شعر للزوج والزوجة - قصائد حب زوجية

بدون مجامله انتي لحالك والبنات لحال

تربعتي على عرش الجمال وصرتي لحالك

ولا به بنت تشبه لك بنات العم والا الخال

ولد عمك علشانك تمشكل مع ولد خالك

يبونك كل واحد قال يالله علّها لي فال

والى احدٍ قالها رديت فال الله ولا فالك

تحبيني وانا احبك سوى فالحل والترحال

معك من وين ما رحتي كأني اشبه ظلالك

احبك واعشقك واهواك ميت فيك دون جدال

وانا ادري انك تحبيني وحبي مشغلٍ بالك

كيف تنساك نفسي وانت والله نفسي

كل مابعد يناديني حبيبي غلاك

انتظرتك بعمري يا بعد كل امسي

انتظرتك وقلبي ينتظرني معاك

عاشقك مايسمى بعد فرقاك منسي

من كثر ماتمنى يلتقي بك لقاك

انت حلم المشاعر واعذب حروف همسي

قبل تكتبك عيني شفت قلبي قراك

والله اني احبك واصدق الحس حسي

والرضا في عيوني ياحبيبي رضاك

لو غرست التجافي بجني دموع غرسي

كل فرقا تلاشت عند فرقا هواك

اقطع الشك واطلق لو تكرمت حبسي

ما اهتنيت بوصالك خايفٍ من جفاك

لو على عمري أطيعه

ما هو قادر

قلب من حبك يبيعه

لا تغريك السنين

يمتلي قلبي حنين

أنت في قلبي يا قلبي

وللعمر روح وعين

مر يا عمري في ليلة ذكرياتك

لا ينسيك الجفا حلو امنياتك

ما نساك الورد والليل العتيم

بس بعض العمر والأحلام فاتك

ضج ليل الحب من طلة جبينك

وكثر همس احساسي النايم بعينك

عطرك اللي ما تغيره الليالي

يفداك عُمري والف عُمْرٍ مع العُمْر

بس اضحكي يا نور عين القصيدة

لا تسكبي دمعك على أوجانك الحُمْر

ما أحد ينال اللي تمناه بايده

هذي تصاريف الدهر لا نِوَت الاْمر

ما تخبر احد قبل تاخذ فقيده

يفداك كل البيض والشّقر والسُّمْر

والفين بسمة والف ضحكة سعيدة

وفْداك قلبٍ تحرق ضْلوعه الجَمْر

لو تحضنينه يشتعل بك وقيده

الدمع لك دَلّه تعالي خذي تَمْر

من نخلة أحزان بعيني عنيدة

يا فتنتي من يوم زيدٍ ضَرَب عُمْرو

الين صرت اركض بصدر الجريدة

كل عام وانتِ يا عمري بالف خير

كل عام وايامك افراح وسعد

إنتِ ما مثلك على الدنيا نظير

لا ولا قبلك ولا بعدك أحد

عيد ميلادك أحسه غير وغير

والدليل الكل جالك واستعد

اللي شايل ورد ملفوف بحرير

واللي كاتب لك قصيدة واجتهد

كل(ن) يعبر فرحه بشكل غير

وكل(ن) يحاول يبرهن لك بعد

تفنن في طروق الحب شرقني وغربني

معك يا زين دوخات الهوى ويا حلو مشواره

وغرد في سما سمعي أبي تحكي وتطربني

سواليفك مطر عمري ربيعي ضحكة أزهاره

حبيبي يا بعد كلي وكلك صدق تعجبني

بغيباتك وصداتك وتلويعك وتكراره

تجنن كل ما اشوفك احس انك تذوبني

وتضيعني من الدنيا وتشب بخافقي ناره

جمالك ناهب قلبي وتفكيري ناهيني

دلالك يا رقيق العود عود تعزف اوتاره

ما عاد فيني للسهر سامحيني

مضطر انام وطبعاً الشك زايل

حاولت اقاوم وانتظر صدقيني

وما اظنّ في درب السهر أي طايل

كنت انتظر منك اتصال يجيني

ولا جا اتصال ولا وصلني رسايل

الشوق وسط القلب ماهو بعيني

والحب ما يحتاج مني دلايل

