شعر مدح - قصيدة مدح في رجل كفو

لو عطوني في الوزاره مستشار كلمةً لاني لها ولاهي بلي ماتبع الا كون عساف المهار فارساً لاجاك همك ينجلي المعذره من طويلين الشبار لاتفسر هرجتي وتزعل علي والله مارضى كون في صف النمار دام فيه عرق والدم يغلي سارياً باليل في درباً غتار مامشابه لاصديق ولا صلي السفر لابان جا عقبه نهار شفت دربي زين وطلقت اجملي الحباري مالها كون الحرار والحرايب مالها كون جهلي ون لقيت السوق فحسن لختيار لاتجس الرخل وتخلي الطلي اللحى عندي لها قدر وشنار ولحيةً ماقدرتني تسفلي

عزنا الله باسرة (ن) جعل مافيهم ضعيف نسل ابو تركي سلايل معشين السباع ياحفيد اللي خذا الثأر في الوقت المخيف استرد الحكم والامن من بعد الضياع ايخطاك السو ياصيرم (ن) مالك وصيف يامرجح كفة الكيل لااشتد النزاع انعثر كلب النجاسات عن طهر النظيف واعتلى بالعز بيرق طويلين الذراع انت في خدمة بلادك ومنصبك الشريف واستطعت اتقرب الفرق قدر المستطاع ومنهجك حسن النوايا تغينمها الضعيف مير نجاك المنجي وهو غاد (ن) قطاع ياولد نايف ثمنها على الزمرة كليف ماورى هذي تحري مواقف واقتناع من بحر جده الى سيف صفوى والقطيف احكمو ضرب الركد لين ينزاح القناع وحن تحت راية ملكنا لكم كم (ن) وكيف نرد حوض الموت وانجاء لمر منكم مطاع

كب الهجوس وطرب الراس ياشيخ وانصب نظر عينك وميل عقالك وابعدعن هروج الرخوم المداليخ سودالنوايالوتناخوا قبالك بيض الخدودأهل القلوب المفاضيخ أفعالهم تسكت الياضاق بالك خلك رفيق للثلاث المطانيخ حلالهم عند اللوازم حلالك مايكنزون المال ماهم طخاطيخ يصفون وان كان الردي ماصفالك منزالهم في عاليات الشواميخ ترهم ضلالك وانت وكد ضلالك ياصرت رابع للثلاث المطانيخ لاعادتنخابس ميل عقالك

تباشري يانجد بالغيث والخير من عند رب(ن) ما قطعنا الرجا به ياماحلا شوف النفل والنواوير وصوت أم سالم مثل صوت الربابه وخوة رجال(ن) كلبوهم مناعير يجلون هم اللي تكدر شرابه ربع(ن) لهم عندي معزه وتقدير والشاهد الرحمن منشي سحابه يامن يخبرهم بعلم التباشير ويوصل المكتوب ذيك الذيابه ينصى جنوب المملكة حبها غير آعزها من شأن ربع وقرابه الحي راقي والوجيه المسافير والبيت لضيفان ما نصك بابه تلقى تراحيب ودلال(ن) مباهير والعود الازرق فال ضيف(ن) لفابه ماحسبو للمال ربح ومخاسير عسى فداهم كل رجل(ن) زلابه إن كان راد الله لفونا مساييـر على ربيع(ن) يطرب اللي مشابه الغيث جانا وسط نو(ن) مزابير يرعد ويبرق فوق رووس الشعابه نجد وفيافيها سواة النوافير والظلع سيله عجل ما يرقابه اسلم ورد العلم في الحال للزير والرجل لامن راح بالعلم جابه هات العلوم ولا تجيب المعاذير عسى يتمم لك وكيل النيابه

صد عنّي مانبيها لك خطيه ولا تدور في علومي لك خطايا الحكي وان طال فالنيه مطيه انت فعلك شين ياشين السوايا عزّتي والمجد والنفس الغنيه راس مالي وشوف عيني بالزوايا جيت يمك يوم عاد الشمس حيه ولا بقى للّيل من نجمك بقايا لو تفرّق بين شمس وبين فيّه ما حديت الصّوت يجرح بالخفايا وتدري ان العلم لو جابه خويه الحكي مرسوم بعيون البرايا بس جنبها دروب المهمهيه وجنب الحكي العتيق من الشظايا جرّ بالمسحوب وإلا السامريه طالب إنّك ما تجي سود النوايا يارفيقي وان دمحنا لك خطيه فإعرف إنّا ماحسبنا للحكايا

