شعر حزين يبكي

ألا يالله تعين الخاطر المهموم يارحمان فجوج القاع ضاقت به وحزنت من معاناته هموم ضيقت صدري وقلبي ما بقى طربان تقول إن الهموم مربعه داخل محيطاته وجودي وجد من تاه بديار ما بها سكان عليه الليل ظلم ما درى وين اتجاهاته رحل من ديرته لي ديرة الغربه وشانه شان يدور لقمة العيش ووفاته من خطاواته لقوه البدو عقب أيام يوم الطير أبوجنحان على الجثه يحوم وينهشه وأخفا علاماته وجودي وجد شالح يوم يرثي خوه ابن هدلان على خوه الفديع إتباري الونات عبراته وجودي وجد عود طايح ما واجه العدوان خذو منه الحلال وبندقه قدام نظراته على شان الفقيد اللي لربعه سيفهم شامان هذا جدي علي بن ماعز أتنومس بوقفاته وفقده عم ربعه يوم علمه واضح قد بان سرى في ليلة حافي وخوه تبين فزعاته عسى الله يرحمه ويسكنه في روضه وبستان ويغفر ذنبه ويمحي خطياته وزلاته

جرحتني ياللي بلا أسباب تهجر حتى سلام الله تكاثر تقوله ما جاك مني ياابيض الوجه من شر حتى تجافيني بهذي السهوله حاولت أمررها وعيت تمرر غلطت مدرب في نهائي بطوله حاولت اكتمها وازريت لا أقدر دمعي تحدر من عوالي مقوله وصافي صفى جوي بفعلك تكدر اجامل الدنيا بضحكه خجوله والصدر مما جاه طاش وتفجر يحكي غضب قابيل يوم حفروا له الله أكبر ثم الله أكبر مشكاي لله والخلايق شكوله آمنت بان حالي بامره مقدر وان البشر مهما تراضى زعوله لكن خذها من حليم تصبر دنياك عنده ماتساوي نعوله لا لاتحاول يالسنافي تعذر مسامح ويجني كل رجل فعوله

اتكفى شر بقعا لين جتني مدلهمه خمت العقل الفطين وخلته يفقد صوابه والله إنها عاهدتني ما تجيني بألف ذمه واثر ذمتها وسيعه مالها طب وطبابه كم عقيد طيحته وخلته من غير عمه لبسته الهم يالله تنصره واجبر مصابه شيبت رأس الغرير اللي حليب أمه بفمه ماتهنى بالرضاع وماعرف معنى الدعابه خلته يسهر طوال الليل يبكي في رجا امه وأمه امست باللحد والدهر يبدأ بالكئابه تنحني عالورد حتى تقتله وتقول أشمه حسبها الله يابشر تقتل وتكذب بالإجابه مدها لو جاك وافي ماعرف ربعه وجمه ما تسيب اللي تصيبه لين يكمل له نصابه أشهد إنها زارت الخافق ووفت بالمهمه راح ابوي وخوي وابني مالبس حتى ثيابه والله لوهي باليمين ان يفدي الرجال دمه لو يطول الدهر وتزيد المشاكل والحرابه لكن إن بقعا تدور ولو لفت جت مدلهمه خمت العقل الفطين وخلته يفقد صوابه

سرب الحمام وهجرة أيام المصير والجدب وسنين المحل وعصورها والعثره القشرا وموتات الضمير وحرمان نفس الجود من ميسورها ومعانق الجوزاء بعد هب الهجير ومن ينقذ الأموات وسط إقبورها وسود الجهام اللي على الدبكه تسير أمالها وعقولها ماحققت منظورها تطرب على صوت الغضب وتعاقب الطفل الصغير ياشرهة الحسناء على رجالها بحضورها شاب الزمان ولا بقى شيء يصير ياحيلة الله من يعذر الناس في مقدورها هذي نهاية من عجز لا يأصل الجم الغزير يقنع بميسور الليالي عقب غاص إبحورها مابين جدب البيد وصراخ الفقير وعبرة زمان ضيقة حنجورها يالله غفرانك وعفوك ياكبير وياقدير ياذا الجلال اللي بسطت أراضها وإبحورها

