شعر قصير - اشعار قصيرة ومعبرة

ياحبيبي رضيت بقسوتك وانتصارك

خذ عيوني وطن واحكم رموشي قبيله

كنّك على قلب المعنّا..توطّين

يالمترفة يا ام القميص المكسّر

عن الشوق لو انك تخبيه وين تطير

معك لا صحيت وفي منامك تحلم به

ياصاحبي ماهو بمشكلتي الموت

الموت دربٍ لالخلايق ممهد

نستعجل الأيام وأعمارنا ايّام

والشّيب يطغى والأماني فتيّه

يالله بعلمٍ من كثر مايفرّح

اسجد لربي شكر وأبكي خشوعي

تستاهل المدح بأفعالك

يا طيب الرأس يا عاطي

غيابك اللي طال طوّل سكوتي

من ليلة التوديع ماقلت لي بيت

نبرة حنانك يا ندى ذوق واحساس

وقلبي زهر محتاج قطرة ندى شوق

دنياي أنا ألوان وريشة وكراس

وانتي يدينك ترسم الورد بالذوق

بين حد الواقعيه والشعور

كنت واثق راي لكن مو شجاع

ماقدرت اكون بالفرقا جسور

رغم عمق التجربة والاقتناع

شزر العيون مقطب الحجان هداج الخطوب

لاسمّرت بمشذرات الحدب ولاّ بالنبل

ولاّ الخبيث اللي من العصمّل والفرس محلوب

قولوا له اليا استوهم انّه شيخ من بوق وطبل

الله ياهم نقلته لحالي

مافي يدي حيله ولا بالقدم حيل

أجحد واجنّب مشكلي كل غالي

واكناه عن عدواني الّلي مغاليل

يا ذيب وإن جتك الغنم في مفاليك

فاكمن إلين إن الرعايا تعداك

من أولٍ يا ذيب تفرس بياديك

واليوم جا ذيبٍ على الفرس عداك

يلي طموحك أكبر من اللي أنقول

وأفعولك أبعد فيك عن كل الاقوال

عسى عمر مولاي يامحمد يطول

وعمر أمك اللي بطنها جاب رجال

يارب تكفينا الزمان وهمه

كم واحدٍ دمعه لخده ذارف

مايشتكي فقره لأبوه وعمه

صرف النظرعمايريده صارف

لأنه كفو من يوم جابته امه

ماهوب عن درب الجمايل حارف

اربع خصال للسنافي قمه

دين وادب واكرام ضيف وعارف

حيث الخصال الاربع الملتمه

نفخر به في أدني العرب والطارف

أنا عند سجن أبها صباح وظهر وعصير

أبيلي خوياً يمه النفس مجبوره

سجينٍ بقلبي له معزه وله تقدير

ومن دونه الحراس والسجن وأجسوره

اكرر مجيي عند باب السجن تكرير

ابجلس قريبٍ منه لوكان مازوره

وليجيت بمشي حارت الرجل بي لاسير

وعلى غير شفي تمشي الرجل ماموره

علىشوفه أشفق من هل القدس للتحرير

وطالت علي ليام والروح مقهوره

من أول يطير الحر واليوم كيف يطير

صعيباً مطيره والجناحين مكسوره

وكثر الطواري في ضميري لها تاثير

وليام خانة مسلمٍ مانوى البوره

ياحبيبي والظروف تمارس الوحشيه

ماتقيس ولاتحس بسطوة الألامي

تقبل وأقول الله يعديك الشر

ولا يعدي عاشقك رمانك

الغرام انواع والذ واقسى ما لقيت

حبٍ تشوف العنا والهنا فيه اخشرا

احبك كلمه صارت رخيصه

يرددها من الجهال واجد

يرددها بلا نفس بخيصه

تعرف ان الهوى معناه واحد

حظي معك ياصاحبي مثل اللي ناطر فرصه

عند الحبيبه كل ساعه جالس ويتفخفخ

ويوم الحبيبه غازلوها شلةٍ من حرصه

قام يتوعّد ويتهدّدهم وهو متنفّخ

لفي الحياة وجربي فيها ايلين

تبكين من قلبك على الحب وعلي

لانك خسرتي غالي وبعتي ثمين

والحب قالوا للحبيب الأولي

عيشي بدوني قد مانتي تقدرين

حتى سحايب ليل عمرك تنجلي

