شعر زواج وزفاف

دايم واهلها بخوف من عين نضال

اكيد ماخافوا عليها العنوسه

لانها من قبل ماتلبس الشال

كانت تنادى من حلاها العروسه

وية درب عمري ماخذاني دونها النسيان

وأنا يا اهل الملامه ما رغبت العيش وحداني

ابي لي مهره ماعسفت صغيره وبنت حصان

ابوها اللي يفك المشكله ويزبن الجاني

واخوها لا تعزوى باسمها فزوا لها العربان

يحق لها الفخر في قولة آل فلان جداني

أبيها في بحر عشرين لا زود ولا نقصان

أبيها اقصر طويلة والوصوف اشكال والواني

ابي الجبهه كما الصبح وكما القوس اسود الحجان

وابيها ناعسات ونرجسيه سود الاعياني

لبا عيونك ولبا خدك وخاله

ولبا المحيا ولبا الليل والشفه

فديت عمرك بتجريحه وغرباله

لوتشربه الارض غبره والبحر جفه

هلي كما البدر غيضي كل حفاله

وسجي عن الليل لايلهيك في صفه

وهزي على صوت رجف القلب وهباله

الطار قلبي وكف توجعه شفه

ياشفه العين قبل تجين جماله

وجيتي ولاشفت غيرك لو رفع كفه

ام العيون اللي كما عين طلّاع

تشدني بحلم العيون وغضبها

صف الرموش اجيوش قومن وتباع

نطيعها كل ماترفرف هدبها

هي شيخة الخفرات زينات الاطباع

فيها الحيا من فطرةٍ تكتسبها

ياحلو شوفتها بروضن ومرتاع

لادوجت قامت تجمّع حطبها

بنت البدو من طيبها صيتها شاع

ماكل رجّالن يجيها عجبها

أستريحي كنك المفروض في ليلة عريس

وأستغلّي مدة الديان في وقت الفلَس

لاتعيدين الخطايا لاتحميّن الوطيس

وأنتِ أدرى في طلوعك قبل دقات الجرس

ماابيك بدور ليلى لو عشقتك عشق قيس

بس خليني أشوفك لين ماآخذ نفس

أفرجي عني بعطفك لا تخليني حبيس

وأحبسيني وسط قلبك وأسطري عندي حرس

مابذلت أغلى اجتهادي كل جهدي بالنفيس

وماغرست الشوق فيني أنتِ اول من غرس

قالت بجي للعرس واشوف وشلون

تصبر الى من جات عينك بعيني

قلت آتمنى وقتها مالي عيون

يعميني الله عنك لا تحرجيني

خافي من الله هالبشر وشيقولون

إذا اعرفوك من العرق في جبيني

لا وعذابي لا اقبلوبي يحندون

وحارت عيون الناس بينك وبيني

وش حالتي يوم الخلايق يشوفون

رعشة هدب عينك ورعشة يديني

مبروك أبو مقرن على هالبشاره

مبروك والله عد ما غرد الطير

ماهي على عاتق سواتك خساره

لا والله الا مكسبٍ للمناعير

سلمت يمين ٍ وقعت له قراره

صقرٍ على وضح النقا واصل السير

الصبر طبعه والثقافة شعاره

حرٍ تربى في بيوت المغاوير

مثل القمر كلٍ يشاهد مداره

نجمه سطع بين النجوم المشاهير

عسى يمينه ما تجيها الجباره

ويعيش رأسه ما تجيه المقادير

يا مرحبا ترحيبة مثنية

يا مرحبا حيا الله الضيفان

حياكم يوم شرفتونا

أقولها صادق خفى وإعلان

ترحيبنا بالضيف من عادتنا

سلم قديم وعادة الجدان

مبروك يا عبدالله ابن شايق

مبروك ما دام إن وعدها حان

يالله الخلاق يامنشي الغمامي

نطلبك سترك وناصل بالسلامه

لاطلبنا الله جاوبنا شمامي

بسجدة في تالي اليل وقيامه

يرهي المدات ويزيل العسامي

ياالله ان تحسن عملنا في ختامه

في عجب قرمٍ حضرنا بالتمامي

ولو تآخرنا نشوف انها ملامه

المراجل بيننا والسوق حامي

لليمين الي تلوح بالكرامه

لبيت دعوة كاسبين النواميس

ولا كل شارب للنواميس كسّاب

الطيب دربه فيه شتى التضاريس

وديان وسهول ومتاهات وهضاب

يبغى له اعزوم اتهد المتاريس

ومن دون عزم ماتفتح له ابواب

ويبغى له ارجال اقرومٍ فواعيس

افعالهم مثل العلم فوق مرقاب

ولزهير كن الطيب فصل على القيس

رجالهم للعز والطيب طلّاب

على الشحم والهيل والبن والدله

نقولها لضيوف محفلنا حياكم

ومن فاتها الفنجال عنده محله

ترى القهوه مع كيفها ما نسيناكم

وذبيحتنا من عز مالنا ونخله

على الرز والمرقوق هذي عزيمتنا

حيّاكم الله يا ضيوف المحافل

حيّاكم الله عد ما هل مطر

نرحّب بكم من قلبنا والنوافل

دعوات خير عقب كل سحر

والعرس هذا فرحة كل قافل

وكل اللي جا ناسي همومه ومختصر

الحرف مايبلش وانا راعي الشان

في حزّة الميقاف مثل الذخيره

من فهقة زناده له الفكر نيشان

والصيد واجد ويتزايد نفيره

لا ثار عجّه يسبق العجّ دخان

يصطاد من جزل المعاني وفيره

واليوم ينثرها مع الورد ريحان

في محفلٍ فاحت نسايم عبيره

باسمي وبسم ابنا مريشيد رشدان

نيابةٍ عنهم وانا له واديره