شعر عراقي باللهجة العراقية الأصيلة
أمثلة شعر عراقي
چنت أدورلك بروحي على گمره
تفيي لسنينك وتنثرلك سعد
چنت أدورلك على غيمه زغيره
تطش على أيامك ورد
چنت اسامح واشتكيلك
يلي غارگ بالدفو
وك روحي مليانه برد!
سبحان الفرح بشفافك ألوان
من تضحك تصير الدنيا بستان
وسبحان النسيم اللي يمر بيك
يسلّم ع الرّمش والرّمش نعسان
وسبحان الحلاوة التحت العيون
وسبحان الضوه الخجلان والغيران
سبحانك خميلة عيد ومراجيح
وسبحان الثمر ع الصدر ريان
سبحانك يحلو الطول يمگمّر
سبحانك... وألف... سبحان
كَوه .. كَوه اتريدني العذال ارد
للشوك واهوه
او ما دروني اضحك ضحك .. مجبود . جالمجبود كَوه
او مادروني .. اسحن سحن بالروح ..
واخزن هالعذاب ابسمل جلوه
خايف السان البطر ، واضحك .. جذب .. والنار جوه
او صابر .. او روحي ابملام اللايمين ..ابتلت بلوه
حارت اوياهم ، يذكروها .. المضه .. او كَالوا : اشدعوه ..؟
واصبحت مثل اليهد .. اوحيد ..
جدام الزلم .. وبعازة اخوه
يبقى العراق
يبقى ألاقوى
تاريخ وناس وگاع
لو عثر يمه أسم الله
ينهض يگوم أبساع
هوا ألاصل هوا الفصل
عروگ الجسد ما تنفصل
تضيع دنيا يضيع زمن
يبقى العراق عراق
عمره العراق ماضاع
الشاعر الذكي كتبها — شوف بنفسك
قصائد كتبها الشاعر الذكي بناءً على رسائل حقيقية
ردود فعل شعراء
شعراء جرّبوا الشاعر الذكي — هذي ردودهم
اشك بچفوف اديه وما أشك بيك
واغار عليك يْبيَّض غيرة النسوان
اشلون اجمع وافرزن هاي من هاي
وانه بحبك ولا خليت ميزان؟
أفز من نومتي خاف انتَ سهران
وانومك عَ الرمش وأسهر للآذان
يخصرك مستحه وطولك مواويل
لضوگك من لهاتك وظل سكران!
أخلص سنيني لعيونك مواعيد
وأعيِّد بيكِ كل يوم بأَلف عيد
تگلي جيس خصري وبوسني هناك
هو انتَ عندك خصر ينجاس بالأيد؟
لمن تشوفك عيوني
مدري ليش أسرح
تبتسم ويايا ظنوني
ومن كل عقلي أفرح
گلبي اليضل يدگ
وبين الظلوع يجدح
ترتجف كل أعضاي
مثل سعف النخل تتمرجح
ومن الخجل أموت
أعرگ وبالعرگ أسبح
يمتى تحس وتحن
يلي سكتتك تذبح
وياك وياك ، ياطير الحمام
وياك وياك ، وصلي سلام
گله وحچيله عليا
شوف هجره أسوا بيا
فراگ الأحباب حرام
وياك وياك ..
گله عذبني حنيني .. لاخبر منه يجيني
لشوفته مشتاگه عيني ... الليل ماتغفى وتنام
گله من بعدك ياغالي .. المن أشكي هذا حالي
غايب أنتَّ وعلى بالي ... عشرتك وأحلى الكلام
گله هذا العمر شمعه .. يذوب دمعه على دمعه
ليش من عدنه نضيعه... ياعمر للناس دام
عتب ليل موادعك،
شباچ حزني مشرّع من سنين،
من سديت بابك
ليله وحده أرد أصلي بحضرتك
أرد أهز شباچ حزني
وحيل...حيل أبچي عله بابك
لا تعاتبني عله حزني وأنته حزني
أنته سجادة صلاتي،
وأنته آخر نبي بعمري
تابعك وأنته الوصي
تنقص بروحي وأزيدك
شلون أشوفك وأنته شوفي؟
من زمان أنطر سحابه وما إجت
غيمه.. ما مرّت على أحد من گبل
غيمه من آخر سما..