يقول منهو بأصدقا الوقت فكر شاعر وميز زين وقته وشينه فيهم ردي لاتغانا تنكر ماكن شي صار بينك وبينه وفيهم من إليا شاف جوك تعكر يجيب لك فوق الغبينه غبينه وفيهم ضعيف هرجه تقول سكر وليا بغى له شي جاله رطينه وفيهم من اللي لانفعته ماشكر والهازله عنده سوا والسمينه وفيهم كما صندوق ماو مسكر محد درا وش فيه وإثقيل طينه وفيهم من اللي لو ذكر ما تذكر فعل على الطالات ماضي سنينه واطلقهم اللي دق دقه وسكر عسى عيوني سنين ماتشوف عينه

يابو علي لاوالله إلا غدا الحر طار وغدا مني ولا عاد وقع حر له بعالي الشواهيق ماكر يرقى سنود يوم غيره يهقع حر إتماري به على الخير والشر منه قلوب عداه مثل المفقع عضدي على الايام والوقت الاقشر صار وحصل له شي ماينتوقع وقته غدا ضده وحظه تدعثر ومالان راس من زمانه تصقع ليته فداه اللي لاضاقت توخر وأهل الردا وأهل الوجيه المبقع لو ليت ماتنفع ولالي سوى أصبر ولو العنى والهم في القلب نقع فأنا أشهد إن إفراق ظافر بي أثر جرح بقلبي مستحيل إيترقع

دواك عندي والاظلم دايم البادي والله لاوريك شي مابعد شفته ماهو في صالحك يوم تجرب عنادي الله من ريق ماينشف ونشفته فرقاك عادي ترى واقل من عادي انا من الله كذا لا عفت احد عفته مانيب من يتبع للمقفين وينادي ياعنك مااقفيت ماعيني بملتفته طوفت لك لين شفتك حيل متمادي والحين ابرد لك كل اللي طوفته بخلي عقلك بوادي وقلبك بوادي وبيصادفك شي ماقد يوم صادفته

واشيب راسي يوم راحوا الحلاليل شيباننا الي ياصلون اللزومي اتلا فقايدهم كعام الرجاجيل بو خالد الي من لطم مايقومي غظنفر بمخلابه يحط ويشيل على ذرى بشته تسير اليمومي لابخل في ماله كبير الرساميل ينثر حلاله في جيوب اليتومي كبروا وشاخوا مخضبين المصاقيل ثقلت خطاوي مفترين الخصومي الي علينا مثل ظل وهماليل وسنين مرت كنها ظرف يومي جرحي توقض واقتفى جرحي اليل ظلامه يغطي علي النجومي ابكي على سلطان شيخ المشاكيل الي لياجاه اليتيم محشومي

مالعيني بهالليلة معازيب ولا لمسراي وجه ولا هوية جيت في البال واشعلت المشاهيب جيتك بالمواجع حاتمية قلت اباغيب عنك وقلت لك غيب ليتني قلت لاتطري عليه ليه طابت طعونك قبل مااطيب وليه ماطاب جرحي مع خويه اعتق القلب من سجن المحاديب مافرح عيد فطر ولا ضحية آتحراك بافواه المكاتيب لين شحت علي الابجدية

يارفيقي كان تنشد تبا العلم اليقين جملة اعلومي تكفيك عن تفصيلها ويش باقي ماحصل لي من اظروف السنين بيدت حيلي عسى الله يبيد حيلها قربت عشرين حجه وانا ارجيها تزين كل ماقلت بتعدل تزايد ميلها اشهد ماغير ربي كريم ولا معين جل من يبصر ضحاها ويغشي ليلها رحمته قوت اعزومي بكل الحالتين عز نفس وقو باس على تنكيلها ولارجيت المد من غير رب العالمين واحد نفسي بيده وهو وكيلها يوم بعض الناس يرضى على المد المهين مدتن تهينه يموت في تحصيلها هذي اعلومي وتفصيلها لك لو يبين قصة يشيب راسك قبل تكميلها

لولا التمادي والخطأ والتعداي ما كان صار الوضع ما هوب عادي ولا كثروا أصحابي ولا كثروا أعداي مدري من أصاحب ولا من أعادي ناس على حسب اعتقادي ومبداي وناس يبيعون القيم والمبادي بين التألف والتخالف تحداي من بينهم وقفت موقف حيادي محتار ماني داري وين مغداي واللي يبي يكسب رضا الناس غادي يا صاحبي عساهم فداك وفداي وأنا على شانك بروحي مفادي لرضاك رايح جاي وأدواي من داي إلين قمت أهيم في كل وادي غديت كني ناقل داي برداي مونس وميس ما حصل لي مرادي

