وناسن توريك الردى والرخامه

يالله على دار الفخر والعز ديم لنا الامان

داراً يشرفنا إننا خدامها وجنودها

يكفي انها مهبط وحي ربي وفيها اشرف مكان

قبلة جميع المسلمين تحيطها بحدودها

ومسجد رسول الله وتاريخ امته عبر الزمان

والاجيال ورثت حب الارض اللي بدم جدودها

حنا ورثنا حبها حنا عشقناها كيان

نعشق طبيعتها ونعشق حرها وبرودها

ونعشق مصايفها من الطائف ليا ابها بافتتان

شم الجبال اللي تعانقها السحب بوعودها