شعر مدح الرجال

يا بني عمي هل الطيب وافين السلوم يا هل الفزعات لامن عوى ذيب لذيب يا مقابيس الوغى يا الطحاطيح القروم يا هل الوقفات في حرب ولا وقت طيب من ذكركم محزم له ما يحسب للخصوم يعتلي روس النوايف ونجمه ما يغيب ويشرب من الما قراحه ويشري ما يسوم خص لا من صار وافي وله راس صليب مثل ابن زهره على خصمه يشن الهجوم الله انه يجمله موقفه ماهو غريب يحتري وقفاتكم يوم جاو لاخصام كوم كل وقفه تنحسب من بعيد ومن قريب كلكم يا درع جنبي تعرفون العلوم وكل قحطاني سمع صوت للداعي يجيب وقفو وقفة فخر يا المداغيش القروم ابن زهره كفو والذيب في وسط القليب

أساير الدنيا ونفسي حزينه وعزي لمن وقته كبت خاطره كبت ياما وياما من هموم دفينه بين الضلوع العوج منها تعذبت كنيتها والرجل يخفي كنينه لا بديتها للناس شابت وأنا شبت لكن قلبي عالليالي يعينه الواحد اللي له لجيت وتقربت مال الرجل يا كود مدة يمينه وما قربوا الأجواد بالمثل قربت واللي يريد إن ابن شبله عوينه حضرت ميقافه وأنا عنه ما غبت نفسي على كسب المراجل رهينه لولا المراجل ما شقيت وتغربت والله لولاها ما جيت المدينه ولا أخترت أنا دار على داري الخبت

لله واكبر ياصعب الامر ويهون بامره تهون المعضلات المكيده ومن لارجا في رحمته مات مغبون الموت من بعد الحياة الزهيده واللي مهيضني مثل مايقولون فعل الشجاع اللي ينومس عبيده اللي له الاسنت المسلمين يدعون بالخير يبشربه نهار الوعيده وقحطان تفخر به الى يوم يفنون سعد ولد عايض وفعله شهيده في موقف اضوق من اثقب ونون اعتق ولد عمه عسى الله يزيده ابن كدم فالموقف اللي تشوفون البيض ترفع له وربعه رصيده فيامن عليهم مثل ذا الامر تكفون شوفو فعول اهل الصفاة الحميده

سلام الله من برلين لحاتم لابتي حناش سلام المغترب يرسل سلام الود لإحبابه فعولك مع ربوعك مفخرة يفخر بها الشواش وعلمك للخوي والضيف تفاخر من تحاكابه كثيره ذي القصور مثبت فأبوابها دفاش عساها فدوة لقصر الكرم واللي فتح بابه يعبر حرفنا عن بعض ماهو قديكن الجاش لو انك بالمقام اكبر قدر للمدح تحضابه مضالي مدة يالعين بينك والمنام هواش ذكرتك يادرع جنبي تاجنا للرأس وعصابه حدانا من ظروف الوقت حادي بأول المطراش وباقي لي لزوم ما انقضا لي باتهنابه ابا احقق مطاليبي واضمد للجروح الشاش لكن الصقر ماله غير جنحانه ومخلابه

الطيب يبغى له رجال مشاكيل فالضيق والا فالسعة تفتح الباب واللي يبي كلمة نعم يا رياجيل ينطح مواجيب الجماعة والاصحاب من طاب ابوه يطيب ويقلط الحيل ومن خاب ابوه يقال لا من كبر خاب عود ولدك يقدم البن والهيل ويقال عز الله مثل شايبه طاب

والتغاضي بعض الامرار حكمه وازهدا عن غشيم زلته كل يوم يسوقها والصداقه عند الاجواد ماتذهب سدا لو قطعت عنوقها ماقلعت عروقها دايم الاصحاب حصن تلافح وتهدا لو تشين نفوسها ماتخيب عموقها الأصايل يلحقن كل ماطال المدا ولاينقص قدرها عنتن بعنوقها

إلا ضيوف الله و حجاج بيته تفنى العمار ولا انقفل دونهم باب حنا لهم حضن ملا الكون صيته و لا لهم منا سوى كل ترحاب حنا بخدمتهم نفوس بخيته فخر وهبنا عزته خير وهاب يبات ضيف الله و نحرس مبيته و اهل الفتن تبشر بقطاع الأرقاب ارواحنا دون الحرم مستميته غصب عن الأفعى وغصب عن الداب ونقول للي غره ابليس ليته يتوب والا نردعه كان ما تاب