سرى الليل يا من ضيع الليل بالتمثيل بقلبك كلام ما تبيهم يعرفونه وأنا فاطن لمبعثر الكحل والمنديل وخد تورد بالخجل واختلف لونه على الهون ياللي من خلاك بخلاك تشيل على عاشق تقرا خفاياه بعيونه بغيتك تعيش الدور واتعبني التفصيل خسر عاقل راهن على احلام مجنونه كسيتك ترف واستغربت عينك التدليل مواري غرور وحسن ظني هفا دونه وغصون الخصوصيات يومي بها التدويل أخاف الورق تسري به الريح وتخونه

النار ياكامل الاوصاف تكويني قامت تزايد بوسط القلب شعلتها كله من اسباب بعدك يانظر عيني وان طال بعدك حياتي مثل قلتها ابكي على ما مضا من حاضر شيني روحي غزتها التعاسه واستحلتها لاتجرح الروح فيها اللي يكفيني الروح احبتك والفرقا حصيلتها يازين احبك وحبي لك معنيني حالي عليله وحبك راس علتها

المحبة أرض والفرقا أراضي والزمن كله ترى لاغبت ماضي والله إني ما أشوف إلا عيونك إن رحلت اليوم أو طول مراضي قالوا العذال والعذال مرضى وش بلا حالك من الاشواق قاضي قلت يهجرني حبيبي لين يرضى علموا الظالم ترى المظلوم راضي جرحوني في هواك وقلت أبشكي ماهو من جرحي ولكن ل إعتراضي وش علي لو قطعوا لاجلك عروقي من رضى بالحب يرضيه التغاضي

ضاقت عليك وما لقيت الا انا تقول وش رايك في محبوبي الجديد تبقى تعنيني وانا ناقص عنا اموت واعرف بس انا وش تستفيد مستكثر اني عشت بعدك في هنا ولا سمعت و ضايقك اني سعيد احس لما قلتها لي واكيد انا دقات قلبي وقتها قامت تزيد حاولت اجرب وانهي اللي بيننا بس العواطف راسها دايم عنيد انا على حطت ايديك هذا انا اكذب عليك ان قلت لك فرقاك عيد

اشره على عيني إلامابكت ولامن بكت عيني فلاتشره علي ياما دقايق وقت من نفسي حكت ولامن شكاني الوقت لاتشره علي ياما الحكي في شفتي تاه وسكت ولامن سكت حكيي فلا تشره علي وياما دموعي رغم حبي لك حكت ولامن حكي دمعي فلا تشره علي وياما السنين اللي مضت فينا أشبكت ويوم أشبكت عمري فلا تشره علي من شانك أهمومي على قلبي ارتكت لو ابكي أهمومي فلا تشره علي

الرحله اللي كان باولها بكا يا الله عساها تنتهي لي بابتسام من نطفه للمضغه للرجل ما شكا من جور وقت داهمه قبل الفطام مدري قدا ولا غبا ولا ذكا مير الوكاد انه وقف رغم الملام في وجه منهو فالمبادي شككا شخص سلخ جلده وصايبه إنفصام ما يدري إن ترك العوايد مهلكا للعزم والهمه ونقص فالغلام اما تمزهل للمراجل وارتكا حتى تصاغر عينه أمور عظام ولا مشى بالطيب ولا به حكا أقلها يكسب من النفس إحترام والطيب مشروك وله فيه إشركا أحد رضى بالعيز واحد بالسنام واللي عرف وقته وميزه وزكا مثل الذهب يازن كلامه بالجرام وش له وقولة قال لي ولا لكا الصمت حكمه وابرك إن رخص الكلام والرحله اللي كان باولها بكا يا الله عساها تنتهي برد وسلام

أنا جيتك على النيه أحسب إنك على مبداي ولاكن للأسف خنتي خفوق ضمك شعوره لك الله من خذلتيني أحس إن الأسى مرساي أعيش بلجة أحزاني كأن الأرض مهجوره واصوت والصدى صوته مثل عزف الالم بالناي وأحاول أكتم أنفاسي وصاح القلب من جوره رسمتك للأمل بسمه واشوفك حلمي ومعناي وغيرك لو تباطيته غيابه يشبه حضوره تعالي شوفي اعيوني قهرها يستلذ بكاي أنا حتى الحنايا من عقب فرقاك مكسوره يناديك المكان اللي نشدني عن غلا ذكراي يبس ريقه من الفرقى ورسم حزنه على سوره أنا ليه اشتكي جرحي وأنا الي حاضنك برضاي مدام ان الخطا مني جروح الوقت معذوره أبسكت دامها خيره تعبت أسمع صدى شكواي بكيت ولابقى غير التعب والشوق والصوره

