شعر حزين قصير

هني من هو هموم الليل ما جنه وتورسلنه إلين الصبح .. وحداني ما جرب الآه .. ما يدري عن الونة يعيش عن عالمه في عالم ثاني

ما عاد يعني لي "التبرير" الروح ما عاد تشقى بك شكرا على الجرح والتقصير والشكر موصول ل غيابك

خلوه سارح يالأجاويد تكفون في سجته بالله لا تقاطعونه ياكثر ما مرت على قلبه طعون وياكثر ما غرقت بدمعه عيونه العود ما هو مثل ما نتم تعرفون عن "وحدته" بالله لا تنشدونه

العمر طرقه والليالي راحله والصبر لو غنيت به ما زادني يم المواني ما قبلني ساحله لو لي تظاهر بالفرح ما رادني كني عليه من الشقا لا ناح له تضحك عيون العاصفه لا صادني ليت المسا لا رتادني ينزاح له شي على صدر الجفا ما فادني

قصيت أثر وصلك على درب فرقاك و ما شفت لك في سكة العمر جره و وقفت في درب الحنين آتحراك يمكن إذا هزك حنينك تمره

تعلمت اجامل واخفي اللي جرح صدري هموم تهد الشامخ الثابت الراسي واداري دموع الحزن مابغى احد يدري وابين لهم ضحكي وانا اخالف احساسي يضن الصديق اني معى الانس من صغري وانا بين غار ونار يوم الزمن قاسي غزتني الهموم وكنت في مبتدى عمري واشيل الحمول الكايده من على راسي

ليه نقضت المواجع وحنا دالهين في وقوفك بالحزانا على مدهالها جيت تسأل واحد له أحباب غايبين لو حكى لك قلت ليته سكت ماقالها ذكريات باقيات عن اللي راحلين لطرت خلو المدامع تهل أشوى لها في عيوني يسهر الليل من جرح السنيين أزرع البسمه وسيف الحزن يغتالها وإن تواقد جمر الأشواق بالجرح الدفين أشهد أن راعي الهوى حالته يرثى لها من سواقي الهم تشرب كبود الصابرين يالله إنا طالبينك تروف بحالها

ياوحشتك وانته تفتش عن العيد والعيد مرك وانت واقف وعدى ياوحشتك وانت تفر المواعيد مالك ولا موعد وحظك تردى ياوحشتك والليل ياتيك ويزيد من وحشتك وانت بحزنك تقدى ياوحشتك وانته تقول اااه وتعيد الكلمه اللي جرحها فيك صدا

أنا أحاول ادهق شيء بين الضلوع مغل واسلي العرب لو كان ما الخاطر بسال يا مال الغنيمه خلها عنك ولا شل ترا المرجله كسابها ما هو يمال وأنا في وزى الله من المهانه وطول الذل وأنا في وزاته من تنكاس الاحوال

ياحشر مع ضويت الليل وقفاي النهار الهموم السارحه صبح ترجع ضاويه ساعة يطري عليه رحيل اهل الديار والمنازل بعد اهلها تجاوى خاويه والهقاوي اللي منول ياابو نايف كبار اصغرت عقب بركتبي ذلولي ثاويه وصرت في تال العمر ماستطيع اصدر قرار والبقا والموت عندي بقت متساويه

وين أنت يا معنى وجودي بدنياي وين أنت يا أغلى من عرفت بحياتي بعدك اسامر نوح قلبي ومعناي واعيش باقي الوقت مع ذكرياتي

أنا جيتك على النيه أحسب إنك على مبداي ولاكن للأسف خنتي خفوق ضمك شعوره لك الله من خذلتيني أحس إن الأسى مرساي أعيش بلجة أحزاني كأن الأرض مهجوره واصوت والصدى صوته مثل عزف الالم بالناي وأحاول أكتم أنفاسي وصاح القلب من جوره رسمتك للأمل بسمه واشوفك حلمي ومعناي وغيرك لو تباطيته غيابه يشبه حضوره

