شعر نجدي باللهجة النجدية الأصيلة

فمان الله يا أول من سكن بين الضلوع العوج عسى دربك سفير ويا عسى الله ما يخليني توكل لا توادع رح عسى درب الجفا المسهوج يصادف درب فرقى عقبها ما تلمحك عيني سمحت من الهوى ومن القصيد ومن زراق الموج ورميت أغلى مجاديف الغرام وجيت بيديني أبغرق في عذابك لا رحلت ويصبح المنتوج قصيد في حياتي سلوتي وإن مت يرثيني وإذا هبن بنات الريح للذكرى بدون سروج أبسرج مهرة النسيان وأرحل من عناويني وبنسى لين أسج وبرسل الونات فوج فوج وبنسى دمع عيني ينتثر وأنساك من حيني

لولا المواقف ما عرفت الرجاجيل والرجل يعرف بالشدايد والأفعال أنا أشهد إن به ناس وقت البهاذيل لا جد وقت الجد تطري على البال من يعجبونك في جميع المداخيل قوم تعز الطيب من كل مدخال وبعض الرجال يكيد لك بالمحابيل يخفي بضحكه لك من الحقد زلزال السن أبيض لكن القلب كالليل ما كل من يضحك معك يسعد الحال ولولا الحسد والبغض والقال والقيل كان العرب صارت على قلب رجال

يا سخيف الذّرعان مأني بمرجوج رجتني الدّنيا غدر وحيله يا بنت لولا اللّي على تاسع الفوج تركت نجد وعزوتي بالقبيله لا شك حاديني على نجد هيدوج مسقي الفيافي لين يدرج مسيله تركي ليا من اللّيالي غدن عوج حمله عتيبه كلها ما تشيله برسي كما ميناء البواخر على الموج ومن وين ماصك البحر يرتكي له مادام تركي حيّ ماودي ادوج وإن غاب غبت مع الرّجوم الطّويلة

مشتاق لك والله وأنا حيل مشتاق يا نبض قلبي يا الغلا وأنت كلّي لي غبت عن خاطري صار ضاق ولي من أشوفك أنسى ربعي وأهلي أحبّك الحب اللي بداخل الروح فاق يا اللي مع الروح بشوفته أملي نفد صبري وأحسب الوقت شاق متى الروح تجمعني فيك قلّي احترت مع الوقت وصار خنّاق لو تدري بغلاك ادفع كل مالي وأبيع إيه كل الناس والأعراق وأشتري حبّك اللي فاق وصالي

والله ماني على مدح الرياجيل بخيل خاصة لا جيت أمدح في زحول الرّجال المشكلة مدحهم حمل لا شلته ثقيل من ثقلها ما يقدر عليها كبار الجمال حتى لو تحاملت على حملها لا بد يميل مال الجمل حيلة على حمل الأثقال أجل وش حيلة قلم بالقصايد يخيل في معانيها صدق من مزون الخيال قصيدة ما هي غزل فالطرف الكحيل ولا هي عتاب وشكوى حال دون حال قصيدة مدح في ذاك الشهم الأصيل أبو عبدالله اللي يشهد له فوح الدّلال

إذا المراجل لبست شماغ وعقال قل للعذاري يلبسن العمايم ما عاد يفرق زول حرمة ورجال دام الفعايل تشبه البعض دايم المرجلة ما هي كلمة وتنقال وتروح ما راحت هبوب النسايم ولا خشونة صوت أو رفع الأثقال أو رزة صدور وفعل الزلايم المرجلة شيمة عن القيل والقال رفيع نفسن حر باجو حايم المرجلة عقل وزن وزنه جبال ودون العقل وش فرقنا والبهايم