شعر الفراق وقصائد البعد والشوق

قالو البدو للمرباع راحو شمال قلت واللي على بالي معاهم رحل لا سقا الله يوم البدو شدو الرحال شرقة الشمس راحوبه وخلي المحل مرني يقصر الخطوه وزاد الهبال يوم يمشي على هونه وكنه عجل التفت لي وانا واقف ومشغول بال وشفت في نظرة عيونه خيوط الأمل سلهم بعينه السوداء موادع وقال خذ عهودي وميثاقي وما قل دل قلت داري وفيك الشك ماله مجال ولا لغيرك بقلبي وانت داري محل شوف عيني خوي ضعونهم لين حال دونه اقصى مدى للشوف والليل حل قالو الناس وش مشغلك يابن الحلال لا تهوجس وكن لصبر بال ومحل قلت لا سج بالي مر مثل الخيال وانا فكري مثل عود ظمي واضمحل يابدو كل ما هبت هبوب الشمال حن ظامي الجنوب اللي حبيبه رحل

طبيعي أتضايق عند فرقاي للخلان وكم واحد(ن)عند المفارق كدر جوه دقايق صعيبه والحشا كن به نيران لو إن أتظاهر بالسعد كذب وأموه لجل مانثير إحساس قلب(ن) بدا ولهان وكن اكرم البدوان به شاعل(ن) ضوه وأنا كالسجين اللي قصاصه بعد الاعلان سجين يشوف الموت من خلفه وتوه وقفو وانا فقيت في دبرت الرحمن ودمع المحاجر كنه وبل(ن) برق نوه رخيص وفدا واهلين يادمعي الهتان على اهل الوفى والطيب والجود والخوه عضودي وتاج لراس مرفوع ماينهان عسى الله يكافيهم بلا وقته وسوه لهم في ضميري منزل(ن)عالي(ن) له شان بداخل ضمير(ن)صافي مشيد(ن)جوه على المرجله والطيب والجود والصفطان وقدر وغلى وإجلال وإكرام ومروه صخرت المعاني كني المانع سليمان يجي البيت متيسر ومعناه في قوه

دمع عيني على الخدين هلي مثل سيل مع واديه نحى والصدر ضاق عقب فراق خلي راح وأنا أطلبه وإذنه توحى بعد فرقا الغضي حالي مولي غاب عني ومن دربي تنحى فز قلبي وأنا فزيت كلي فزة اللي من الغفوة مصحى وعقب ما غاب وفراقه حصلي قام صدري من الضيق يتفحى ما يفيده فراقه والتغلي ليه بالبعد والتفريق ضحى صابر واطلب الله في محلي يوم كني عن الفرقا موحى أشهد إن شوف خلي غاية لي وأشهد إن الشنب عز الملحى

حسبي على التوجيهي ولختبارات اتغير اخلاق علي ماتغير اخلاقك اللي تعتبر اكبر اثبات على الغلا اللي لي وبسمي مجير يالعنبو حيك تراك انت بالذات زعلك بالنسبة لي امر محير والله لو ان لي يد في هالشهادات لاصفها لك وانت طب وتخير تستاهل كبار النسب والدرجات مستقبل ناجح ومشرق ونير معذور لو تحصل بعض الاختلافات طبع الغزال اليا تضايق تذير ابصبر اسبوعين كنها سنوات رغم ان طيفك كل لحظه مسير يلعب بحسبة حسبتي هم وآهات مسير بامره ولاني مخير لعيون من حبه بي مخاشر الذات اصغير ماهوب عندي اصغير بالله سرعه خلصي ياختبارات لاجل ايتغير عقب هذا التغير

لا تحسب اني جيت بدمح خطاياك تخطي وامشيها على شان عيناك واليوم جيت اودعك لاجل فرقاك كم مرةً قد صحت يا زين حذراك اقولك وحذراك وتضحك لي شفاك واليوم شوف البعد وشلون خلاك وانا احسبك للجروح قلبي طبيبي خلاص ابعد يا عسئ الرب ياقاك راضي على حكم القدر والنصيبي لا تذرف الدمعة ولا نسمع بكاك خل البعد والهجر بالنار يصلاك وخل الفراق بجوف قلبك لهيبي

