شعر عيد ميلاد وتهنئة

كل عام وانتِ يا عمري بالف خير

كل عام وايامك افراح وسعد

إنتِ ما مثلك على الدنيا نظير

لا ولا قبلك ولا بعدك أحد

عيد ميلادك أحسه غير وغير

والدليل الكل جالك واستعد

اللي شايل ورد ملفوف بحرير

واللي كاتب لك قصيدة واجتهد

كلن يعبر فرحه بشكل غير

وكلن يحاول يبرهن لك بعد

يوم ميلادك بدا يروي الضما

يا خلاصه من زلال وسلسبيل

يوم ميلادك نثر غيم السما

عقد لولو يغسل الارض ويسيل

ألف مبروك وعسى وعل وكما

طول هالدنيا عسى عمرك طويل

لك معزه صاغها شعر تما

وارتفع صوتي مع اللحن الأصيل

يا عيون في فضا سيح نما

يا خزامى ونسم ليل العليل

عين ما صلت عساها للعما

الذي شافك ولا صلى بخيل

يا سلام الشمع والشمع احتما

في نسايم نفحة الفم الجميل

اليوم عيد اليوم اغلا من العيد

اليوم هذا غير عن كل الاعياد

واليله احلى موعدن في المواعيد

تاريخها يحمل معه عيد ميلاد

ميلاد كل حسن والمجد والغيد

الزين فيها كاملن والغلا زاد

ميلادها سموه شيخ المواليد

المجتمع يفرح به جموع وافراد

كنها غزال داخلن قادت الصيد

كل الضبا من خلفها جات تنقاد

والبحر يحسبها على السير في البيد

شوف البحر من حسنها صا حساد

هي اغلا عنقودن مابين العناقيد

بنت الشيوخ الي من امجاد لأمجاد

الشوق يحضنها من الايد الي الايد

متسيده لن السياده للأسياد

قررت اسوي لحبنا عيد ميلاد

معك احتفل حتى ولو ما اشوفك

ان كنت فبلاد وانا كنت فبلاد

اشعل دموعي واحتفل مع طيوفك

حبيبي جيت اقدّم لك هدية عيد ميلادك

انا متأكد اني لو نسيتك مانقص قدري

ولكن قلت ادوّر أي شيّ يناسب عيادك

صفحّت الهدايا لين ضاق بشوفها صدري

أبي شيٍ يجمّلني معك لا فاح رينادك

ابي شيٍ أمدّه والخجل من فوقي وحدري

وقلت آشوف بعض الناس قبل يحل ميعادك

وش اللي من هداياهم يليق بوجهك البدري

بعضهم جاب ورد وشفت كل الورد مافادك

وانا اصلا أعتبر من جاب ذاك الورد مايدري

لأن الورد لو مازاد بين إيديك مازادك

تركت الورد وأعجبت بثلاثٍ جوك من بدري

بحتفل في عيد ميلادك

وللأسف بحييه من دونك

المهم أبقى ع ميعادك

وأحفظ التاريخ وآصونك

الله يهنيك بعيادك

وفي غيابي تمرح عيونك

الله يحقق لك مرادك

وين ما تمشي على كونك

طايب في قربة بلادك

وكل من حولك يهنونك

لا تذكر ريح فوادك

لا تعذب قلبك شجونك

جيت أهني بس قصادك

لا أتفاجأ بي على هونك

المهم أحفظك في بعادك

وأثبت لدنياك ما خونك

يمرّني كل عام يوم ميلادي

يوم أعرفه ويوم انسى مواعيده

يمرّني وانتبه للغايب البادي

واهوجس بحال غيري من مواليده

أرتاع وارتاح له يفرق وهو عادي

ينقص من العمر عام في ضحى عيده

أناغم الحرف ذا باكي وذا شادي

وارسل مع كل دمعه وجد تغريده

ياوابل الغيث كان الحظ به جاد

يزهر حياتي نداه وتزدهر بيده

قالت ابعادك اصعب ابعاد للحين

صبرت عنك والصبر عنك مافاد

البارح كملت واحد وعشرين

كنت انتظر منك تجي دون ميعاد

سكت وقلت من القهر خاطري شين

في داخلي ثارت من الصدمة اجواد

الحب وين وفرحة اعيادنا وين

الوقت ماخلا لنا حب واعياد

تدرين لا والله ماظن تدرين

افراقنا اهون من مفارق ابلاد

العام معك احتفل في يوم ميلادي

واليوم ماغير أنا والليل وشموعي

وين إنت هالليل عقبك بعثر رقادي

ماكن للضيق راحة غير بضلوعي

وين أنت محتاج لك هالشوق مو عادي

من عقب ريش النعام وسادتي كوعي

ياحادي العيس مال العيس من حادي

عقبك ولا عادت طبوعي هي طبوعي

ولا عادت أعيادي اللي تذكر أعيادي

من يومها والحزن واحد من ربوعي

أنا فقدتك وكني فاقد بلادي

الله يرحم دموعك إرحم دموعي

حاولت ألم البخت مير البخت غادي

وشلون ألمه وبعدك بعثر جموعي