نحمد المعبود خلاق البريه مدني بالعز والنصر المبين عز نجد والحرم فرض عليه ملك جدى والجدود الاولين من سلايل فيصل ماحنا نزيه عقب تركي جامع دنيا ودين تركي المشهور حماى الونيه ساطي الحدين حده مايلين

غريب الوطن يحتار ويحير الدكتور وهم المفارق يرفع الضغط في دمه واذا انصاب من فرقى الخوي الوفي معذور ليازاد همه ثم تذكر بني عمه ونالي خوي من رجال طوال اشبور خوي لاخاواه الخوي راح ماذمه بعد طالت الغربه واليام جات اشهور وكل همومه جات موج صفق جمه تبدد ياهمي دام عندي مثل منصور لو تطلق ارسان اخيول همي محد يمه من البال وسعة بال ومن الادب ميسور خوي الحروب اهل الوفاء ينجلي همه كلامي بمحض ارادتي ماني ابمجبور مادام كلام الحق تبرابه الذمه اقوله وجدي راعي الماقف المشهور وربعي عبيدة منهل السيف والعمه

يا مرحبا يا صاحبي نواف نواف الدبل دبل من وين ما مرت حروفك توعيني قافله قافله شاعر واعرفك اهل البحر واهل الابل وقبل واكلمك واخاطبك واهل العقول الغافله غافله دقت طبول الحرب واسوحيتها طبل طبل طبل وانا ادري ان الريع من صوبي ودرب القافله القافله لكن على الله تسبل الغيمه على راسي وبل وأبل كبدي واصلي الفرض والحقه النوافل نافله نافله وانا اعرف المرقب واعرف الضلع واعرف الجبل جبل واعرف اقول الحق واصحاب القلوب الجافله جافله لو اقدر امنح درجة استاذ نواف الدبل قبل استاذ ومشارك من اليوم وبعد ما طافله طافله وانا ليا من شفت كل الناس فعيوني عبل وابل مافيه شور اثنين يا نواف عندي قافله قافله

انا غرضك الى انتخى فلان بفلان وانا حطبك ومشعل دوم ضوك طير تهده وان جت الحاجه حصان وشلفا توردها محاني عدوك لا ياخلف سلطان من عقب سلطان الشمس وش هي غير لفتة سموك انت الفخر وانت الذخر وانت الاوطان وانت الحنو المنحدر من علوك يا محمد اللي بشرو فيك سلمان و استبشرت شبه الجزيره بنوك يا طويق فوق طويق ثبت الاركان ماعاد فيها قول توك و لوك

ناديت باعلا الصوت بحرين بحرين أهل المحبه والوفا والكرامه دار الكريم اللي تضمه كريمين دار المعزه والكرم والشهامه لا شفت ابو سلمان تزهر بساتين الحاكم اللي عم عدله سلامه ياناس ذي داري ودار المحبين من فينا ما يجري بدمه غرامه دار تظم شيوخ من ساس وافين وشعب مسالم راسم الابتسامه أحبها والله والحب من اسنين واحبكم بالذات ياهل المنامه

يقول ابن ساقان ما فيه قدي مادام لي قحطان في كل الأوطان وأقول أنا تكفون يا عيال جدي يا عزوة المحتاج يا سيف شومان كل القبايل أعلنتها تحدي اعلان فوز ما هواعلان عدوان لو جت على التصويت حد وعد فقحطان بحر في تواليه طوفان واذا الفتى جا في مكان وسد يستاهل انا ندعمه وين ما كان هو مسردي وأنا رفيدي مردي لكن جمعنا الساس والساس قحطان باسم الرفق هاتوا يديكم بيدي واصواتنا نسوقها لابن ساقان إذا الرفق ما فاد لا جد جد فلا بعث ابوها رفقة ما لها شان

يانجد ماجيتك من الهم مضهود وماجيت أدور عند ناسك طماعه غناي من الفضل الولي ماله حدود لكني أغلي فيك ربع وجماعه من جاش عندك لابتي خمسة بدود مسارده رمز الكرم والشجاعه وأخص منهو يبذل الطيب والجود يعطي ويبذل ماتحوشه ذراعه لاجيت نجد ومترك فيه موجود كني ملكت الكون رغم أتساعه له مجلس فيه النشاما ومريود ومشرع بابه على كل ساعه طلق حجاجه ياعسى أيامه تزود والمدح في مثله ينومس سماعه متوارث طيبه من الخال والعود هذال بن راجح يوصي وطاعه وشي طبيعي الأسد يرث أسود الشكل شكله والطبايع طباعه وختامها وعداد ماهبت النود صلوا على محمد نبي الشفاعه