يا ضعف ما بيدي ويا قلة الحيل مصيبتي يا كبرها من مصيبه أسهر وأسامر وأرتقب نجمة الليل ونفسي من سهوم الهوا مستصيبه يا صاحبي ياللي قطعت المواصيل قلبي من الفرقا تزايد لهيبه لا لاح برققك سال من يمنا السيل وعقبك حياتي يا حياتي غريبه

القلب يالغالي من أول وذلحين من صدك وهجرك يزيد المرض به غير إرحم المشتاق ياداعج العين أو دربه أبعد منه لاتعترض به لاهي بفي الدنيا ولاهي بفي الدين تاخذ فؤادي وأنت مالك غرض به حكمتني حكم اليهود المساجين وفرضت فرض ظلم ماينفرض به

طال صبري وعمري طال وأنا كماي أستمع صوتكم يأهل الهوى له دوي كل من قال خلي قام يسمع عواي مثل صوت الذيابة يوم تعوي عوي كلمة الحب أرضي والمشاعر سماي وحسبي من الهوى قطرة ندى وارتوي ياحبيبي لا توهقني وتبحث خفاي وأنت أعرفك بعض الأحيان مالك خوي

لكل نهايه بدايه من متى ماني حبيبك من متى وانت اللي توك تحمد الله اني نصيبك من متى لك حد ثاني من متى لك حلم ثاني جا وانا في غفلتي احتل في قلبك مكاني لا تباطى حوبه المغبون تاصلك بثواني وين ما تحيا بدوني وما يجي دونك ودوني غير موتك قلت لي ورديت قبلك يدفنوني كيف عايش كن ما قد عشت ياخيبة ظنوني

كثر ما الشاعر صدق في ما طرح كثر ما أشعل بالظلام سراجنا وكثر مانحتاج بالدنيا فرح كثر ماهذا الحزن يحتاجنا

ماتكن القلوب وماتشيل المخابي بوحها يلحق الرجال شكه وريبه بين هرجة عذول وبين شخص حكابي العرب صدقوا وانا دفعت الضريبه لو نواياي تستر ماانكشف من ثيابي المجامل ب من لايستحقه مصيبه

ماكنت أحسب أن الغلا ينحت الروح حتى لمحتك وأنت تنحت بروحي كنت احسب انك جرح يومين وتروح وأبطى غلاك بداخلي لا يروحي

يالله يامن له ارجي واشتكي والجا مالي سواك اشتكي له والتجي يمه انت الامل ياعظيم الشان والمرجا لاطاح حظ الوحيد وزاد به همه حظي عرجبي ودنياي اصبحت عرجا واصبحت طفل يتيم طارده عمه في عيني الارض غبرا والسما عجا اصارع الوقت وابليس العور وامه

ياخلي حسبي عليك وكيف ذا حالك وانا جريح صويب باير حالي تجرح وتنسى وتسلى سالي بالك وانا سهير كسير ضايق بالي تزعل وتسخط على ذكري ليا جالك وانا ابتهج وأفرح بذكرك ليا جالي حبك بقلبي وهجرك منه مازالك تبقى الوليف الذي بالقلب مازالي

اليوم عيني تراعي الباب لا شك ما ظن به ثابه الا ولا أدري عن الأسباب مدري عن الترف وش صابه لي غاب عني فنومي غاب وحرم الزاد بأسبابه وإن شفت نوره فكيفي طاب ليت البخت يا سعد جابه

بلشت بك ياضايع الراي واحترت قبل امس اشوفك ذيب واليوم راعي يا متقي سم العقارب تعثرت من غير ماتدري ب سم الافاعي

يارب ترحم ضعف عبدك وبلواه ومكابره وأخطاه واللي مخبيه انت الكريم الرازق مجيب دعواه وهو الذي يندم على ما يسويه

ليتني مثل النخل ما يجيب الا تمر لجل ما يزعليه فلان ولا فلان ادري ان الوقت حواج والدنيا ممر والاصدقاء ما تذخر الا لحاجات الزمان احد لا جيت عنده راحت ثمانك عن عشر واحد لا جيت عنده غدت عشرك ثمان