شعر مصري باللهجة المصرية الأصيلة

على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر على اسم مصر

بشرع العشق ع العشاق وع المجاريح فى بحر عنيك فردت قلوعى ويا الريح سهر ليلتها البدر يتوانس معايا وحط صورته جنب صورتى فى المرايا وصدقونى ضحكتلوا ضحك وقالى وقولتله وحكينا اسرار الهوا و ازاى ندهلى ورحتله و ازاى أسيت و ازاى تعبت ومن ليلتها وقلبى مش طايق حنانه ومن ساعتها وهو مش نايم مكانه سهران فى ذكرى احلى ليله من زمانه

أنا في انتظارك خليت ناري في ضلوعي وحطيت إيدي على خدي وعديت بالثانية غيابك ولا جيت ياريت ياريت يا ريتني عمري ما حبيت عايز أعرف لا تكون غضبان أو شاغل قلبك انسان خليتني من يأسي أقول الغيبة دي غيبة على طول واتفكر إيه اللي جنيت من ذنب يسيئك ما لقيت ياريت ياريت يا ريتني عمري ما حبيت

ساعات أقوم الصبح قلبى حزين أطل بره الباب ياخدنى الحنين اللى لقيته ضاع واللى اشتريته انباع واللى قابلته راح وفات الأنين وارجع واقول لسه الطيور بتفنّ والنحلايات بتطنّ والطفل ضحكه يرنّ مع ان مش كل البشر فرحانين حبيبى سكر مر طعم الهوى فرق ما بيننا البين ماعدناش سوا حرام عليك يا عذاب

باستنظرك باستنظرك رغم الشتا والبرد والرعد المخيف باستنظرك ف الشارع المشغول باوحال الرصيف أنا اصلي حاسب موعدك وعارف اللي بيبعدك وأنا اللي خابر تبقي مين وأنا اللي صابر من سنين وباعدّ لك مطرح ف بستان الامل وبامدّ لك وف كل خطوة أمدّ لك ايدي اللي شققها العمل مدي الخطاوي يا حبيبيتي وقدّمي باستنظرك يا مصر يا حبي الوحيد

الأرض بتتكلم عربي وقول الله ان الفجر لمن صلاه ماتطولش معاك الآه الأرض بتتكلم عربي ومن حطين رد على قدس فلسطين أصلك ميه وأصلك طين الأرض بتتكلم عربي بوجد وشوق الفرع اللي يهم لفوق لأجل الجذر يشم الضوء الأرض بتتكلم عربي