شعر غزل قصير

قطعت درب الحب بالعرض و الطول من قيض فقد، أبغى الحياة المريفه كم راح بي قلب وكم شدني زول وكم فاتن رااح وبقى منه طيفه واليوم عقب أنكفت من حبي آقول طول الشقا حظ الوليف ووليفه

تكفون خلو هواجيسي على ما هن ولا اعذروا خافقي لا باح مكنونه عقب الظما والجفا وردن على ماهن في جوف عد بجوف زادت شطونه تغافلني على المسرى ولا امداهن وش عذرهن يوم قلبي قلط صحونه أحلى مغاتير راع الذود وأغلاهن ميلاف يقف عليها الشوف مزيونة

الشعر سلم فؤادي كل ما يحتاح هجه عن سفوح كثر ما هو ينزعجها ما نهجها والفؤاد اللي مزح طاري مطر ممكن يشجه في حنينه عاد والنسمات لا فوح أرجها صار يصعد به جمالك للغرق جعله يرجه لين يفري هالسدود ويصعد اللولو درجها يا حياة الأمنيات الفاتنة وين اتوجه وانتي تعريف الأنوثة من عذوبتها ل غنجها

متأكد وعارف ولا فيها جدال مافيه أحد غيري ترى يستاهلك ماهوب والله نقص في باقي الرجال بس أنتي سلطانه وتستاهل ملك

ياما تحملت الشقا طول فرقاك ياللي فراقك عندي أكبر مصيبة شقيت لعيونك وعانيت لرضاك ولاجلك تحديت الظروف الصعيبة

لا تكحل مايزينك الكحل الكحل خله لمن زينه عوارى واطي فوق العذارى بالرجل ماحد لك بالبها منهم يجارى من بغى ينكر جمالك يالنجل الحظه مثلي وخله لاتدارى انت تذكر يوم تنطحي عجل يوم تحظني بعينك وانت سارى

ماكنت أحسب أن الغلا ينحت الروح حتى لمحتك وأنت تنحت بروحي كنت احسب انك جرح يومين وتروح وأبطى غلاك بداخلي لا يروحي

المشاعر فيك ترجمها القصيد اللي بدابك وعذابي كان ماجبته على جوك ومودك كان صار الشعر مثل المزهريه عند بابك علميني وش يبين فرقك الفارق وزودك

مانتي انسانه بعيني إنتي وردة كل حاجة فيها رقة فيك بانت ماملكتي الحسن كله اللي بعده والحياة بشوفتك يابنت زانت وآنا قلبي من عرفتك قمت افقده وان رجع ناسي جروحه كيف كانت ماذكر إلا هواك وصدق وعده وضحكة مثلك عليه اليوم مانت

بس أبي ذاك القمر لو تسمحون لو سمحتوا بس أبي ذاك القمر مشغلن بالي ومن غيره يكون ذاك ما غيره على بالي خطر

تبسمي يا باشة البيض والسمر وش عاد باقي للخجل يا خجوله سمي فداك العمر يا بهجة العمر عمر تزاحم به سلوم الرجوله

المحبه لا سطت ما يعالجها الطبيب روحتك ياصاحبي ليت ربي لدها عادة الدنيا تفرق حبيب عن حبيب وقطعش يارفقة والمفارق ضدها

أوجعني البعد لا تبكي ولا أبكي لك فقدك ضرب بي بحورا مالها ساحل أيست من شوفك و طاري مواصيلك أوااه ليت الدروب تعود بالراحل

أذكر عيونك ولو خبري بها من سنين نظرتك عالم حنان و دمعتك قاسيه كم قلت أبنسى و رجعني عليك الحنين محروم من نعمة النسيان يا ناسيه

عصير التوت بخدود الشفق في حزة المغرب يسافر بي ثلاث عقود طاحت من كفوف الوقت يجلسني على دكة هذاك الباب حتى اشرب من اقداح انتظار اللمحه اللي تروح لو دنقت يسيح الصبر وانفاسي تزايد كل ما تقرب اراوغ دمعة حارت بجفني من كثر ما اشتقت وعلى ما فكت ازرار الخشب في بابها المترب تسايل صبحها ومن قبل لا تشرب عيوني فقت

ياحبيبي والظروف تمارس الوحشيه ماتقيس ولاتحس بسطوة الألامي من نذر عمره لشوف عيونك الخدريه مايلوم اللي لعينك يحذف الاترامي