لولاك ما زانت بعيني سنيني

ولا اعتدل حظٍ من سنين مايل

وان صاروا العذال بينك وبيني

بادعي عليهم بس مانيب قايل

حبيبتي لو حبت البعد للبعد

تشكي جفا الأحباب واشكي جفاها

تنسا غلاي وحلم قلبي بلا وعد

وتذكر غلا اللي في حياته نساها

تكتب شقا عمري على صفحة الوجد

وتبوح لي باسرار قصة شقاها

بيدينها تقطف من اعماقي الورد

ولا حاولت في يوم تسقيه ماها

حبيبتي في خافقي نارها برد

تكبر معاناتي ويكبر غلاها

حبيبتي والحب عهدٍ عطا عهد

وفت معي بالحزن ليلة وفاها

حبيبتي لو كانت العلقم الشهد

وانا السنين الضايعه في رجاها

ياروح روحي مهجة الروح تفداك

راحت على مركب غرامك وساقه

واليوم لك غيبات ماعاد شفناك

عقب التقارب صار شوفك شفاقه

ويش اللذي دلهك عني ونساك

هاك السوالف والعلوم الدقاقه

ماهوب حق تقطع عشرة من أغلاك

الحق تجويد الصداقة صداقة

ما أوعدك من يضمن ظروف الزمان

لا تصدقي من قال للدنيا أمان

ميعادنا خليه في كف الظروف

لا تحرجيني بالزمان وبالمكان

ما احد عن احبابه بيختار البعاد

لولا القياد اطلقت للرجل العنان

اسري بليل الضيق لشموس الفرج

ركبت موج الخوف للشاطي الأمان

كثر الليال اشتاق لك كثر السنين

إنتي حنان العمر ما غيرك حنان

يا عشيري لفاني منك ما حس بالي

شايفٍ الجفا من عقب هاك اللباقه

صعب رد الجزا في وقتنا يا حلالي

كيف تقدر فراق اللي عناكم افراقه

كان قلبك تنكّر والهوى عنه زالي

او صفّها لك من العربان غيري عشاقه

انت تلقى وانا القى من يمضّي الليالي

كلها عبر دنيا مابها راس طاقه

سالمٍ راس مالك لك وانا راس مالي

سالمٍ لي وبعض العرب ما طاح ساقه

كرامتي يابنت وجهي وجاهي

ولا عاش رجالٍ بليا كرامه

لو قلت لي غلطان داله وساهي

كرامتي ترفض ليوم القيامه

الحبكم سخرة روس الدواهي

ولمسة بالكفين متن الغمامه

وفيك الجمال اللي جعلني الضاهي

اجمل جميل الناس شرق وشامه

صرتي معي في غفلتي وانتباهي

صرتي مع قلبٍ تزايد غرامه

صاحبي وان جاك عني سالفه والا قصيده

ماكتبت الا غلاك ولا رجيت الا حنانك

شاعرك هذي حروف العشق تسبح في وريده

كل ما طرز بها جيدك تثنى خيزرانك

كل حرف في قصيدي ما تحرر وانت سيده

والقصايد ما يساوي طيبها زلة لسانك

ابتسم لون المسا منك وعرفتك

جيت مثل البدر في صدر الليالي

ايه شفت الحب بعيونك وشفتك

واذكرانك جيت ضيف ورحت غالي

واذكرك مثل الورود ولا قطفتك

واذكر ان المر دونك وانت حالي

جيتني من مدمع الغيم ولقفتك

تسهج ضلوع الغرام ولا تبالي

تفنن في طروق الحب شرقني وغربني

معك يا زين دوخات الهوى ويا حلو مشواره

وغرد في سما سمعي أبي تحكي وتطربني

سواليفك مطر عمري ربيعي ضحكة أزهاره

حبيبي يا بعد كلي وكلك صدق تعجبني

بغيباتك وصداتك وتلويعك وتكراره

تجنن كل ما اشوفك احس انك تذوبني

وتضيعني من الدنيا وتشب بخافقي ناره

جمالك ناهب قلبي وتفكيري ناهيني

دلالك يا رقيق العود عود تعزف اوتاره