يالله المطلوب علام السراري باسطن ارضه وحجوا الخلق بيته يامخبي السر عني مانت داري وشو الم وقف ليامني دريته مادريت اني عن المكتوب قاري والله ان العلم من عينك قريته لاتجنب خل موقفك اختياري ومسك بخط السهل لامن سريته واحسافه من ضياعك ونت ساري اليالي سود وسراجك طفيته تاليات النار تذريها الذواري مابعدها الا رماد ماهقيته ذا زمان فيه مستور وعاري وانقلب سلم العرب ونهد بيته الصقور تصير من صيد الحباري والثعل تخشى ذياب البر صيته ياجماعه اقبلوا مني اعتذاري سيفي الي بايعه ماقد شريته

لابغيت آسج وفل وآشم النسيم اندبل فكري من الخرب في روس الرجوم لاتشوف الناس في عين طبعك ياغشيم ابك انا مندل قبل القصايد ومحشوم كان تذخرها على شان مخباك اليتيم ماذخرناها على اللي يسدون اللزوم اسعد الله ان بعض الغتر فوق الحريم واشهد إن المقنعه ما لها غير الرخوم وجد حالي فاخر الوقت لاقام الهليم ابتلشنا فالروابض على ظهر الحزوم الكفو نسله كفو والردي ليته عقيم جعل حظك في طريق النشاما مايقوم كم نجوم شلها المتن والعقل السليم غيرها ياكم نجوم تشيل فروخ بوم وجد حالي فاخر الوقت لاقام الهليم ابتلشنا فالروابض على ظهر الحزوم

الله يصبرني على لاهب القيض يالين من بعض الامور اتقاضا انا ابلج الخاطر وانا كاتم الغيض وازريت عن بعض العلوم اتغاضا واليوم جا لخيول فكري مراكيض فريس فكري ياردون الحياضا صدري يفوح من الهواجيس ويفيض فيض الغدير الي من السيل فاضا والي يميز يعرف السود والبيض تجارب الدنيا طوال عراضا كتبت لصحاب الدعاوي معاريض وحصلت من غير الخصوم اعتراضا قررت اروض عاصي القوم ترويض واتعب على طب القلوب المراضا وشرهتك ياعايض على اخيك معيض عساك في فايت زمانك تعاضا واكبر غلط قرب الوجيه المباغيض الي لها بين الرجال انتفاضا والناس هقوتها على حض وحضيض والحظ الاقشر تاليته انقراضا

اه من وقت علينا غشاء شمسه كسوف انقلب راسه وحول على صف قدمه ماكتب ربي لبو جهل خير ومخلوف ميزه بالكفر والدين ميز عكرمه لو يوقف راعي الذود ويصد الصفوف استمات الشاوي الي كلا الذيب اغنمه ولو يصيح طويق يشكي من الدهر الجنوف ماالتفت له راس سلمى وجوده وعدمه الصحيح ان النقط بعضها يعمي الحروف يكبر قراد البعارين ويصير حلمه كان طاب الخاطر الي تعومسه الظروف قام سوق الشعر عندي ورزيت اعلمه اصقل القيفان واحكها حك الصروف واكبر الشعار لاجيت لايفتح ثمه وانت ياراعي المعاميل ذباح الخروف الي لاجوه المسايير ينطحهم دمه السمين الفارق الي يقلط للضيوف حط من فوق الصواني ولاذيق اشحمه

ان كان تنشد يبن منحي عن الحال حالي يسرك ياقوي العزومي مبسوط ماعندي خلاف ومشكال من فضل رب نشكره كل يومي ان واجه الحظ الردي طيب افعال يقوم لو هو في سبات ونومي وان كان حظي طاح في خبرة انذال جاته مصايب وقتفته الثلومي عزالله انك بيننا كنك هلال على سنا نوره تضيع النجومي ياجعل عود ارثك بجنة ظلال ياالصاطي الحلحيل قاضي اللزومي بيتك لربعك فيه ممسى ومقيال لما تخفت من العيون الرخومي الكبش مذبوح معا البن والفال والعود الازرق في المجالس يعومي ولاكل من يلبس على راسه عقال يصير مثلك جعل عمرك يدومي والله ياربع بهم منك امثال انهم على العليا كبار القسومي الي بناهب فيك ياطيب الخال بيت سمين في المجالس قدومي