بديت راس القرن والراس شواش والخبت بكاني بشيفة هضابه يالله عسى البراق لا هل برشاش يرخي أمزونه لين يسقي شعابه يكسى ديار الخبت ببساط وفراش يروى الشجر والعد يصفى شرابه فيه الخزامى والنفل نبت وأعتاش غشا وشكّله على شكل غابه سج النفس يا صاحبي ينعش إنعاش في وسط روضٍ يسعد اللي مشابه ديرة بني عمي عمى عين الاوباش أهل القنا والسيف يعرف نصابه لاجا نهار فيه تفريع وهواش كم احرموا بعض العرب من شبابه الاد ابن سلمان ويا لعنبوا اللاش ضدى المعادي لانوى بالحرابه أربع بدودٍ تعطي الكاش بالكاش صبيهم في الحرب يضرب حسابه عمارنا للخبت تنباع ببلاش من دون حده مارضينا الغلابه واللي نواه بشر لا عاش لا عاش يموت قلبه غل مهما نوابه ذا قول ابن شبله علي عقب ما شاش والذيب يعوي لا عوتله ذيابه

معمور يالمجلس اللي نيرته يجذب سناها لاشفت ضوه تذكرني بضوك يابن هادي محمد اللي خذا نجد وكلا من حماها مايطبه الاجنبي كود بخيولٍ تقادي يرسل الهدو والاعداء يقصر من خطاها بمصقلات معا شجعان وسيوفٍ حدادي بني مضيم عوال العود معروفٍ نداها لامنه رد البرا والعلم مثبوتٍ وكادي لاهنت يابو رفاعي كل نفس ومستواها احدٍ لها انظار قرب واحدٍا نظراته بعادي لك هقوةٍ وافيه ماشفت انا مثلك هقاها ياسعد من انت عونه لاقدح راس الزنادي.

تهب الرياح وقمة طويق ما تهتز كساها الشموخ وفي العلالي تماري به رست في الصعايب مثل وقفات ابو معتز وقوفٍ يطول العز ويشتت الريبه تسولف عن افعاله نجوم السما لا فز ولا من جلس كن السحايب تهلي به اشوفه واحط لمعسرات الليالي كنز ولا قلت جابر قالوا الناس يا طيبه هذاك الصديق اللي غدا للمراجل رمز افاخر ليا قالوا صديقي واغني به على قمة الشيمة اشوفه وهو مرتز مثل شيخ قوم يستحي الليل من شيبه وقف مثل برج المملكه في رياض العز يعلم رمال البيد وش تعني الهيبه

بنت الكحيله مهرتي وخيالتي من كل اصيل ألقى عليها طربتي بين المعنق والشليل صدر وقطاة فلوتي العنق والساق الطويل وقع الحوافر نغمتي وحداتنا رجع الصهيل أبوي وجدي قدوتي لو ما لهم عندي مثيل بالدين تفخر عزوتي والرمح والسيف الصقيل ماكر حرار ديرتي ما في هل العوجا ذليل

يالبندري جيتك أمسيك بالخير يسعد مساك الله وينْور مساكا يامنتدىٍ فايق إستايلك عن الغير غنجك وذوقك والدلع به شراكا وصفك ابعيني فاق كل التصاوير من بينهم مثل القمر في سماكا صداك وسط الويب عدى المعايير محال غيرك يوصل لمستواكا أوحيت في فنك مهاره وتمرير مايدركه ولد البرازيل كاكا أشهد وتشهدلك جميع الجماهير الي تتابعلك سبايب غلاكا وعيدها وقو ل مسيك بالخير يامنتدى ٍ مثل القمر في سماكا

يا سلامي عد ما هل همال المطر وعد براق سرا في المزون المردفات والسلام أخص به شاعرن صيته ظهر منتدى قحطان يشهد له بزين الصفات عاصي الشعار علا بهامات الشعر يبذل المجهود عد العلوم الغانمات شاعرن ما ينتقي إلا من خيار الدرر ينتقي جزل المعاني وجزل المفردات لا ورد مع المواريد حبله ما قصر ما يهاب ويرتكي للحمول الكايدات ربعه عليان ساس الوفا ساس الظفر لابتن ليجاء الملاقا تعدل المايلات عن بني عمي عبيده مخابيط الكفر قلتها وأقولها من جميع الناحيات خبرة أبياتن طرت لي بعد وقت العصر وقلت أنا يستاهل القرم جزل المكرمات