ليته يناديني وانا بس اناديه واجاوبه ياحسين ولو كان مره عليه قلبي يابسات عراويه اقفا ابقلبي من ضلوعي يجره ذالي ليال قاعده في حراويه ليننها زادت على المضره قمت اتوجد وجد من مات غاليه قبره اقباله كل يوم يمره أو وجد من خاوه والليل ممسيه ينخا ولا حد من هل الهجن مره خلي طريح والضواري اتحاضيه بالمقطعه وامقابله ضلع حره على الذي ماشفت حي ايحاليه شيخ على القوم المعادين شره

عيني عن النوم جزاعه وكثر الهواجيس قزني وأشبح متى عقرب الساعة يطوي ظلام الكدر عني قلبي زوال الرجا راعه ما ارتاح يوم ابعدوا مني وقفت انا لحظة وداعه أبكي .. وأنا ضاحك سني مسكين من صاحبه باعه وعين لياليه يشرني

ليلة فراقك .. ودمعك لما بعيونك بدا من لمحته قبل أسافر .. ماهنا لي مرقدي قلت لك :"أيام وارجع" ، والحكي ضايع سدى لأن بالأيام هذي حتى هالقلب يغدي ياوطن روحي أماانه كفكفي هذا الندى واعذريني والله إن الوضع ماهو في يدي كل شي ممكن إني أرفضه لجلك .. عدا.. شايبي لامن زهمني قلت: "أبشر يابعدي" انتي أكثر من عرفني ماهو من طبعي الردى وآنا اعرفك طووول عمرك ماتحبين الردي رحت.. لا قلبي.. ولا فكري.. ولا بالي هدا رحت.. وهمومي تجر أحزان درب سرمدي المصيبه.. كثر ماني والسفر أكبر عدا كثر ماربي كتب لي معه أجدد موعدي

تالي نهاري وقت فاالمرقب العال براسه يداعبني نسيم الهبايب وكشفلي سهال جراهيد واقذال عهد يبها شباب واليوم شايب وذكرت قبلي بادي الرجم وش قال لوكان قدركزت عليه النصايب يقول يوم اشرف على راس ماطال بيني وبين الاارض ممسى الركايب

الله يعين الروح كم هي تمنى شوف الحبايب ساعة عقب حرمان والله يجازي اللي بلطفه هدنا وقت تبدل وأبدل الوصل هجران أقفى ربيع الحب وأدهر وطنا وشوك الثرى دسناه في درب الأحزان خاط القدر بسلوك حكمه كفنا وإلى حكم وش ياترى بيد الإنسان حنا ضحايا الياس نرجي زمنا ينظر لنا لو يوم لله بإحسان حنا ليالينا بهوانا رمنا حنا جنينا ونرجي الله غفران

الا ياوجودي وجد من خانته دنياه زعيم رماه الحظ بين المساجيني يدور على ادنى مايخبره ولا يلقاه من اموالـه وجاهه غدا خالي ايديني وجودي وجوده حتى لو ماهي ابلواه مشاكل وتفرق بس باسما العناويني ياعشرة خليل مابقى لي سوى ذكراه تضيق علي مره ومره تسليني ادور لها دوار راع المرض لدواه وتضفي على روحي وتسقي شراييني على شان من له بصمة خلدت غلاه بصندوق سر الصدر من ضمن تكويني عطيته صحيح الود والحب كله جاه وعطاني غرام يغرق اقسى المحبيني من المعدن الطيب سبك جوهرة وفاه وانا صنتها والصون طبع الشريفيني تقاسمت هم الوقت بالنصف انا واياه سوى في المرض.. والحب.. والفقر.. والديني كذا تتحد لارواح واللي يجي ترضاه واهلها يعيشون الليالي سعيديني لكن الزمن لا فرق اثنين من يقواه حسيبي حسيب الصابرين القوييني

