شعر اليوم الوطني السعودي

بحبك ياوطن شديت عودى

مثل أول مثل آخر جدودى

لقيتك داخل الوجدان منى

مثار احساس نفسى فى وجودى

هنا قلب صدوق الحس عاشق

متى مانادته ليلاك نودى

تعلم من نخيلك كيف يحيا

بهامات الثريا للخلودى

ولك منه ولا عبد لربه

تمثل فى ركوعى فى سجودى

مع كل نسمة صباح أقوم وأيديّه

ترفع بعضها كذا وأقول وأنادي

الله يسعد صباحك يالسعوديه

عساه والله صباح الخير يابلادي

يادروب الأرض لعناق السماء

ياجداول ماء لحكاية ظمأ

يالكلام اللي عجزنا نبتديه

من يقول أنك كما غيثٍ هما

أنتي لاقبلك ولابعدك كما

علمينا كيف نلقى لك شبيه

بشروا اللي رفع راس البلد عالي

بشروهم وقولوا ذي عوايدكم

يابنات المملكه انتو الهوى الغالي

كلنا كلنا جينا نهنيكم

أول الناس انتوا مانتوا بالتالي

جِدكم جِد هو اللي يعليكم

انتوا بشفاهنا مثل العسل حالي

انتوا أكبادنا والله يخليكم

علمكم نور والتوحيد للوالي

والله اللي من الافراح يعطيكم

نرفع تحايانا لقادة وطنا

اجمل وطن فالكون واجمل قيادة

المملكة من حل فيها تهنا

الله جعلها مركزٍ للعبادة

لو تنعق الغربان منا ومنا

نعيقها يزيدنا امن وسعادة

فاح عطر القصيد وغردن الفرايد

من ضمير على بدع المثايل رهاوي

واشلعن من غصون الشعر ندر القصايد

شردن مايروظهن قريب الهقاوي

واستوت طبخت المعنى بجمر الوقايد

لين ذيب القصيد من الوله جاك عاوي

حالفن اني لاعلقها قلايد قلايد

لين ماعاد تطلع من ذهن كل راوي

ارفع الصوت غن يا حادي العيس

هذا يوم للوطن والاحاسيس

يوم فرسان الجزيرة واول الوحدة الكبيرة

وشعلة التاسيس

ارفع الصوت غن بعثر اوراق الزمن

انفض غبار القصيدة ترجع اسنين بعيدة

مالها والله ثمن

ياهل التوحيد من يجازيكم

يا اسود البيد من يماريكم

انتوا حاضرنا المجيد وحنا ماضيكم

حفنة ترابك ياوطن تسوى وطن

تسوى بلاد إبأسرها

برملها وببحرها

وانفاسك اغلى عطر يعلق بالثياب

عمرك بلغ ميّة سنه وحسنك فريد

في كل يوم ألقى حلا وجهك يزيد

تكبر وتحلى ياوطن

ياصاحب الوجه الحسن

انت النشيد اللي يغنيّه الصباح

وانت البخور اللي تغازله الرياح

ياوطنا منبع الهدي والنور المبين

مايطولك باس والناس دون اوطنها

في حما الرحمن حاميك رب العالمين

بالرجال اللي علا شانها بإيمانها

أنت في قبضة يدين الرجال المخلصين

والعرب تقرأ المكاتيب من عنوانها

نسل ابو تركي معزي إمام المسلمين

رادع العدوان والخيل في ميدانها

سطوته بالحق من قوها القاسي يلين

وان صهل صم الرمك جدعت فرسانها

بي عنك يا سيف الوطن والمعالي

يا جعل كل الارض فدوة عيونك

غالي ومن غيرك على الارض غالي

وش هي الحياة ياسيد الناس دونك

إهتز لك كل الوطن والمعالي

واهتزت الدنيا وجو يحرسونك

آثرتهم بالحب أول وتالي

واليوم كل الناس شفهم يبونك

عند الشدايد لجلكم مانبالي

وعند المحبة نغترف من مزونك