يالله ياحلال حبل المستحيل تحفظ لناشيخ الكرم والمرجله اسمه نبيل وباالفعل والله نبيل الاحمري الله اكبرماانبله ماينحصروصفه عسى عمره طويل شيخ بفعل الطيب يضرب امثله ان جيته وحملك على متنك ثقيل تنبيك حجانه بوقفه مذهله يكسرالدنياعلى راس البخيل ويفزلك ويقول حاضروازهله ماينثني عزمه ولايعرف مقيل الين ياصل بك لاعلى منزله يرقى على العلياولا يمكن يحيل يصبرولو كبرت عليه المشكله شجاع مايرضى عن القمه بديل حكيم ماتحتار عنده اسئله جوده يجي مثل المطريقفاه سيل كريم يانو بروقه مقبله يعطيك هتان يشوف انه قليل يروح مايرتاح حتى يدبله نبيل لايمكن تلاقي له مثيل في طيب والابالكرم والمرجله الله يقدرناعلى رد الجميل والله يبيض وجه راعي لوله

يامرحبا ترحيبة الارض بالسيل باللي صلاة الفجر جاني سلامه مرسال ماهو مثل باقي المراسيل من واحد عندي عزيز مقامه مشكور ياغالي على القلب بالحيل ياجامع ثنتين طيب و قرامه ماهمني لو هو لحقني بهاذيل أسوق رجلي ماخشيت الملامه اسرح صلاة الصبح واسري مع الليل الساحل الشرقي يصافح تهامه امشي على درب مشوه الرجاجيل وزومان لاجل الرزق مرخي خطامه ماتتعب متوني من الحط والشيل طبع تغذى من خوال وعمامه وعن خدمة بلادي فلا فيه تاجيل ولاخير في رجل يخلي مهامه اتبع طموح من ورى الجدي وسهيل فيه التميز والعطى والزعامه وان عيت الخيره فما في يدي حيل قانع بحكم الله وسامع كلامه غني من فضله ولو مالي قليل والرجل مايبغى يكود السلامه عساه ينجيني نهار التهاويل لامن وقفنا عرايا امامه

يا مرحبا عد النجوم المطلة ترحيبة تنساق عنبر و كادي وإعداد وبل المزنة المستهلة وإعداد ما ينشر خبر فالروادي حيت يا من طيب رأسك جبلة في منتدى قحطان ربع ابن هادي اقلط على حشمة وفنجال دله ومن بينا يالقرم ملح وزادي يا نسل قوم للمعادين علة بالحارث اللي يكعمون المعادي أهل المهار اللي تصارع الأجلة لي جاء نهار فيه قدح الزنادي لاهنت يافيصل زبون المقله جتنا الرسالة يا طليق الأيادي والعذر منك واجب و حان حله أبطيت في ردي بليا مرادي عامر نسى ما جاء بعلمك بحله ومن يوم جت فالمنتدى جاء ينادي هذا هو الموضوع دقه وجله والعذر منك وأنت للطيب بادي واللي مثل شرواك يا حي دله علمه ينومس بين حضر وبوادي تشريفك ومرسولك أكبر الأدلة ومبداك وافي وأنت وافي مبادي

أصافح بكف الطيب ويلده المقرود ولا ضاق كفي من جفا ناس مقروده سليم النوايا حجتي والفعول شهود ويا طيب من هاتين حجته وشهوده ولو جار وقتي ماتغشاني المنقود اتله واعسفه واتحرر من قيوده نهار المواقف للرفيق أبذل المجهود واذا اعطيت شي ماتحرى لمردوده عمرت الصداقه محتويها حصن وجنود وضاعت مع اللي ضيع العقد وبنوده انا اعرف علومه قبل مايلقي المارود رفيق المصالح خابر ويش مقصوده ليا اعتازلك قام يتوقد كما البارود الاعراف عنده والمواجيب موجوده وإلامن تحقق لازمه قابلك بصدود قليل المسره يتضح خافي سدوده يحول تيليوفونه على خدمة الموجود واذا جيت بيته شفت الابواب مسدوده ولاني بمحدود وبعد ماهو ابمحدود وكل على حاله كذا يلزم حدوده ومن قال انا خالي وقال آل ذوك اجدود عسى الله يرحم خاله ويرحم اجدوده يبين وقوف الذات في الموقف المشهود يشمر عن اعضوده ويقدح من ازنوده