بسم الله الرحمن وارحب يالامير ترحيبن احلا من حلا السكر حلاه ياميرنا اللي قدره القدر الكبير اللي يشرفنا معا فعله نباه ياميرنا اللي خيره الخير الكثير وكلن يعيّن خير من مدة عطاه كريم سبلا وكرمه ماله نظير الناس تشبع من غداه ومن عشاه ياميرنا اللي لانصاه المستجير باذن الله المعبود يسلم من عداه ياميرنا نايف راع السيف الشطير يادرعنا اللي نحتزم به من وفاه ياميرنا اللي لاارتفع صوت النذير من دون ربع ياقف وناقف معاه حنّا عضوده لابدى اليوم العسير نسير تحت امره ولاحن بنعصاه ماللرجل غير ابن عمه والفقير اللي بلا عزوه اتعينه وتحماه وحنّا جماعه والوصل يامير اخير من كل خيرن في مشاوير الحياه واللي يفرق بيننا ملعون صير الحقد كحل عينه وسبب عماه الا سفهته ماسفة الاّ حقير ولا انزل مستواي المستواه اكرم ويكرم كل ابو جهن سفير من واحدن ذم ابن عمه في قفاه وختامها يامرحبابك يالامير ترحيبن احلا من حلا السكر حلاه

دايم واهلها بخوف من عين نضال اكيد ماخافوا عليها العنوسه لانها من قبل ماتلبس الشال كانت تنادى من حلاها العروسه متناسقه مثل الحكايا والامثال متناقضه مثل القصيد وطقوسه

اما نمر ويعقب السيل ديمه مروراً ألطف من هبوب الرشاريش والا ابتعدنا والعلاقه مقيمه بعدٍ يكبّرنا بعين المداغيش فينا على صكّات بقعا عزيمه وحمولنا لو ثقلت حمولنا ريش ولنا على ارقاب الجمايل وسيمه جميلةٍ تشبع بطون الدراويش

ما بين ربع الثانية والدقيقة ثارت هجوسي والسبب بو دلامه ساوى خياله وأستوى بالحقيقة وكل على ما قيل يعرف مقامه ياجعل رأس مايحمى في رفيقه تجعل تحت صلب النصايب عظامه هذا ومثله من عموم الخليقه ما هو بكفو يوم يكسى العمامه وكل بمنهاجه ويمسك طريقه ولحدن بيغير سلم أبوه وعمامه وحنا عرفنا من جدود عريقه الذيب عمره ما يخلف نعامه ولون الذهب ميزه لمعة بريقه وغير الذهب ما ينعرف من عسامه بالمختصر هاذي العلوم الوثيقه جاتك ومقياس الرجل من كلامه

ياوجودي وجد شيخ ٍ عزيز و راس قوم وارث ٍ قسمه من المجد عن جد ظهرة حولت فيه المقادير من روس الرجوم طيحة ٍ من راس قمة على راس حجرة عقب ماهو يعطي المال ويدق الخشوم اقفت الدنيا بماله و جاهة و اسطرة

اللي يبيني حطني ب محجر العين أما گذا التقدير ولآ بلاشي واللي مقفي لا يتحرى خيارين أذبح على فرقى المقفيٰن حاشي

يارب تكفينا الزمان وهمه كم واحدٍ دمعه لخده ذارف مايشتكي فقره لأبوه وعمه صرف النظرعمايريده صارف لأنه كفو من يوم جابته امه ماهوب عن درب الجمايل حارف اربع خصال للسنافي قمه دين وادب واكرام ضيف وعارف حيث الخصال الاربع الملتمه نفخر به في أدني العرب والطارف هذا الذي خاله عريب وعمه شجاع في الميقاف سيلٍ جارف

هذا الملك و أبن الملك و الخليفة اللي حمى الأوطان و الدين و الجار إلى رضى يضحك و يعرض بسيفه و إلى زعل علمٍ تنآقله الأخبار

بايع ومد اليد وعاهد على القرآن هذا ولي العهد هذا ولد سلمان المنزلة والمجد والعز والإيمان بوركت يا محمد بوركت يا كحيلان

بعض الرياجيل صدره للمحامد حصن لو تجرحه كلمة أهل البوق ما باقها المرجلة والحيا في زود لو أنقصن في عين طرّادة الدنيا ولحّاقها يديننا في سبيل الطايلة ماحرصن بدو ٍ تفدوى ونعم بالروح ونياقها والبدو يومنها مبطي مصامخ حصن لو تخسر أرواحها ما تخسر أخلاقها

