شعر شكر وتقدير وقصائد نبطية مخصصة باسمه

يا ماجد افعالك من الطيب محبوك

راع الشهامة دايمٍ في ذراكا

وقفت في مبداي والصعب مفكوك

علمتني بالصدق زانت خطاكا

أدعي لك الخلاق والعبد مملوك

يبقيك ربي دايمٍ في رخاكا

يمّ الفهد يا حظّنا فيك بالذات

يا جارةٍ بالخير مثل الغمامي

أطباقكم جادت على الجار خيرات

تشهد لها يمنى العطا والصيامي

تنشد عن الجيران في كل لحظات

تهدي الغلا في قِدرها والمقامي

يالله عساها في الليالي المديدات

تبطي وبيرقها على العزّ زامي

ياللي جمعت المرجلة في طباعك

الطيب غيثٍ وانت للغيث روضه

يوم الحديد يخون واقصد رباعك

والليل داجي ما ضوى البرق نوضه

أقبلت مثل النور يضوي شعاعك

عسر الحديد اليا تعقد تروضه

صلحت موترنا بوافي سناعك

بحر المكارم بالشهامة تخوضه

المرجلة تجري بداخل نخاعك

يالنادر اللي في الزمن من يعوضه

طلال حرٍ كل مجدٍ ظفر به

يمناه غيثٍ مقبلاتٍ سحابه

وقت الشدايد يوم بختي عثر به

لقيته الصامل شديد المهابه

قضى لزومي قبل محدٍ يمر به

فزعة كريمٍ ما يدوّر حسابه

حرٍ على وضح النقا طاب دربه

يعطي ولا يتبع جميله عتابه

أرفع مقامه والثنا ينتشر به

واشهد بطيبه في حضور وغيابه

معروفه النادر قصيدي جهر به

لو تعجز الأقلام وسط الكتابه

حيّ العطر والعود من طيب منهاج

هديةٍ من كف قرمٍ مخاوي

يا صاحبي ذوقك كما عدّ هدّاج

دايم وتفعل فوق كل الهقاوي

ريح العطر من طيب يمناك وهّاج

أصل العطر من ريحتك يالغلاوي

يا حيّ مهداةٍ لها قدر ورسوم

من كفّ حصّه يا هلا في سَعَدها

ضَوّت بداري واشرقت كنّها نجوم

زانت بها جدراننا مَعْ عَمَدها

شكرًا على حرصٍ بصدري ومحشوم

يا نِعْمَة الرِّفقَه وصادق عَهَدها

يا جعل بيتك عامرٍ بالهنا دوم

يَبْقَى الفَرَح في ديرتك طُول أَمَدها

يا كاسب الأمجاد في كل طاله

لك في صميم القلب قدر وتبجيل

ما جابتك أمي وتكفي الدلاله

مير الأخوة برمجت دون تعديل

أهديتني ساعة فخامه واصاله

من كف قرمٍ فاق وصف التخاييل

والوقت من عمرك عظيمٍ نواله

وأغلى من سْبايك ذهب والمثاقيل

قدرك بقلبي مرتفع في جلاله

ثابت ولا يلحق مقامه تقاليل

يا مريم الورد جا منّك وأنا اغليه

شمّيت عطره وله نفحه زكيّه

وردٍ خذا من حلا روحك مواريه

يعكس جمال النوايا اللي جليّه

تذكارك الزين في صدري أداريه

أسعد خفوقي وفرحاته وفيّه

بان السعد في خفوقي من مباديه

والمعنويات صارت معتليّه

قدرك عظيمٍ عسى ربي يخليه

يصعب على المفردات العسجديّه

ما ظن شيءٍ بها الدنيا يساويه

إحساس فايق ولحظاتٍ بهيّه

حيّ عبدالله ومنبع للشهامه

للمهندس نكتب أبياتٍ فريده

يا مبارك للترقي والزعامه

رتبةٍ بأفعال يمناك المجيده

بالتعامل بيننا عدلك علامه

والموظف ماخذٍ حقه بيده

يا فاطمة قدرك يطول المعالي

وانتي مديرة منزلتها عظيمة

من وقفتك شجعتني للكمالي

طورت نفسي باجتهاد وعزيمة

فيك الإدارة تكتسي بالمثالي

حكمة فكر وافي ونظرة حكيمة

وتواضعك يجبر كسور الليالي

والكل يشهد لك بنفسٍ كريمة

يا منبع الامجاد يا عالي القدر

ودعتنا والذكر جاب الحمايد

انجازك المكتوب يشبه سنا البدر

تبني على ساس الطموح الفوايد

كنت الابو والاخ يا واسع الصدر

قبل المناصب صرت نعم السنايد

قضيت عمرك قاصدٍ راية النصر

هانت على يمناك كل الشدايد

شيدت بالافعال للطيب كم قصر

هذي طبوعك والوفا لك عوايد

يا مدير الفرع يا طيب النباه

صالح اللي بالمراجل يوم فاز

طيب روحه ترفع العزم وصداه

تزرع الهمة وتدفع باعتزاز

في ظلاله يوم وقفنا معاه

حقق المشروع تتويج وإنجاز

قايدٍ شهمٍ ينومس في عطاه

عانق الرؤية ونال الإمتياز

سيرة الأمجاد تكتب من ذكاه

بالعمل والموهبة صاغ الطراز

أشهد ان الفرع زاهي في ذراه

معه نتخطى الصعايب بْإجتياز