شعر عن العم وقصائد مدح العم وابن العم باسمه

يالعم ياراعي الفعول الحشيمة

يامحزمي وقت الشدايد ونبراس

توزن أمورك بالعقول الحكيمة

ورايك ثقيل ووزنته وزن ألماس

في كلمتك طابع محبة وشيمة

وتوحد قلوب العوايل بنوماس

عقب الأبو يوم ارتكت بي الصدوف

يا صالح انت اللي بوجهك سنادي

حطيتنا في ظل عينٍ تروف

في وقتها كنت الحزام القيادي

عمي وتاج الراس بين الصفوف

ياللي كفوفك مثل غيث البوادي

يا فازعٍ يوم انطوت بي الظروف

يفداك من هو غاب وقت المنادي

يا حيّ بيتٍ يجمع أهل القرابه

عمي بنى صرح الكرم من يمينه

قصرٍ يفوح العود الأزرق رحابه

يحيي تراحيب الكرم في سنينه

الشايب اللي نفتخر في جنابه

كن السحايب ترتوي من حنينه

ملفى بني عمه وعز العصابه

وقت الشدايد فزعته لك ثمينه

يمناه غيثٍ هلّ ماطر سحابه

نبع الندى والطل يندى جبينه

يا عمي اللي تسبق الجود يمناك

غيم المكارم من كفوفك سكبها

ريحة أبونا باقية في سجاياك

وروح الأبوة بالمعالي جذبها

عديتنا يا عم من حسبة أضناك

وحتى الفروق بحكمتك قد شطبها

مثل الجبل يا عم شامخ بمرساك

ترسي بك الهيبة وتثبت رتبها

يفز لك مجلس رجال تحراك

ونار المعالي من فعولك حطبها

بحر الندى يروي ضماه بعطاياك

وبير المروة من يمينك شربها

يا ولد عمي من صبانا أماشيك

غرس المعزة بالضماير تمركز

أنت العضيد اللي ليا ضقت أناديك

نعم الحزام اللي على الكايدة لزّ

أفخر بطاريك المعرّب وأباريك

حرٍ تعلا في المراقيب لا خزّ

يابدر يابن العمومة وياالركن الشديد

واليمين اللي تمد المراجل وافية

وقفتك تشفي الصوايب وتبري للوريد

والنوايا من بياضك مثل مزنٍ صافية

أنت يابدر الفخر والمراجل تستزيد

بك نشد الظهر وأفعال يمناك كافية

في نهار الضيق مالك بهالدنيا نديد

فزعتك يالقرم دبرة طبيبٍ شافية

يا ولد عمي يا فخر كل نوماس

أقرب لي من اخوي يا راس مالي

عمرك معي ما خبت يا طيّب الساس

يالمحزم اللي ترتكي للثقالي

وان ضامني وقتي وضاقت بالأنفاس

ألقاك يمناي وقراحٍ زلالي

تشلع بصدر المرجلة شلع قرناس

وأفعال يمناك السخيّة طوالي

يا جوهرٍ يفرق على لمعة ألماس

لك موقعٍ يفوق كل المعالي

يلوج الهم في صدري كما طير شبك بسياج

وتعمس دنيتي والليل يقبل قاطع فجاجه

ألا يا حي ربع ركنهم قاسي سوات العاج

عيال العم سيفي يوم وقتي يقلب مزاجه

يجون معاسرين الكايدات بصطوة وأفواج

صناديد القروم اللي كما سيل بمدراجه

يخوضون الصعايب كنها فرش من الديباج

ولا هابوا رماح الوقت لا من حان ميواجه

إذا قفل زماني باب جوده وأحكم الرتاج

تبين وقفة السناد لا من ثارت عجاجه

يطيح الشارب اللي يدعي بالعز مثل زجاج

وأنا ظهري ذرى متني نهار الضيق وإحراجه

فرحة ليالي العيد تكمل بملقاك

يا بهجة الخافق وغاية مراده

يا عم تسلم كل ما حل طرياك

تزهى بك الايام فخر ورياده

في قمة العليا رسى ساس مبناك

ذرى الخوي لا من تزايد نكاده

زهمت القوافي لجل أصيغك شِعر وأمثال

ولقيت المعاني قاصرة عن سِموّ الوصوف

تعديت يا عمي حدود الشعر والخيال

ولا ظنّي توفّيك الجزيلات والحروف

لأنك ذرى المضيوم لا مالت الثقال

حكيم المواقف ترتكي لا قست الظروف

مقامك رفيعٍ وتِفخر بذكرك الأجيال

يمينك سحابة غيث تِروي ظما الكفوف

شقيق الروح في يوم الشدايد واللزوم

اليا صار الزمن قاسي وميقافه صعيب

ليا كبرت تظللني مقاديم الغيوم

بظلّه يحتمي راسي من السهم العطيب

اشده في يميني وارتفع فوق النجوم

ولا منه زهمته جاك كالسيل المهيب

طليق الوجه جلاّي الغبينة والهموم

ولا يطري على باله حسابات النصيب

كبير القدر شامخ معتلي فوق الرجوم

يورّدها على حوض المنايا ما يخيب

يا قوافي سطّري للمقام القايد

عمّي اللي تفتخر بالمراجل أفعاله

ذخر الأيام الصعاب والفخر له زايد

سيف عزٍّ ترتكي هامتي في ظلاله

أشهد انّه بالكرم والشهامة سايد

منبعٍ للطيب يروي العطاش زلاله

حيّ من ياقف معي يوم وقتي مايد

من يمدّ يده عسى الله يزيّن فاله

لا زهمته شال حملٍ على المتن كايد

يشهد الله كل همّي يزول قباله

بين كل الناس ذكره مع الطيّب رايد

من ورث مجد الكرامة ولبس عقاله