بي شاعرٍ طيبٍ خدّاع مايكتب الشعر يخترعه ربعه يساوي ثلاث ارباع والأرض تقتات من زرعه ومن كثر مابه من الابداع يختار الأبيات بالقرعه

الفعل اخير من المهايط والاحلاف الكلمه اللي قالها كل عارف اذا الحمول اتصنف اثقال وخفاف تلقى الخفيفه شلها كل طارف ولاّ الثقيله تبغي امتون واكتاف لاحنت ابكار السيول الجوارف ولسلاف ماهي تنقضي بالتسلاف وماينغرف موج البحر باالمغارف كذا الردى ينشاف و الطيب ينشاف مثل السهول ومثل روس المشارف وانا على ماكنت مابه تكلاف الطبع واحد مااحرفته المحارف منّيبه ومنّيبه الاف والاف سواءن امن اجناب ولاّ معارف واذا صرفت انقود مااحتاج صراف لاني وزير النقد راعي المصارف

حنا آل عرجا لكتسى الجو بارود نهيج مثل الموج عقب الركادي هواشم(ن)افعالنا مالها حدود مذاكر(ن)وانسن صعب الجيادي يامية(ن)من يام حماية الذود صيارم نشدي طيور الحمادي لا جا نهار(ن)فيه طارد ومطرود كم شيخ قوما صار حظ الحنادي

بسم الولي نبداء قبل نظم الابيات هو ربنا الفرد الصمد خير والي ياالله تديم العافيه والمسرات وتديم حكم اهل الوفاء والعدالي ال السعود مطوعين الصعيبات هم ذخرنا لاصك جال بجالي وسلام من صدق الاحاسيس والذات تسليمة ترقى على راس عالي تسليمة اعيدها عشر مرات تنصى عبيده طيبين الخصالي فحنا عبيده للفخر قول واثبات مثل الجبال الشامخات العوالي وحنا عبيده طيبين السلالات اهل السلوم الوافيات الجزالي يشهد لنا التاريخ من ماضي فات وتشهد لنا العربان شرق وشمالي فدوم العبيدي يحتسي للجميلات ودوم العبيدي من قروم الرجالي واليا حصل في الوقت شده وميلات ياقف ويصمد لابداله مجالي عنده على خوض الصعايب شهادات من مدرسه قحطان رام المعالي راعي الكرم والمرجله والمروات اللي يحل معقدات الحبالي ودامي عبيدي بافتخر كل الاوقات ومن الفخر بشوش وارفع عقالي

أضحى الضحى وأنا على رجمٍ بديته من عصير أدرى خواطر كايد العجمان من منقودها رجمٍ جنوبي طلعة العشّار شرق أبو ظهير غربٍ من الصرار والونان أشوف حدودها ومحمد بن سعود بن حثلين غير الناس غير إمّيزه ربي خوال وقدها وقدودها حفيد من جابه معزي كنه الداب الضرير مع ابن لامي والدويش اللي يقود فهودها عمود حمران النواظر كلهم قايد مطير يوم الفغم والسور حراس البلد وجنودها

يامرحبا عدة بروق تلامع في موسم الأمطار يابن سفران في واجب الأمداح نلت المطامع ياشيخ يادكتور من ورث شيخان بعض السرور تفيض منه المدامع سيرتك طيب تبهج كبود واعيان امجادكم ماهي برمعات رامع افعالكم يلبس بها المجد تيجان في مدحك وعرفك ترا القلب طامع والحمد للله فرصتن تقضي الشان وليا اجتمعنا في كبار المجامع قحطان شامخ عزها كل ميدان وربع المهادي طيبهم باب جامع وطالت عبيده طالت لأبن جمان سعيد بن قينان يالنجم لامع وهو السبب في جمعنا ربع واخوان و الأنسان لو يحفظ لالقاء المسامع هذي الخطب بين الأقامه والآذان وختامها ترحيب قاف تلامع نظمتهابعقود لولو ومرجان

