شعر وطني وقصائد عن حب الوطن

وطنا يا وطنا لك على شم الجبال حقوق

ولك منا نبيع العمر في طاعة معازيبه

تزيّن بالبروق وصب لك من غيمها طاروق

على لمعة سيوف العز والتاريخ والهيبة

دعاني الساحل الشرقي ولبيته

جيته على غيمة الاشواق مشتاق

تركت غيره من اللازم وبديته

لعيون موج الخليج أسوق له ساقي

مع غيمة ابها صدوق الود سريته

يسري مع ساري الوجدان رقراق

يا بحر ياما من الأسرار داريته

تلفظ زبدها وسرك يابحر باقي

وياما من اللولو المكنون كنيته

كم واحد حاول الدرّه ولا طاق

خلقت بديرت من ذاق ماه

لو أنه غاب عنها ما نساها

حشى والله ما نلحق جزاها

بها جيرانها مثل الأهالي

وهي دار الحميه والمعزه

وهي دار الوفاء في كل حزه

بلاد الخير ياهاك البلادي

تعيش الحضر فيها والبوادي

والى جاهم بعيد الدار عاني

يبا الفزعه وحاديه الزماني

بح صوتي وأنا أصوت لك وأنادي

يابلادي ودي أكتب عن بلادي

وأبتديت أذكر علم داري وأخيله

فالسماء وإن شاغبته الريح هادي

مايلام إن ماتأثر بالعواصف

لان كله عزه وصدق ومبادي

وأتذكر كل شبرٍ في ثراها

وكل ضلع وكل خد وكل وادي

وكيف كنت أحنً فالغربه لداري

وكيف أعاف ف بعدها شربي وزادي

ماشعرت إلا وأنا أقبل ترابك

يالسعوديه وأصوت لك وأنادي

السنين تمُر والذِكرى تدوم

والوطن في يوم ذكراه المجيد

في ذرى محمد تجدد لك عزوم

خطوتك عَجله وعينك للنجوم

قدّها وقدود ابو سلمان دوم

رؤيته ترسم على دربك خُطاك

عزوتك شعبٍ في حسابك رصيد

وقفته هي وقفة اطويق العنيد

قالوا اكتب فالوطن قصيدةٍ شعريه

والشعر ماهو كفو يوصف شموخ بلادي

الوزن والقافية راس مال المعاني

والوطن هذا يظلي راس مال فوادي

ولن كلّ ايامنا اللي فالسنه عاديّه

غير هذا اليوم عندي يوم ماهو عادي

فالسنه عيدين شرعيه فطر وضحيه

واعتبر يوم الوطن ذا ثالث الأعيادي

ياوطن يسعد صباح المجد والحريه

ياصباح الفل مدري ياصباح الكادي

الوطن دم الحياة اللي جرى

في شرايين النوابض والوريد

ودون عزه ما يذرينا ذرى

مهبطٍ للوحي والمجد التليد

فيه شيّدنا الحضاره بالعرا

وكل يومٍ من فضل ربي تزيد

ركبنا قدام ما يرجع ورا

والعقيده منهل العلم المفيد

غيّروا وجه الصحاري والثرا

بالتطور لبّسوا الثوب الجديد

الوطن غالي ولا يرخص بدراه

غير من عدوان دينه وهقوه

وكل راعي دار في كبده حراره

ما يخلي ثار داره لمعتوه

دارنا يفرض على المسلم وقاره

الله اللي به مشرف شرّفوه

ياوطنا مسكنك فـ المحاني والصدور

مزهر ٍ تشرب رحيق الحياه المزهره

يا وطنا عشت غالي على مر العصور

كل عصر ٍ غير عصرك سنينه مقفره

ياوطنا دارت الأرض والدنيا تدور

ودها تاصل مكانك وتحظى بمنظره

بس ربي شرفك بالمكانه والطهور

فيك مكه .. فيك طيبه زهي ومفخره

يعني الوطن وش هو؟ سعَف نخل وحصون!؟

في ذمّتي وش كثر من يجهلونه

كم داخله عالم وخارجه يبقون

وكم خارجه ناس ٍ وهم يحملونه

كم ناس يذكرهم بقلبه وينسون

وكم ناس ناسيهم وهم يذكرونه

حاول تقول اصدق من اللي يقولون

والا الوطن وافي ولا له مهونه

حييت ياعز البلاد وسعدها

ياللي ليا جا بالوطن حلبه نور

تحية ٍ ما والله احصي عددها

ابديتها من خاطر زادبه نور

يامرحبا بك عد ما ارزم رعدها

وتاريخنا معكم يزكي عن الزور

ادنى مواقفنا وطارف بددها

ميصال جدك من ورا سبعة ابحور

وانتم عمار الدار وانتم عمدها

وانتم لجاحي ٍ من الخوف مذعور

يا وطن لا عز شعب ٍ تروعه المنايا

والمنايا دون حدك لنا حق ٍ وطاعه

دام عزك يا وطنا يا عسى مجدك يدوم

رملك الطاهر نجوم ومنزلك فوق السما

نفسك الحره عزيزه وقلبك الطاهر رحوم

للعمى عسى عيون اللي يحسدك للعمى

يا كثر هذي الحروف الناعمة أحرف لها معنى وقيمة

يا كثر ماهي رحيمة

يا كثر ماهي دفا شمس وضيا نور

روح أبيض من الثلج وانقى من قلوب الطيبين

وكل أمانينا الجديدة والقديمة والكريمة

يعني ثرى طاهر

يا وطن حييت بالخير وعيون الصبايا

ما بعد عزتك عزه ولا بعدك رفاعه

والله إن الشعر يآتي على عذب السجايا

كل ما ابحرنا لعينك وفلينا شراعه

علمونا أن الوطن دم ورجاله خلايا

وإن من يرخص دمه ما على وجهه شفاعه

يا وطن لا عز شعب ٍ تروعه المنايا

والمنايا دون حدك لنا حق ٍ وطاعه

قربوا منا الدهايا وحن ساس الدهايا

ما ربينا في ترابك على غير الشجاعه