البارحه راسي تصافق طواريه والنوم ماله يمة العين حروه يلعب براسي صوت صلف المشاريه ذيب عوا يبغي عشا امه وجروه وأنا على الدنيا من الهيه للهيه ماهمني شهره ولا جمع ثروه همي وغمي واحد يوم الاقيه كني مريض وشوفته محو قروه

كرهت لحظات اللقا من شان لحظات الوداع تساوت ولا عاد أدور لا وداع ولا لقا لا جيت ابودع وأنا طرباان ضاقت بي الوساع وغلب على طعم الحلا طعم المرارة والشقا وان كان تنشدني عن ظروف الهجر والإنقطاع ياللي تذكرني تقول ش راح منك ووش بقا أنشهد إني ضامي الوجدان وعيوني جياع لكن ظروفي يا عديل الروح قشرا ومحقا في غيبتك كني ولد صعده ليا أعماه الصداع خرمان ويدور لحزمة قات لكن ما لقا يحسب انه يشترى فأسواقنا ولا يباع وليا الجماعة ليلة الجمعة تجيبه فالتقا ما يوجع الرجال ويحمله فوق المستطاع الا الهوا .. والفقد .. والعذال في يوم اللقا

هذاك .. ما أذكر نسيته وأدري إنه نسى يذكر .. غياب أحبابه هذاك .. حزنه في عيونه يغري لا بلل بدمع العتاب .. ثيابه هذاك .. لو نسنس غلاه بصدري يفتح شبابيك الشعر وابوابه واميل غصون الغياب .. وعذري أقطف حضوره من غصون غيابه

ما عين البرد غيرك يا محانيي .. ولا استوطن المر غير بطارف لساني ولا شفت مثل الحزن وافي ومتهيي .. كريم .. واقرب على صدري من اخواني يا طيبه .. ان قلت له فارقني .. يعيي يقول اخاف انك من الوحده تعاني

صباح العيد لا مر الأماكن تسيل الشمس من فوق الثرى ضو صباح ثنين زعلانين لكن صحو بدري من الشوق وتراضو

سرى البرق بخياله وانا ماقدرة ارعاه سرى نوض برقه يزرع القلب لماعه اخيله ورى الشباك ياحسرتي حسراه وقرب يباسه ماتهنية مرباعه بقوله على تثليث ثم السهل ياطاه وعشبه على العلمان خيلة مقطاعه وياماحلى من غب سيله لمى طفناه وعشب المسايل زامي كنه زراعه على الي يراعيني وعيني بعد ترعاه اخفي المجي واخاف من خوف قراعه جسام اطاريفه نحيل من المثناه ولحد خذا منه عصى السمع والطاعه

مدري جفا يومك علينا تغيرت ولا ملل ووجيه الايام شابت يا ليتني لوجيه الاحلام فسرت تفسير من نفسه من الوقت طابت

الطفل بكاني وهو توه صغير يقول ابويه قال نرحل ونختار وجيت الحبيب وقلت له قصدي اشير يا زين انا من حامي الوضع محتار ترحل و تتركني سجين التفاكير و غير الصور ماعاد لي فيك تذكار قال الوداع وقلت مامن تدابير الله لا يرحمك يا موقد النار

ونتي ونة قطيع على جال القليب دوجت ثم بركت في مراغة عدها المحبه لا سطت ما يعالجها الطبيب روحتك يا صاحبي ليت ربي لدها عادة الدنيا تفرق حبيب عن حبيب وقطعش يا رفقة والمفارق ضدها

ياحلو عصر مرور اكرام مريته في عنفوان الشباب وعز ريعانه مع دورت الوقت خلاني وخليته وقفا واناقفت اضعاني عن اضعانه واليوم ياما بعد فقده تمنيته وياوجد قلبي عليه وطول هجرانه ماني بناسيه لوحتى تناسيته غالي ويصعب على مغليه نسيانه

وليت يافوادي دخلت بمتاهات امشي شمال واتلفت جنوبي لوني بحايل في مغن الكرامات ربعا تشب النار قبل الغروبي شمر هل الطاله على كل طالات لاجيتهم در البكار محلوبي ايام تاتينا بخير ومسرات وايام علقوم المراره شروبي بيني وبين احباب عيني مسافات الي ليامن جيتهم رحبوبي كبيرهم يخفي ورا العين عبرات وصغيرهم متلزمن في بثوبي وجدي عليهم وجد راعي معدات في برحتن ومنافسينه حروبي عليه دين ومن سوى الدين شيكات وحل القضى لمطرممين الجيوبي