ياهاجسي عبر وحضر من طرب ماهوب وقت يحلها ويملها مبروك ابو وسام فوزه باللقب لوهو غني من الشهاده كلها شاعر عيال العود شاعر للعرب والي عقد روس الحبال يحلها والهاجري فعله وشعره ينحسب عينه على العليا وهو يندلها قصايده مثل الجواهر والذهب يختار من بين المعاني جلها نوادر ٍ تبنى على حكمه وادب مثل السيوف الي يجمل سلها قدام تصويت الرسايل والنسب غصب ٍ على سود الكبود وغلها ودام التعب مخلوف يازين التعب والفزعه الي تنذكر في حلها والي ليا وقف تجيه ام الركب بعض الحمول ليا برك ماشلها جعله فدى سلطان فكاك النشب يصبر على الشده وهو كفولها من غير قاصر في مروين الحدب روس الرجال الي يضلل ضلها

ياهاجسي واليا دعيتك قودها تارد على اللي صافيات عدودها من عادتك لامن زهمتك تنثني اطوع الجزله تبيح سدوها بعطيك فكرتها وابيك تصوغها واحذر على الأبيات من منقودها ياهاجسي صغها كما صوغ الذهب ثم عدها عد التجر لنقودها جب ماتهيا من رصيدي يالفكر وأره المعاني لين يروى عودها حتى تشوق اللي يدور للجزل اليا تثنت وارتخى عنقودها بسمي واسم فلاح والربع ارحبو اعداد ماهبت علينا نودها يالابه اللي فاللقا خزنة ظفر الطيب مكسبها وورث جدودها قوم على الرفقه مثل طعم العسل وعلى العدا سمٍ يفج كبودها أرحب يبو زايد عدد قطر المطر ترحيبةٍ ذعذع عبير ورودها ياراعي الوقفات والراي السديد طيبيك وصلنا والرجال شهودها تتعب على كسب المراجل والجميل يوم البعض يسعى يبي مردودها الله يبيض وجه ابن عمي فلاح شاعر عيال العود وكل بدودها شاعر ومتنومس بفعلك وأفتخر ماني موردها وادور فودها وختامها صلّوا على الهادي البشير اعداد ركعات البشر وسجودها

يقول بن زبار كثرت طواريه لا وقفت شمس الضحى فوق ظله يابو حزام العلم وش صار تاليه يومك صديق ونصف حملي تشله فعلت طيب ما قدرنا نجازيه والطيب مثلك دايماً مو قفله ابو حزام اللي عسى النذل فاديه وانا ومالي كلنا فدوتله يستاهل البيضاء الى حل طاريه ريف الضيوف اللي بعيدن محله من لابتن ماتعطي الحق داعيه ربعن على كبد المعادين عله قحطان لارد البرى من معاديه ضد الحريب وباقي الهرج خله مثل المريخي يوم ضاعت هقاويه حطوا ذراه منافضات الاجله ترعابهم وضحن بجمعن يباريه ما رددت من نية الخوف لله ياناصر المعروف مانيب ناسيه ولا ننكر المعروف لا جا محله وعداد ما هبت هبوباً بذاريه نثني عليك وفاعل الطيب كله يابو حزام الصيد غير مفاليه وانا الفشق ما عاد سوقه ندله حلون جنابك للمسير وتغليه والضيف لا جا مجلسك ما يمله

سلام ياسلطان ياشيخ قحطان سلام تسليمٍ بليا حدودي سلام يافرز الوغاء عالي الشأن عقيد قومٍ معربين الجدودي في حاضر الدنيا وفي ماضي الأزمان ترقى بكم خيل المكارم سنودي سلطان لاعدّو هل الطيب سلطان ليث العرين اللي يقود الأسودي ابن خليل الصيرمي طير حوران يروي بفعله ضاميات الكبودي من روس شيخان هل سنان وعنان يروون من حد القناء كل عودي وليا قنو يقنون غالِية الأثمان وليا عطو محدن عليهم يزودي لأفعالكم في صفحة المجد عنوان والله يشهد والخلايق شهودي يوم أتذكر وأتفكّر بما كان فالعصر الأول قبل حكم السعودي تدفع لكم الجزيه على كل الأوطان والعود في عين العدو والحسودي والسفن ترسي بكم على بر الأمان وتفخر بأبن هادي وفّي العهودي واليوم صرت لمركب المجد ربّان ماغيرك أحدٍ للسفينه يقودي