عيني عينك خنتني للاسف وارخصتني بكل برود وبكل سهولة بعت حبي وبعتني يالله مثلك مثلهم منت ناقص عنهم منت كل اللي جرحوني انت واحد منهم روح يالله وش بقى أنا مأخذ عالشقى أنت والقسوة حبايب وأنا والهم أصدقاء

هات من الاخر كان تبغاني ارتاح ترا الصراحه بين الاحباب راحه بتروح علمني ويا كثر ما راح لا تصدم احساسي بعز ارتياحه الحب موجه موج ورياحه رياح محدن ترا يقدر يواجه رياحه قلبي بقا له من جناحينه جناح حرام تكسر ياحبيبي جناحه مادامنا ع البر ريحني وارتاح وانا اتقبلها بطيب وسماحه كانك تبيها تقضية وقت مزاح بلاش تتعبني وقول الصراحه

ارسي على بر اريح لك واريح لي يا اصير الاول بقلبك والا تنساني لعب العواطف ترى ما عاد يصلح لي اللي يبيني يجي كله ويلقاني وش ناوي بالضبط يا بن الناس وضح لي لا يكون ناوي تعلقني وتنساني ان كنت ناوي كذا بطلنا واسمح لي رح مابقى الا انت تتسلى بوجداني خلك على بينه وش له تلمح لي انا ترا اللي على قلبي على لساني المساله ماهي بحاجه تلمح لي واضح وضوح النهار انك تحب ثاني

جرب الهم تكفى أوبعض بعض همي ياسبب كل شكوى ويا ألم كل يوم مرتوي حزن وانت بعالمك منت يمي اسهرك وانت عينك في هناها تنوم الشقا ما عتقني لا ولا مل ظمي مهتوي لي العذاب وعاشقتني الهموم هايم فيك ياللي صرت نبضي ودمي ورغم ما فيك احبك واعشقك يا ظلوم

ارجوك ياسامع قصيدي على الهون خلك بما تحكم عليه حنوني انسان انا ياسامع الشعر مجنون واعيش في عالم تحدي جنوني في غربة احساسي عن الناس مسجون انا اشتكيت من البشر واشتكوني ياسامعي لا تمدح الناس والكون الي تشوفه ماتشوفه عيوني

زال راسي حي والغربي ليا ذعذع يشمه للكرامه والفخر غنا على خمس الحواسي راسي وضاري على الصكات عادي ماتهمه السياسة مالها الا العقل والفكر السياسي ياولد عمي ثواني عندي رساله مهمه قبل ما اغادر وانا طبعا جوازي دبلوماسي انت بن عمي واذا موت الفتى من ولد عمه يا الهي تالي الايام فالوقت انتكاسي معك امانه سجل اعظم كارثه واكبر مطمه طاح بن عمك يابن عمي على الارض متواسي ياربا الطائف سجل المجد في تاريخ الامة ياشماريخ الحجاز من الطويلات الرواسي اكتبي مات الفتى مامات همه يمكن التاريخ يذكر ماجحد ربعي وناسي

اراقب غروب الشمس واتذكر اللي فات زمان مع نفسي وحنا نراقبها ونرسم على وجه الزمن بالامل بسمات نبعثر امانينا ونرجع نرتبها واعدل موازين الدهر وامنع الميلات وانا مادريت ان الدهر يوم يقلبها وغارت علي دنيا مثل غارة القوات عزومي تردت خوفي الوقت يغلبها وعقب ماانكشف وجه الزمن بانت العثرات خرجنا من الدنيا باحلى تجاربها فياسامع قولي تعلم من النكبات ولاجاتك الضيقات بالصبر حاربها علوم تجي وتروح ياسامع الكلمات تعلم وتسلم قبل مالوقت يجلبها واد الفروض الخمس مع مجمل الطاعات واد الحقوق اللي الاهك موجبها ورافق ربوع دايم الدوم بالقمات وخلك عزيز والمهانات جنبها دروب المراجل كل ابوها ترى صعبات فحث الرجل يم المعالي وتعبها