كل شمع يبتديه الطريق اضوه لملم الغيمه لريحا تقفاها اختصر هم المسافات في خطوه وزف آهاتا بصدري لمنفاها

أطالع لعل البرق ينساق من منشاه يبعثر نجوم صبها الليل في كاسه على صفحة الغدرا.كلام عجزت أقراه أشوفه يبين ..ويختفي داخل أقواسه يجيني قريب ..ولفه الليل ..ثم وداه وانا ويش أبي بالليل واسرار كراسه

رحال عن ديرتك رحال أسلم عليكم فمان الله يا بعد عمري وراس المال يا أعز وأغلى عباد الله صبرت واليوم صبري طال ودعتكم وأمرنا لله رحلت يومك بريت الحال أهوم انا في بلاد الله طاوعت بي نمت العذال وأقوالهم منكم لله واشعلت نار الغرام اشعال مارفت حالي لاجل الله ليتك ترى دمعي الهمال سحايب تشتكي لله وافراقكم ما طرى في البال واليوم يا قلبي استعن با الله

على النوى علمي بهم هجعة الليل نجل العيون من البكا كحلها سال واليوم غير الياس قل المراسيل يا من يطمني عسى ليلهم طال الله على اللي ما صفط لي غرابيل لاشك شرع الحب هم وغربال قفى ولي في حجر عينه تعاليل تقول يا ذا البعد نجزيك بوصال وتعلقت روح الليالي المقابيل و يا عنك ما يامن من الوقت رجال لا ما علي لو دمع عيني هماليل الموت دمع القلب لا صار همال

ولا قلبي يحب الموعد اللي تركته للزمان صدفه ولا عيني تحب الدمعة اللي يمنيها الهوى بعطفه وانا مابي حصاد الموسم المرجي ولا أظن الأمل ينجي حطام المركب الغرقان كفايه توعد الولهان فاكر يا زمان يا زمان صدفه حبيبي عمرنا لحظات نعديها ولا ندري ويكفينا الذي قد فات كفاية يا بعد عمري

ياعين كم شفتي وكم جاك ياعين من عامك الخامس لسن اربعيني كم مر بك من عسر ياكم بتشكين واحيان واجد بالبكا تحرجيني لولا معاريفي على العسر واللين في صدقهم عندي ظمان ويقيني عرف النشاما له شروط وقوانين مايجهله رجل فهيم فطيني وان جا لزوم الكفو مافيه بعدين بنقوم بالواجب وربي يعيني والجمل عندأهل الجمايل سواالدين والحر يقضي الدين في كل حيني يا عين هذا ما جرى لا تزيدين ماداموا أخواني فلا تزعجيني

ياضيقة قبل الغروب اتحداني تعتادني في كل يومين مره هزة معاليقي وهدة كياني باسبابها على الوليف اتشره اللي تركني للظروف ونساني مايدري ان له في المعاليق جره وان له مداهيل في ذاك المكاني ريضان قلبي والله انها مقره عليه حراس النظام المحاني ومن الخطر مايشتكي من مضره اللي لقيته في المكان ؟ ولقاني وسمع الكلام اللي نطقته وسره ومن الحيا والخوف دنق وجاني وعلى مسافة متر لله دره وقف وبادلني الحديث وعطاني كف اليمين اللي كوى القلب حره من بعدها حسيت باحساس ثاني اني وصلت ابعد انجوم المجره وروح وانا روحت والعمر فاني والموت لايفنى العمر قبل امره اللي قريته بالعيون وقراني حلفت ما خونه ولا اذيع سره ياضيقة قبل الغروب اتحداني تنتابني ما بين مره ومره