ليلة السبت يا نايف تجر الكلام

ما كأني حلفت أنسى الورق والقصيد

الله الله على جرحي وخل السلام

ودي آحس بأحزان الهوى من جديد

داخلي سر ضايقني قبل لا أنام

يمكن إن بحت به أرجع كأني سعيد

لاوالله الا بعد فرقاك ياخلي

نوم البشر في عيوني ما تهيالي

القلب بعد الجفا يازين منتلي

ودموع عيني على الخدين همالي

لا عاد يازين بالصده تلمح لي

القلب من بعدكم كنه على صالي

ابيك من سبة الهجران تشرح لي

واشوف وش هو خطا قلبي وغربالي

ياهوى بالي تراني من الفرقا مريض

وانت سبت جرح قلبي وابي منك الدوا

من رزقه الله بقربك ترى يكتب حضيض

سعد عين الي تهنى بحبك وارتوا

ياحسين الطبع يالزين يالغض الغضيض

أرحم ألي لاعوى الذيب من همه عوا

فارقه بالزين كله على سمرن وبيض

عود غصنن مال لاهب نسناس الهوا

من ديارن بالمكارم على الطرقي تفيض

يتبعون الذود من حيث راعيها نوا

لاقيل حالتك هذي ماهي ابحاله

اقول تكفون خلوني على حالي

افراق الاحباب فال الله ولا فاله

ياويش سوى بقلبي ويش سوالي

الغالي اللي عسى الله يكتب اوصاله

غرو شغلني ونساني عن اشغالي

فيه الحلا والدلع من جاله لجاله

وانا بي الشوق له من جالي لجالي

كن البها والتغنج عمه وخاله

وكن العنا والتوجد عمي وخالي

مدري على باله او ماهو على باله

انه مع كل لحظه شاغل بالي

اقسم قسم بالله ماني بناسيك

لكن وقتي ماسمح في وصالك

اسمع ندا قلبك وانا اقول لبيك

وافرح ليا مني سمعت اتصالك

ارجوك لاتنسي محبك ومغليك

ويجلس لحاله وانت تجلس لحالك

ماتدري اني ذايب وهايمن فيك

واسج لا مني سمعت بمجالك

ومن زود حبك صرت اعادي معاديك

واغار من عمك وجدك وخالك

ابيع كل الناس لرضاك واشريك

وحتي حلالي صرت اعده حلالك

قفلت باب القلب حتى اني ارتاح

درب الهوى غيرت فيه اتجاهي

لاحزن لادمعه ولاهم وجراح

لاالقلب مشغول ولاالفكرساهي

من جايجي من راح مااقول من راح

حلفت للمقفيين ماحط جاهي

بس الحبيب الي معه خافقي طاح

امشي معه وانااعرف انه متاهي

اذوب الى منه على ناضري لاح

تذبح عيونه موت والجسم راهي

يخطي علي والقلب طيب وسماح

ويعوديتئسف بطيب متناهي

في غيبته ليلي تقاسيمه اشباح

وبجيته يرجع علي انتباهي

جيتي مثل سيل من الغيم حادرك

اقصاه كفك واخره في يديني

كذا معك حسيت ربي مسيرك

من يوم ما عينك تساوت بعيني

قررت اسوي لحبنا عيد ميلاد

معك احتفل حتى ولو ما اشوفك

ان كنت فبلاد وانا كنت فبلاد

اشعل دموعي واحتفل مع طيوفك

لا تلتفت يمّ خلق الله

ما احدٍ من الناس يشبه لك

الله عطاك الحلى كلّه

وتّقاسموا باقية فضلك

أنت القمر بين الأهلّه

نورك وجذّابك وشكلك

كان لي غصن مثل الدعوه المستجابه

ان خلى من حمايم ماخلى من ثمر

بالربيع افترش ظله وازيده رحابه

بالخريف التحف صبره وازيده عذر

حافه النهج الابله لين دنّس ثيابه

الحرابي تمرجح به ودود الحفر

البارحه راسي تصافق طواريه

والنوم ماله يمة العين حروه

يلعب براسي صوت صلف المشاريه

ذيبٍ عوا يبغي عشا امه وجروه

وأنا على الدنيا من الهيه للهيه

