شعر مصري باللهجة المصرية الأصيلة

أنا في انتظارك

خليت ناري في ضلوعي

وحطيت إيدي على خدي

وعديت بالثانية غيابك ولا جيت

ياريت ياريت يا ريتني عمري ما حبيت

عايز أعرف لا تكون غضبان

أو شاغل قلبك انسان

خليتني من يأسي أقول

الغيبة دي غيبة على طول

واتفكر إيه اللي جنيت

ساعات أقوم الصبح قلبى حزين

أطل بره الباب ياخدنى الحنين

اللى لقيته ضاع

واللى اشتريته انباع

واللى قابلته راح وفات الأنين

وارجع واقول لسه الطيور بتفنّ

والنحلايات بتطنّ

والطفل ضحكه يرنّ

مع ان مش كل البشر فرحانين

حبيبى سكر مر طعم الهوى

باستنظرك باستنظرك

رغم الشتا والبرد والرعد المخيف

باستنظرك ف الشارع المشغول باوحال الرصيف

أنا اصلي حاسب موعدك

وعارف اللي بيبعدك

وأنا اللي خابر تبقي مين

وأنا اللي صابر من سنين

وباعدّ لك مطرح ف بستان الامل

وبامدّ لك

وف كل خطوة أمدّ لك ايدي اللي شققها العمل

الأرض بتتكلم عربي وقول الله

ان الفجر لمن صلاه

ماتطولش معاك الآه

الأرض بتتكلم عربي

ومن حطين

رد على قدس فلسطين

أصلك ميه وأصلك طين

الأرض بتتكلم عربي

بوجد وشوق

الفرع اللي يهم لفوق

لولا الملامة يا هوى لولا الملامة

لأفرد جناحى ع الهوى زى اليمامة وأطير

وأرفرف فى الفضا وأهرب من الدنيا

الفضا وكفاية عمرى اللى إنقضى

وأنا بأخاف من الملامة

سألونى كتير سألونى عليك بتحبيه

أيوه أيوه وحأنكر ليه

فرشوا لى الأرض دموع والشمس جراح

وده كله عشان حبيت

ولا عشان قلت أنا حبيت

قد أوقع القلبَ في الأشجانِ والكمدِ

هوى حبيبٍ يُسمّى المجلس البلدي

ما شرّد النومَ عن جفني سوى

طيف الخيال، خيال المجلس البلدي

كأنّ أمي أبلّ الله تربتها

أوصت فقالت: أخوك المجلس البلدي

أخشى الزواج، فإنْ يومُ الزواج أتى

يبقى عروس صديقي المجلس البلدي

وربما وهب الرحمن لي ولدًا

في بطنها يدّعيه المجلس البلدي

اصحى يا نايم وحد الدايم

وقول نويت بكره ان حييت

الشهر صايم والفجر قايم

اصحى يا نايم وحد الرزاق

رمضان كريم

مسحراتي ومعدي

منقراتي ومين قدي

الطبلة عاليه في احضاني

زي البيان زي النشره

في ستة اكتوبر عشره

ودارت الأيام ومرت الأيام

ما بين بعاد وخصام

وقابلته نسيت اني خاصمته

ونسيت الليل اللي سهرته

وسامحت عذاب قلبي وحيرته

ما أعرفش ازاي كلمته

ما قدرش على بعد حبيبي

أنا ليه مين الا حبيبي

قابلني والاشواق في عينيه

سلم وخد ايدي في ايديه

هما الامر والسلاطين

هما المال والحكم معاهم

واحنا فقرا ومحكومين

حزر فزر شغل مخك

شوف مين فينا بيحكم مين

احنا مين وهما مين

احنا الفعلا البنايين

احنا السنه واحنا الفرض

احنا الناس بالطول والعرض

من عافيتنا تقوم الارض

وعرقنا يخضر بساتين

خزر فزر شغل مخك

لسه ما شبعتش طوافة

ياللي بتطوف من سنين

لسه ما كرهت الليالي

لسه ما شبعتش مشاهدة

يا قمر حالك كحالي

ضيعونا بالمعاهدة

يا قمر هدوا قبورنا

واستباحوا اللي ف صدورنا

دمروا قلوبنا ودورنا

حقنا أصبح خرافة

وضعت يا بلدي الأمين

يا قمر تصعد في يافا

أنا لك على طول خليك ليه

خد عين منى وطل عليه

وخد الاثنين واسأل فيه

أنا لك على طول

من أول يوم تحرمنى النوم

وتحرمنى من قربك

ابعت لى سلام قول أى كلام

من قلبك أو من ورا قلبك

مش يبقى حرام أسهر وتنام

وتفوتنى أقاسى نار حبك

وأنا لك على طول خليك ليه

الليل والليل والشوق والميل

بعيونى وجيت أسأل عنك

سألونى عليك واشتقت اليك

فنان فقير على باب الله

الجيب ما فيهشي ولا سحتوت

والعمر فايت بيقول آه

والقطر فايت بيقول توت

صحيتني ليه يا شاويش يا شاويش

أنا كنت سارح في الملكوت

لما بنام بحلم وباعيش

لما بفوق ما بفوقشي بموت

وتقول على كبير السن

وانا في قلبي ولد كتكوت

وتشوفني ببكي وبانعي وائن

والدنيا لسه بنت بنوت

اشمعنى قلبي ضناه الشيب

من الشقا مهري ومنكوت

قال اللي قال العيب في الجيب

والجيب ما فيهشي ولا سحتوت

تعرف تتكلم بلدى

وتشم الورد البلدى

وتعيش الحلم العصرى

يبقى انت أكيد

تعرف بالعربى تنادى

بسم الله وبسم بلادى

صوتك فى العالم

المصرى حبيب متحمس

لو حتى بدقه يغمس

لو جاله حبيب

لو جاله حسود

محفوظ بيغنى ياليل

على دقة قلب زويل

وحليم فى الهوى دوبنا

على قد الشوق

ثومه ومنديلها الوردى

غنواية جيل

قادر على كل

مال الهوى يامه

انا لا ملت اليه

ولا ندهت عليه

هو اللي مال يامه

فات الهوى عالعين

ما عرفتش جالها منين

سرق سواد الليل

وكحل الجفين

واحترت اقوله ايه

وانا لا ملت اليه

هوه اللي مال يامه

ضلل عليه جناح

هفهف شوية وراح

وزين الخدين

بالورد والتفاح

واحترت اقول ايه

وانا لاملت اليه

وهو اللي مال ايامه

يا خوفي يامه يعود

يطلب عيوني الشود

ويقطف التفاح

والورد من عالعود