ينزع الحر للعالي المنيف عادة الحر لطام يعاف ذلني الشوق يالقاسي اللطيف ولحظة الوصل من صدك تخاف انا قلبي جناح له رفيف يتبع الشمس في الريح الصلاف للوعد جيت من لون الخريف وللوعد جيت من طعم الجفاف ومر في ساعتي وقت ونزيف ومر في خاطري حزن وزفاف آه وينك انا مثلك كفيف وليه قمراك تطلع ما تشاف

ياربعنا والحال ماعاد هو عال الصبر ينفذ والهموم اتشلع والهم موجه يصفق الجال بالجال يالين مشيي من عنا الوقت ضلع يانجد لك دمعي على الخد سيال قرب الرحيل وزاد نوح المولع يانجد فكري من عنا البعد مهتال شوف الصبر بابه عليك يتخلع واحساس ماظني له القاف يشتال والبعد همه في خفوقي تفلع ترني على فرقاك مانيب محتال واجزع من الفرقا جزيع المهلع ذيرت قبل العام واليوم لا زال جمرة هجيرك في خفوقي تولع بالله ياهل نجد قبل ابدي الحال واظهر خفايا للملا ماتطلع خلوني امضي دام من قال ماطال قبل ابدي بنوح الغرير المدلع اللي ليا من ناح بالنوح قتال واليا سكت تبطي عيونه تتطلع واليا تكلم ما توفيه الاقوال يكفيه دمعن من عيونه تهلع

والسنين أحباب والفرقا عمر والغرام أعمى توكا بالظلام والفصول عجاف وسنيني ظمر لا تهملها وكفينك غمام ماحطبت من الحنين الا السمر وما شعلت من الغياب الا العسام أحترقت سنين وأضنيت الجمر مو حرام غياب بالله مو حرام أنولد من جرح غيابك غمر ماخذ مني الكثير الا الغرم كم طلبت سهيل من يد القمر وكم رفضني لكن أنه مايلام ولا تهون ولا على قلبك أمر رجع إيامي علي بـ غفى وأنام انتظرتك عام والثاني بـ يمر عاد قول بذمتك هذا كلام

سامحيني يا دروب العشق حالي رث حاله والمكان اللي نما في ذاكرة صوتي ندبني خاوي الموعد وانا ذابل وصفح الباب داله انشد آخر ريح مرت به .. تود الريح غبني عشت واصحاب انهزام الليل نادوني تعاله وامي بحق اللبن نادت : دخيلك عود يا ابني آه لو تدرين دربي قبل ما امشي ضاق باله كم سندته بأبتهال الجرح .. لكنه غلبني قولي اللي لو قدر وجهي على النسيان قاله علميني كيف تتعلم يدي .. تهدم وتبني وش بي الليلة فقير إلا من الهم الضلاله والتفاتة حزن في قبلت مواقيته كتبني مابقي يمه ولا موعد يقاسمني ظلاله قلت لك واحتد بي ظلي ومن ظلي سلبني

ياناس كيف انساه وانسى حسانيه انسى الوفي اللي بحبه صفالي اللي خياله وين ماروح الاقيه تقفي وتقبل صورته في خيالي يرجف خفوق حي ليا حل طاريه حي على حبه ولقلبه موالي الله ياذاك اليوم ماني بناسيه يوم الوداع ويوم توديع غالي يدي بوسط ايديه وعيني تراعيه واقفى وخلاني وحيد لحالي جرحه عطيب ولاكن القلب يخفيه ويزيدلامن نور عيني طرالي وياناس كيف انساه وانسى حسانيه ومنساه ياما يرحلن الجبالي

رحلت بالتفكير بين الليالي انفض غبار الوقت بالفكر عنها استرجع اللي فات واللي مضى لي لحظات مرت مايقد ر ثمنها وقت علي بساير العمر غالي ايام ليته ماتعدى زمنها اللي تلاشت تحت موج الرمالي حفر لها كف الزمان ودفنها ماباقي الا هاجسي والخيالي ارحل بعيد شوي واجذب رسنها واقف على ذيك المشارف لحالي مواقف للشوق قلبي حضنها هذا صداها حايم في مجالي هي روح روحي والظماير وطنها رحلت بالتفكير والجو خالي يوم ان صوت الشوق يامر وينهى