ماهمني شهره ولا جمع ثروه

لا تشتكي من جور الايام للناس

ادفن همومك في ثرى الصمت كله

اسرار عمرك خلها تحت الانفاس

لا صار هراج القفا فاطن له

هذاك يفرح لا لمس جرح الاحساس

وهذا مناهي لا لقى فيك عله

تعيش بالوجدان ما عاش هالراس

لولاك قل لي ويش انا عايشن له

سيدي من قدح راسه شب ضوه

نارٍ براس العلم كل الثواني

محمد ليا من عوى فعله بدوه

أمعطٍ نسّت من عواه الحصاني

السمو يهاب من هيبة سموه

حافظه من عظّم السبع المثاني

تسبق خطاه الزمن تقول توه

جاي من مستقبل الامجاد عاني

كبدي من الرديان قد هي دابله

ونفسي على فرقاهم الها قابله

زان الحكي لا جيتهم في وجهي

ونفوسهم بالسو راحت حابله

يحرم علي امرهم في جيتي

دام الوجيه الخايبه متقابله

بشوم عن هذا وعن ذاك ارتفع

مالي ومال العالم المتهابله

ولا الرفيق اللي يقدر وقفتي

والله لااعطيه الحقوق مدابله

قبل الفجرجاني خيالك وفزيت

مدري علم مدري حلم في منامي

امسيت افكرفيك واصبحت وامسيت

والي سبح بحرالهوامايلامي

وش حيلتي في غيبتك يوم قفيت

ابغى اتكلم ويتلخبط كلامي

حب العذاراء فتت القلب تفتيت

احاول اصبرلاكن الجرح دامي

يالتني عن مدخل السوق صديت

حتى استريح من الهواوالغرامي

لاكن وقعت بجم حبك ماسميت

وبعدك تغيرت وتغيرنظامي

يصد مني صاحبي لانظرني

صدة عدون شاف صورة عدوه

لو يدري ابما في ضميري عذرني

لاشك يجهلني بحكم الفتوه

يازين كن الله بحبك فطرني

لكن صدك سم حالي بقوه

صدك جفى ولاّتبي تختبرني

ولاّسحان بالحيل ولاّجروه

ارفق بحالي وان مشيت انتظرني

وعوّضَك حتى حنان الأبوه

مافيه خصله يالغضي تفتقرني

انا مقيّد بالشرف والمروه

لاكن مادام الله بحبك ومرني

ماتبغي اتسوّيه يازين سوه

وان كان ربن صوّرك مانصرني

مافي يدين الخلق حيلن وقوه

يابو مهنا ياحفيد السلاطين

ترى القناعة ماتورث مهونه

امقسم الارزاق رب الثقلين

والخلق غيرك رزقهم يقبلونه

نصيب غيرك لو تحلاه بالعين

اتقربه لوهام وتحول دونه

لاتفلس الدنيا وتفلس من الدين

النفس لاانساقت تموت امغبونه

قد قاله الشاعر قبل عدة اسنين

في بيت شعرن هاجسه مايخونه

ياكم خلق ربي من الزين والشين

وكل زادن له هل ياكلونه

لاترجي اخيالن ورى مقطع الطين

سيله وبرقه كلشن له نمونه

اذكر جليل الملك واخز الشياطين

لعب الهداوه غير لعب الخشونه

يازين المساري كل ماقرب الهاجوس

مع خبةٍ مابه من الناس زوالي

ديار تسر العين والخاطر المنحوس

احب الصحاري حب ماني له امالي

اعدي براس العرق والعب على المنكوس

اسج القدم واصبر على المر والحالي

على شعة القمرا ولا ولع الفانوس

اردد بيوت الشعر واجيب موالي

ديار الخلاء تعطيك منها عبر ودروس

ولا زارها اللي قام يزحف من صالي

ديار الرجال اللي على الطيب والناموس

عطران الشوارب شوفهم يشرح البالي

على شوفهم كني محصل ذهب وافلوس

وشوف النشاما عندي اغلاءمن المالي

مداهيل ذود شوفه يجلي الكابوس

لطاح المطر والنبت ياتي له اشكالي

ديارِ تقول قلب دايس بها مغروس

ولا داجها الشاوي ولا هوب محتالي