ثمان سنين من عمر الليالي حظوظٍ قادها رب الجلالي عهدٍ بالعدل تورق غصونه ويجي لفنود دوحتها ظلالي سعدنا بالفهد حامي حمانا سنام المجد في عسر الليالي خلق للشعب شخصية فريده فهدنا عشقه أمجا المعالي عدو الدين ما يقرب وطنا يرده بين مر وبين حالي وعدوٍ يلبس ثياب الخيانه يرده لين يمشي بالعدالي ثمان سنين مرت بالكرامه على هامات طلقين الرجالي

صباح القافيه والوزن والبحر الطويل وأين صباح الفكر والهاجس صباح الخير يا هادي على اول فكتك للريق يا هادي وفالك زين تفاول دلةٍ فيها المعاني كيف وقنادي يا ابن عسكر يا ابو يا مرحبا في عسر ولاّ لين حفيد جدود ترث طيب لا غيره للاحفادي نصاك القاف محتارٍ ما يدري كيف ولاّ وين من اهوال الزمن مايعرف المندل والغادي هذا وقتٍ يا هادي فيه من يلعب على الحبلين يقود المجتمع ما كنّه الاّ كبتن النادي زمانٍ فيه ما ينجح سوا من يمشي بوجهين وفيه الكذب عيني عينك ووأقل من عادي وفيه النمّه تروّج وحش الغافل بقرشين وبه ناسٍ ينومسها اكلها للحوم الاجوادي يجيك الواحد وفي اذنٍ عجينٍ واذن فيها طين ولا يسمع ندا الطيب اللي الـ/كسّابه ينادي ولا يلقى به اللي يزبنه وحده من الثنتين ولا له مع هل الناموس واهل الطاله اشدادي واذا ما بينه وبينه مصالح قال له بعدين مزارق طيب ما عنده ولا للمرجله حادي زمان المصلحه ما يحْكمَه مبدا وسلم ودين وفيه العفّه الـ/موت الضمير الحي بحدادي زمانٍ فيه عين الطيب تسقي بالدموع العين غدا الطيّب غريب ومع عدو الطيب بجهادي ولكن ما خلا من مثلك وشرواك طلق يمين يا ابن عسكر ومثلك زود به لمجاد تزدادي ولجل هذا زبنك القاف مثل اللي زبن من دين يبيك تشوف حل الـ/مشكلة ذا الوقت يا هادي

يقول الوايلي والعز له خاله وله عمه وساسه من بكيل وكل حي له عرب وأوطان وربعه وايلة شاكر الى من جات للزمة وخواله يام واختص الزماناني من العجمان هلي ياسقم عين الضد ياغرباله وغمّه هلي ياعزوة الشايف من الرحبة إلى نجران أنا الوجه السعودي واليمن لي في ثراه أمه ولا أمثل بكيل وبس أمثل حاشد وهمدان سلام الله على روس الرجال وقمة القمة لما شان الحكا واشتدت الحلقة على الأبطان

يا ابن صقر الجزيرة واسمك الصقر سلمان صرت فوق المعالي في سماها والازمان نسل من وحّد الدار وتمكّن بالمكان عز الإسلام وديار العروبة والإنسان من بداية شبابك سلّموك العنان فارسٍ من صباك الين راس الكيان يا ملكنا فخرنا كل ما طال الزمان انت راع الطويلة وانت سر الأمان فخرنا بالشدايد بالخفا والبيان وعزنا بالمواجه في ميادين الرهان انت سلمان ويكفي ما يزودك بيان انت سلمانها في كل يوم وكل آن

الله يعوضنا بخير في قصيد نكتبه في مدح شيخان من الطالات مانالوا قسم مجرد بشوت تسحب من كنب لا مرتبه يبون نعم بلا فعل والنعم مايعرف باسم يشوفون نعم برزة المشلح وجيب مركبه بعد كفالات تعدد لاجل تعريف ورسم حياتهم ديكور والا الحال مالقاله شبه الا موظف بند روح راتبه كله حسم لو جربوا حكاية التمثيل نالوا مرتبه وتجاوزوا تهريج ابو مطلق مع شلة قسم ياشيخ عذرا والقصيد احساس خلك منتبه الراس لامن صار يطنخ يتعب اعضاء الجسم والمدح ردة فعل طيب ونعم اول مكسبه مواقف تكتب بدافع مجد تاريخه وسم بكتاب عز ما يدرس او يباع بمكتبه تجسيد ملا غبر الشارب ماقربه الدسم الشعر رجل في المواقف لاعتزى مس شنبه ولا يحركه ان سكن الا مثل فعل الدسم مطلق له من الاسم هذا كل معنى رتبه مع بني عم ومع الاجناب كم ساعة حسم وقف وسطر ماقف تاريخ الامجاد كتبه مواقف تعجز الرجال من جر النسم اليا دنى السياف يغمد سيفه بعتق رقبه وتباشروا اهل السجين بجيته بشرى وسم تقول كن الله خلق لاجل الشدايد منكبه وكن المراجل للبشر قسمين وله اكبر قسم شعر ما يكتب في مثل شرواه لاجيت اكتبه ماكنه الا من حليب السوق خالي الدسم