ياغرام راح غيرك مع ادراج الهبوب وابتدى بحث اربعينك ولو مالك شبيه والله اني فيك محظوظ يالترف اللعوب واتحمل فالعتب ما ورى وينك وليه لعنبوا سود الليالي على سود القلوب اشغلتني عنك وانت اللي احبه وابيه

الهوى لو تمنى سلوته مستحيله واعذاب المعنى كان روحه عليله لا بغى الوصل منا من ضافي الجديله عود موز تثنى وش رماني بسبيله سهم عينه رمنى والرموش الطويله خبروا الزين عنا لي نشد عن قتيله كل خل تهنى في الهوى مع خليله فاتنا السعد حنا يوم نفسه بخيله

روحي الى اليوم ممتنة للحب يملا الحياة الوان يا اغنية هيله وبنه مقامها الروح والريحان يعيش في شعره وفنه ويعيش في قربك الايمان انتي هدية من الجنة تحتاج في شكرها ازمان

قدام جرح الهدب ياشين جرح الكلام وأنا جريح الكلام الملتهب والهدب سمعت لي كلمة تكسر صليب العظام من محتواها الضلوع العوج صارت حطب ياورد ياناعم الملمس وغض الكمام من علمك تزرع الشوكة وتشعل لهب

الحب ماهو في يدي ولا أقدر أتحكم عليه لاصرت فاهم مقصدي رضاي لازم تشتريه

لا تلتفت يم خلق الله ما احد من الناس يشبه لك الله عطاك الحلى كله وتقاسموا باقية فضلك أنت القمر بين الأهله نورك وجذابك وشكلك القلب برضاي محتله لوتظلمه قلت من عدلك

ما قدرت اصبر و جيتك قبل موعدنا بساعه و الغريب اني لقيتك تنتظر قبلي بساعه دامك انت مثلي مشتاق ليه دايم بينا فراق ليه مكانك مو مكاني ليه زمانك مو زماني ليه تاركني اعاني لين متى و الوقت سراق قلبي المخلوق لاجلك فطرته مبدا حبك ما نطق الا باسمك لا تحده فوق ما طاق

دانة في حبها العاشق يذوب زينها ظاهر وهي تلبس ثياب عن ترفها ماتكف ولاتتوب يشتعل في صدرها حلم الشباب طولها فارع وأشافيها دروب للرطب واللول والشهد المذاب صفحة للعين ماعنها هروب من قراها جاز له كل الكتاب

يقبل ونظراته بها شوق وغرام وانا أسابقني وله في قبلته يعزف موسيقى كان ما يحكي كلام واحساسي يترنم على موسيقته كن السما صدري وهو فيها غمام منظر محال تعاف عينك شوفته ليلة حضن مصباحها جنح الظلام ومنه اكتفت بالنور وامست ليلته

محتار في صمتك اللي ضيق الخاطر و أنا أعرفك و أعرف الصد وسلوبه ردي لي العمر لا تقفين بأيامي ترى دقايق صويب الشوق محسوبه

خل قلبك يسج وخل عينك تنام وانظر الى الحياه ب عينها الفانيه سولفي للهبوب اللي تدف الغمام كيف تاخذك مني مرة ثانيه ضايق من ثلاث شهور واصحى وانام من شعور الجريمه في يد الجانيه كيف كانت وكيف الوصل بعد الملام بعد كانت ايدينه بالغلا حانيه

لالا ما نحب لالا لالا ماهو بيدنا لالا غصب المحبه لو ما نجيها تجينا لالا وش هي السعاده من دون حب و حنينا لالا في البعد راحه مهما حنا سلينا لا لا مانسى حبيبي لو جفانا و جفينا لالا والفين لالا ينتهي الحب فينا

صار لي مده طويله يا حبيبي بسالك ليه بس موعد لقانا مستحيل انه يكون يعني وش فيها ابفهم لو طلبت اقابلك مثل ما كل الحبايب في زمنا يلتقون احكي و قلي و بسمع وش عليك و ايش لك و اعرف انك لو بتاخذ كل ما املك تمون يا عسى ربي يبيحك كان قلبي امحللك لو وفا قلبك بحبي و الا لو وقتي يخون

أنتي أنتي ما تغيرتي كثير الملامح والبساطه كلها ما يغيرك الزمن مهما يصير لان روحك طيبها محتلها في غيابك أرسم الحلم ويطير وأكره الدنيا وأحس بغلها وشوفي كم مرت سنه ماني بخير الهموم تظلني و أظلها