جيتك ادور عن حلول والحل ماهو في يدي جيتك لأني صدق اخاف أموت ماجاء موعدي سافرت في كل الفصول والعمر عيا يبتدي البرد وسنينك جفاف والنار خانت موقدي وانا لي ضلوع رهاف وجفن من الفرقا ندي

محد(ن)يعيش وكيفه اليوم مرتاح حتى العمر وان طال به خاب ضني وقتي يزيد الضيم والسعد بي شاح يقطع ابو وقت(ن)نصيته خذلني يامسندي معك العنا جمرها طاح واشوف غيري بالغموم امتعني بان الفرج والنور ياصاحبي لاح يوم ابتسمت وشفت ربي نصفني انت الرفيق الي له القلب شراح وانت العوين وكل حيل(ن) لزمني صحيح من ردد ترى الشوق فضاح كني عليل(ن)والدوى وسط كني القا حلالي للبشر والصبر باح واون ون الي بفقده يوني من زود همي ماتمنيت الاصفاح كيفي اخلد بالفكر من سكني ماقد خبرت ان الهوى مر واجراح حتى غدى شعر الهوى فيه فني وان جيت اكابر رد طيفه ولا راح واقول انا يالله مابي التعني قد لي سنه والقلب زادت به قراح والوقت يمضي والعمر سارقني كل(ن)على ليلاه ياصاحبي صاح وانا وقافي والعنا به نغني

اليا ختلط سالب هجوسي بموجبها قدح بوسط الحشا ضرمه وصوانه والنار في مهجتي شبت شبايبها والصدر من ماجراله ثار بركانه اذكرلي ايام تطريلي عجايبها بزهرت ربيع العمر وايام ريعانه واذكر ديار مريفات جوانبها واليوم حتى من الا شجار عريانه

النار ولعها وكثر حطبها وأجعل سناها كنه البرق لا لاح والسالفةلاجت على البال جبها خل الهموم اللي على البال تنزاح عيني منام الليل مبطي حربها قضيت عمري بين مسرئ ومسراح الناس لاتأثر عليك بعتبها ماكل نصاح يسمى بنصاح والتايهه لاجت من الناس سبها سوق البشر مابين خاسر ورباح واللي بيرقى الدار ..دربه عتبها والباب أبو كيلون يفتح بمفتاح ترى النخل مايرتخي لك رطبها أما طلعت تصرم العود ماطاح وأول حلول المشكلة من نشبها والثلج لو مايونس الشمس ماساح وأنا حياتي جايزلي تعبها ماودي أريح ضميري ولارتاح مادام نفسي ماتحقق طلبها خلوني أقضيها عزوبي وسواح

انكسر حلمي الليله على اخر مداه والمواجع لها ابواب حبر وورق للهوى كنت اضحي والمشاعر فداه لين ركن المحبه فالخفوق احترق من هو اللي سرق نومي وجرحي بداه من هو اللي تركني للتعب والأرق الحبيب انتظرته قلت ابسمع نداه بس صوته نساني للأذن ما طرق ما وصل صوت خلي كيف ابسمع صداه يمكن يكون فالنسيان طاح وغرق الهواوي بليله يا ترى وش جداه كل ما طاح نجم يشوف نجم شرق شاشة الكمبيوتر اصبحت لي أداه يوم صارت دموعي تستبيح الورق

قلب المولع للمزايين مشتاق واخاف جور الوقت منهم يرده وانا مود وللمزايين عشاق ومن لا يود الناس ماحد(ن) يوده والضاهر اني بين الامواج خفاق موج(ن)يتل القلب واخر يهده قرب يبن الصبح ويبن الاشراق وسهيل يضهر والثرياء تحده والشمس بانت وانطلق نور الاشراق هني نور الشمس ساعت تمده ياليتني يوم اطلعت فوق الافاق واشوف منهو يجمع الشمل جده ماني بمنهم بس قلبي لهم تاق قولوا لقلبي يابشر ويش حده انشهد ان سبت جروحه والاحراق شوف الضبا واشكالها مستبده زود احترام وفن واداب واخلاق وقمة جمال الناس ياللي تعده عسى يزين الوقت وتزيد الاشواق يارب والقاء لي معاهم موده خوت شرف للي على الزين سباق اللي لهم قلبي عروقه تشده يالربع زاد الهم والكون بي ضاق واليوم قلبي باح للناس سده