يا هيه لا حنت كبار المواجيب اشر لها ياضعيف الراي بيدي وتنساق لي مافيه شكً ولا ريب وانا اتنطحها وعزمي شديدي واقف وقوف ما يعرضي العيب الا يخلي الناس تحفظ قصيدي لا راغ منها اللي عيونه مشاهيب ومافيه يوم جاب علمً سديدي وان كان ما عديت روس المراقيب مانيب لا فهري ولاني عبيدي ياللي ما تدري وش معنى التراحيب انا ما اضيع في المعاصير صيدي و دامك مغير اتودي العلم واتجيب هذا ترى علمي وهذا رصيدي مع الرجال اللي تحفظ المواجيب حظي كبير وماخذ الحق بيييدي

نفوسنا شماء ولاترتضي الهون يالعنبو نفسً تمشي المذله حنا نواجه كل صاحي ومجنون غير البلاء الصاحي تجي منه زله ان قلت تمشي عيت تمر وتهون ون قلت باخرجها فلاهي جبلَه ندرى العيون الرقط في حشمه عيون عيون الاسد حالت على الغاب كله له حشمةً عندي ونا عنده امون وشبله جرح رجلي ونا شاردٍ له لاني معلمكم ولاانتوا بتدرون والحبل من يمناي عقده وفله غير البلاء ياعقاب يوم بوك سعدون انته وخوك حجاب في في حشمة له

مصامخ الروس القويه يبي راس ولاكل راس للمصامخ مهيّا الله خلق والله فرق ناس عن ناس فرقن مثل فرق الثرا والثريا اول شروط المرجله قوة الباس وحفظ المبادي والكرم والحميا وان كان ودك تعرف وجيه الافلاس تعال اباوريك ناسّ هنيّا

هيبتك يابشار من تحت الاقدام السوري اللي ساكن في مغاره اخر زمن تفرض على الناس الاقزام اتسبب الازعاج في كل حاره ارتاح يابشار من سود الايام لا تصادم الشجعان تلقى الخساره شبيت نار الحرب من بين الاعمام لا تعترض ياللاش روس النماره جنب وجيه القوم في كل مقدام ثوب الرداء ليتك تجود زراره الغدر طبع لك من العام للعام عصابتك تضرب على كل طاره وجهك يذكرني بعباد الاصنام ياحالق الحيه ترى العلم شاره بكره على راسك يرزون الاعلام بعد المهايط تدرق كأنك فاره ارشيفك الماضي يسبب لك اوهام حسبي على الارشيف مصعب قراره أخذ النصيحه وابتعد يا رعى الشام ما عاد فادعوا صلاة استخاره بكره نشاهد صورتك مثل صدام لو كان اخو هدلاء رفيعٍِ وقاره ما جاء ابن عمك جاك وتروح منظام الشعب من شرك ينادي بثاره

انا الابيض اذا غيري تلون وانا الصابر اذا ربعي عصوني وانا العاقل اذا وقتي تجنن وانا المجنون وعاجبني جنوني انا اعطيه لكن ما تمنن واصالح ناس لو هم خاصموني اعدايه لو نصوني قلت اهلا ولو ما اغيضهم ما كان جوني اغيب بكيفي وارجع واتفنن واذكر ناس فيني ما نسوني وانا في الساحه ما اهتم اصلا ولكن تخرب الساحه بدوني

انا مطوقني جميل ما يوفيه الشكر حتى ولو غنى بمعروفه حمام ام القرى والمدح في عبدالعزيز ابن الفهد ماله عذر ماشرف الامداح مثل اسمك وذكرك لاطرا ان ما شكرتك يا طويل العمر مت من القهر الطيب والمعروف كسرة عودً تشم وترا

