شعر عيد ميلاد وتهنئة بالذكاء الاصطناعي

يامدور الهيّن ترى الكايد أحلى و أسأل مغنّي كايدات الطروقي الزين غالي لكن الأزين أغلى و الكلّ شرّاي ٍ بضاعة وسوقي النوّ عالي و السما فوقه أعلى و لا فاق علم ٍ جاه علم ٍ يفوقي الصعب هلاّ قلت يا صعب سهلا دامك تبيني فأنت يا صعب شوقي أحب اعسف المهرة اللي تغلّى و أحب أروّض كل طرف ٍ يموقي و أحب أسافر مع سحاب ٍ تعلّى و أحب فوق الغيم لمع البروقي

حبيبي جيت اقدّم لك هدية عيد ميلادك انا متأكد اني لو نسيتك مانقص قدري ولكن قلت ادوّر أي شيّ يناسب عيادك صفحّت الهدايا لين ضاق بشوفها صدري أبي شيٍ يجمّلني معك لا فاح رينادك ابي شيٍ أمدّه والخجل من فوقي وحدري وقلت آشوف بعض الناس قبل يحل ميعادك وش اللي من هداياهم يليق بوجهك البدري بعضهم جاب ورد وشفت كل الورد مافادك وانا اصلا أعتبر من جاب ذاك الورد مايدري لأن الورد لو مازاد بين إيديك مازادك تركت الورد وأعجبت بثلاثٍ جوك من بدري

اليوم عيد اليوم اغلا من العيد اليوم هذا غير عن كل الاعياد واليله احلى موعدن في المواعيد تاريخها يحمل معه عيد ميلاد ميلاد كل حسن والمجد والغيد الزين فيها كاملن والغلا زاد ميلادها سموه شيخ المواليد المجتمع يفرح به جموع وافراد كنها غزال داخلن قادت الصيد كل الضبا من خلفها جات تنقاد والبحر يحسبها على السير في البيد شوف البحر من حسنها صا حساد

يمرّني كل عام يوم ميلادي يوم أعرفه ويوم انسى مواعيده يمرّني وانتبه للغايب البادي واهوجس بحال غيري من مواليده أرتاع وارتاح له يفرق وهو عادي ينقص من العمر عام في ضحى عيده أناغم الحرف ذا باكي وذا شادي وارسل مع كل دمعه وجد تغريده ياوابل الغيث كان الحظ به جاد يزهر حياتي نداه وتزدهر بيده ياركب الايام معك العمر ينقاد كم ليلةٍ وسّدتني فيك تنهيده

يا رجفتي والبرد يبغى له بلاد يا غربتي والعيد طعمه بلا روح اليوم عيد وليلة البارح سهاد ماعدت ذاك الطفل ابو ضحك ومزوح كن السهر ياخذ من عيوني رقاد وكن القلق ياخذ من لساني البوح امشي وأحسّ الناس من حولي أجساد وأغيب في صمتي وأشارف على النوح أهيم في صدفه على غير ميعاد من كثر ياسي قلت للوقت مسموح ما ادري اتوه او اهتدي بس الوكاد منفاي ما ادري موطني حذفة جروح

ما درت عن حبها ياليتها تدري ليتها ياليتها لو قدرت مره ان قلبي من كثر شوقي ملا صدري وان صدري من كبر قلبي نفذ صبره من صباح الخير لين الشمس ما تسري ومن مساء الخير لين نصير في بكره والغلا في داخلي مثل النهر يجري ليتها تدري بغلاها داخلي شكثره هي تحسب اني طلبت الشهره بشعري والله ان حبي لها نساني الشهره من يقول ان الشعر بيزيد من قدري بس انا شعري لها بيزيد من قدره