ماودي ابدي على العالم معاناتي أفرح بها شامتي وأحزن مواسيني لاشك قررت في نفسي ومن ذاتي عن واقعي فالحياه وخبرة سنيني أشطب على بعض الاسماء والعلاقاتي وأمسح من النوته أرقام وعناويني بعض الصدقات لاراحت ولاجاتي سوا بها والعدم فالعسر والليني كم واحد يحسب إنه أقصى طموحاتي وهو سقط من حساباتي ومن عيني والرفقه اللي على حسب المزاجاتي في مجمل أوضاعها ماهي بتعنيني يابو محمد تفضل وأسمع الاتي قول على الحق مايبغي براهيني مادمت موجود يبقى في بياناتي إسمك ورقمك وعنوانك يكفيني أخو ورفيق وصديق كل الاوقاتي حاضر ولا ضاقت أول من يباديني يفداك ابو وجه ولسان وعلاماتي اعوذ بالله من ذكر الشياطيني وأقبل سلام الوفاء وأعطر تحياتي بالمسك والعود الازرق والرياحيني

الله يعوضنا بخير في قصيد نكتبه في مدح شيخان من الطالات مانالوا قسم مجرد بشوت تسحب من كنب لا مرتبه يبون نعم بلا فعل والنعم مايعرف باسم يشوفون نعم برزة المشلح وجيب مركبه بعد كفالات تعدد لاجل تعريف ورسم حياتهم ديكور والا الحال مالقاله شبه الا موظف بند روح راتبه كله حسم لو جربوا حكاية التمثيل نالوا مرتبه وتجاوزوا تهريج ابو مطلق مع شلة قسم ياشيخ عذرا والقصيد احساس خلك منتبه الراس لامن صار يطنخ يتعب اعضاء الجسم والمدح ردة فعل طيب ونعم اول مكسبه مواقف تكتب بدافع مجد تاريخه وسم بكتاب عز ما يدرس او يباع بمكتبه تجسيد ملا غبر الشارب ماقربه الدسم الشعر رجل في المواقف لاعتزى مس شنبه ولا يحركه ان سكن الا مثل فعل الدسم مطلق له من الاسم هذا كل معنى رتبه مع بني عم ومع الاجناب كم ساعة حسم وقف وسطر ماقف تاريخ الامجاد كتبه مواقف تعجز الرجال من جر النسم اليا دنى السياف يغمد سيفه بعتق رقبه وتباشروا اهل السجين بجيته بشرى وسم تقول كن الله خلق لاجل الشدايد منكبه وكن المراجل للبشر قسمين وله اكبر قسم شعر ما يكتب في مثل شرواه لاجيت اكتبه ماكنه الا من حليب السوق خالي الدسم

الهرج في بعض المواقيف منقود يرخص مقام الرجل لو كان غالي والصمت في بعض المواقيف محمود يحفظ لك حقوقك من اول وتالي والجمر يكشف قيمة وريحة العود والضيق يكشف لك نوايا الرجالي وللحق كلمه تفرق البيض والسود إبليس كاتمها حرام وحلالي والحجه اللي مالها ساس وشهود شجره ولا فيها الثمر والضلالي والعيب من سيفه على خوه محدود ويفرح ليا مالت عليه الليالي والبخل بخل الوجه لا جاتك أوفود ماهو ببخل الزاد ولا الريالي ومن ينظر إلنقص السواليف والزود يتعب ورا طراد قيل وقالي والصدق حبله فالمواقيف ممدود والكذب حبله فالمواقيف بالي والغيظ برقه كره والشرهه رعود وماهوب يمطر غير حقد وجدالي والصبر زين يلحقك كل مطرود ولا بد عقب المر عذب وحالي وفعل الجميل أن راح لابده يعود وترفرف أعلامه بروس الجبالي بعض العرب حاضر لكن ماله أوجود وبعض العرب غايب ونوره يلالي جاتك بلا مقصود ولا بمقصود قدمتها لك مثل كيف الدلالي