ما هزني غير البياض .. اللي تعلى شاربك ودي اسألك : جف البحر ولا تحطم قاربك تعودت يالبدر ترثيك الرياض .. الحين .. شف .. تبكي الرياض

يابومحمد طالت الغربه وانا قلبي حزين ياليتها ماطولت ياليتها ماطولت خسرت فيها رفقة النوادر المتميزين شالت عليه من عناها في الزمان ومولت حطت على متن البحر حمل من الفرقا رزين وانا عذابي كلما شفت العواني ضولت تكفا ترى تكفا ليا سيقت على مثلك تزين ربك تبعثرها ليا ضاقت علي وفولت ارحب يابحر كيف حالك طبت ومن العايدين ارقا وترقا فوق اما حولت والا حولت فرقا الاهل والدار والاصحاب مافيها هوين الايام يضربها فحل الاقدار حتى شولت لابد للغايب يعود ويستكن ويستكين ومقاصد المتشفقين أتحورت وأتأولت وابغى اسألك سؤال واحد وانت سيد العارفين تحبها لاعممت يابحر والا خولت ياليث لو مالك عرين فأنت حماي العرين ولولا الشيم مابه رجال عالرجال تعولت

صبرنا على بعد المحبين كم يوم وانا اشوف صبري ياحمد مدته طالت ازيد الصبر لعل حظ الجريح يقوم على شان اقول انها استوت بعد مامالت ولكنها دنيا تزيد العلوم علوم وهي ضيقة من قدلها مابعد زالت على سبته ماعاد جفني يذوق النوم وعزومي على صبر بها طال ما حتالت اجامل وابين للعرب ماني بمهموم اوحالي يلاف انها من الهم مانالت وانا عارف اللي جاعل في الضمير قسوم ويش اللي جعل عيني من دموعها سالت صدوف الدهر ماخلت الطيبين سلوم تحد الشلي وتحيره كيف هي قالت انا مومن بالله وانا راضي المقسوم ولابدها تصفي وبحمولها شالت

يامطولك يالظلام وياثقل دمك تستعذب النزف والطعنات والحربة وجه بكابك ولا مديت له كمك من سابع المستحيل بكاه تشعربة يالليل اعرفك بحزنك دمعتك. همك من كثر ماكنت لي موطن بلا تربة لا امدحك في متاهاتي ولااذمك يشتاقني..صدرك الاسمر وابي قربة ملعون ابو التيه لانساك وجه امك ملعون ابو الصمت والترحال والغربة

شي طبيعي نختلف ونتفارق اللي غريب إنا بيوم اجتمعنا أغراب لو ذابت جميع الفوارق يا للأسف ورى الشعور اندفعنا تطيح شمس وغصن الأيام وارق وتموت كلمة شوق وتعيش معنى ما لاح بعيوني للآمال بارق نتبع سراب ضاع منا وضعنا البعد راحتنا لو البعد حارق بعد المواصل بالجراح اقتنعنا ما تسعف الغرقان صيحات غارق عاجز وعاجز كيف بس اجتمعنا

حدثوني عن حوارينا القديمة واقطفوا من جرد ضلوعي شجن عن بكور الصبح لاصحت نسيمه هفهفات الحلم بعيون الوسن عن سواليف اخوياي المستهيمة لا استباحت في امانيها ... وطن رافقتني .. للمشاوير العتيمة ضيعتني يوم قالت لي : تمن

من طول الغيبات جاب الغنايم وش جبت يا الغالي بعد طول غيبتك جبت الوفا والقلب بالشوق هايم او يا ترى خبري قديم بمحبتك انا من افراقك على الشوق صايم ما زان غيرك في عيون ترجتك ما طعت في غيابك عذول ولايم غلاك ما يسمح لغيرك مسبتك يا مرحبا باللي له الشوق دايم تباشرت نجد بزولك وجيتك