على سنا نار الدلال المباهير صبيت فنجال المدايح والاشعار المدح خله للرجال المشاهير اللي مواقفهم للاجيال تذكار المسدي خالد سليل المناعير المرجله والطيب وإيمان ووقار ابن الكريم اللي تجيه المسايير ريف لظيفانه ومورد ومصدار عليك قيفان المدايح مداوير تثني عليك وتنحني اجلال واكبار لبست من افاعالك وسام المغاوير عصبت راسك طيب ياوافي الاشبار الى العلا مسيرتك خير في خير لك سمعت(ن) بين النشاما والاخيار ترقى سنود ياصبي المخاسير مقدام منتب في المواجيب تحتار رجل الوفاء بحر الندى موقفك غير لو باروا الاصحاب شرواك ما بار لو تنبح العدوان القافله تسير ماهزت رياح الهواء خشم سنجار ياجعلها لك يالسنافي مسافير والله يحفظك من صواديف الاقدار

يالله يمزين سماك ابمصابيح يافارج الكربات يارب الأرباب تجعل مدوحي تكسب ارضى الطحاطيح اللي لهم وسط الحشا قدر واعجاب والمدح مايصلح بليا تصاريح واخص مدحي من رقى راس مرقاب اسمه ولا يحتاج للقرم توضيح بو بندر اللي للنواميس كساب فزعاته اللي مثل نور المضاويح في ليلةٍ غدرا ومنها القمر غاب قسمه صدر ضمن الرجال المفاليح من جوده اللي مع قريبين واجناب يكرم ضيوفه من خيار المفاطيح في قصره الشامخ وللنار شباب واعلن على روس الملا دون تلميح من قاربك بالطيب يلقى له احساب ياجعل تفداك الوجيه الكواليح اللي عل اخيامك يهزون الاطناب اقولها مابي وراها مصاليح وابين الواقع ولاني بمرتاب واختامها صلو عدد ماذرا الريح على الرسول اللي نصح باعظم اكتاب

يامرحبا ترحيبتن مالها حد يامرحبا ترحيبتن في وعدها يامرحبا ترحيبة الشوق والود يامرحبا ترحيبة الحب وادها يامرحبا ياوافي الساس والجد من شاعر جزل القصايد نقدها في رجعتك نفرش لك الارض بالورد نرفع لك اعلام الفرح في عمدها ياصاحب اسما الجود ياراهي المد في شوفتك عيني تشالا رمدها بعد الغياب اللي بغا ينهي السد في طلتك روحي تلاشا نكدها محبتك فالجاش تبرق وترعد محبتك يارب يارب زدها ياسيدي سلطان ياراسي المجد يامجد ياذيب الجزيره واسدها اشيل عنك الباس وآقوم واقعد روحي هديه فدوتك واعتمدها

الهدية جات يا راس مالي في الحياه جعلني ما أبكيك يا راعي الكف الندي رفرفي يا بيض ل أبوي في كل إتجاه ويا سحاب العز بالعز هلي وأرعدي قام يزهمني وجيته ملبي له نداه قلت له لبيه ثم حط يده في يدي قال هذا محزم العود وأهداه لنماه إحتزم به والله انه حلالك يا ولدي ذاك أبوي وجعل ربي يزيده من غناه مدته لاشك زادت عزومي وجهدي طال عمره والله من المقادير يحماه شايب طيبه تعدا عطارد والجدي أثقل من طويق وأرسى من جبال السراه في مراجله وعلومه لزومن أقتدي الجمايل عادته وأتنومس في عطاه في فعوله يقصر اللاش ويهاب الردي وارث العز من صلب جدانه وأباه عزوة تشهد لها الخلق والله يشهدي فعلهم في الخبت يذكر وتحكيه الرواه يا سحاب العز بالعز هلي وإرعدي

تركي بن سلمان من يعرفه زين يعرف من أخلاقه سمو الزعامه ثنتين في تركي عسى عمره سنين ماهيب في غيره في وجه علامه اللي عقد حجانه الزينه تشين واللي أبتهج وجه تشوف ابتسامه مايشابه بطبعه ونفسه سوى أثنين مولاي سلمان ومحمد حزامه

هذى ولد فراج والمدح ينصاه والمدح في غيره نعده سماجه هذى ابوفيصل ياقف العلم لا جاه طلق الحجاج ويعجبك في المواجه شعيتني ياخال شعي المعناه في مدح رجلن مايطفي سراجه اشتاق لرجال الوفى مزبن الجاه لوكان مالي عندهم يوم حاجه اقولهى صادق و لاهي مرواه والحر ماهو مثل فرخ الدجاجه