غيمه محمله دموع وبواچي
من زمان انطرها لاچن
شگد بچت روحي عليها
شگد عليها سولف الرمان
والتينه حچت؟
عشعش الصبار بجروحي ونبت
وانتِ من آخر سما
لْيمته اتاني
من سما اجروحي المطر؟
يا مايْ ليوصلنّي لْبساتينك؟
يا نهر الْيدلّيني يغصن تينك؟
وك تِعَبْتْ وتعبتني وياك
وديت العمر.. كل العمر خطار
بلچن ترحم سنينك
شتداويني وانا مبضّع على طولي بسچاچينك
حسافة على الزمان الفات وياك
وحسافة عليك، فرّطت العشگ ع الرايح وع الجاي
بس وياي ما عدلت ميازينك
روح بلا عتب ما تسوه حتى عتاب
إلي ديني وألك دينك.
روحي ابليالي الشوگ گمره
وشمعات للعاشگ اعيوني
ضايع ابشوگي وهوه العشره
واعتب على من ضيعوني
اهنا يالتضيعوني اشتضيعون
گلبي الهوه والشوگ ذابه
تانيتكم يم درب الضعون
غنيت دگي يا ربابه
لا خبر.. چنكم ما ترجعون
حتّه الهوه سدّيتو بابه
واعلگت عمري اشموع عشره
طشيتها ورايد تجوني
جيت آنه ليكم ألف مرّه
(وعن دشّت الباب امنعوني)
عساچ أبخير يا أمي
يا وجه الخير يا أمي
كل قطره من دمي
تصيح ابخير
عساچ ابخير .. يا أمي
يا يمه يانظر عيني
يافرحة عمري وسنيني
احسّچ من تلاگيني
رفيف الطير
حنان الطير .. يا أمي
يايمه لو برد حيلي
سهرانه علي ليلي
وانتِ يمي تدعيلي
دوايه يصير .. يا أمي
رحل عنى او ليدى يا يمه دعيني
رحل عنى اوليدى يا امى د كلمينى
بطل حيلى على الغالى منو بعده يواسينى
بطل حيلى على الغالى
او عينى اشتكت عينى
الك وحدك يا رب الكون
اشكى غربة اسنينى
وخلانى ذليل القلب والخاطر
يساءلنى دمع عينى يكلى ويش يجى باجر
ياخى الراح شى رده
زلال الماى وتبده
بصلاة الفجر يا امى
اذكريه واذكرينى
يالتسئلوني اعله الوطن هو الوطن وينه .. هو الوطن وينه
مركبنا تايه بالبحر كثرو ربابينه .. كثرو ربابينه
الجمل طايح يالربع كثرة سكاكينه..كثرة سكاكينه
عاثو بيه الغربان .. زادوها الامريكان
ياوسفه ضاعت للأبد أيامنا الزينه ..أيامنا الزينه
يالتسئلونى اعله الوطن ادري الوطن غالى ..ادرى الوطن غالى
اضوي اله كل العمر ما وفى الغالي..ما وفى الغالي
الوطن بيت وأمان..لا ظلم لا طغيان .
ياوسفه ضاعت للأبد ايامنه الزينه ..أيامنا الزينه
يالتسئلوني اعله الوطن روحو اسئلو الذئاب
تتناحر اطياف وملل خدمتا لللا رهاب
يا وطني المسكين..تعاني الك اسنين
ياوسفه ضاعت للأبد ايامنه الزينه..أيامنا الزينه
بهيده على بختك يا كمر .. مساهر واريد اشكيلك
انه غريب ابدنيتي .. مضيّع وادور ابليلك
عن ربعة اهلي ، ودلّة الديوان ، ومواويلك
عن ضحكة البربين لعيون الدلو
عن رقصة الصفصاف والماي الحلو
عن صحبتي، وخلاني , وعيون النهر
بهيده على بختك يا كمر
غربة عصافير التودع اعشوشها... برفّة جنح
ويا دمعتي ...
دمعة الكاع التبكي موت اهروشها... بجيت الملح
يا دار اهلنا الطاهره ... مر العمر
عيون اليحب امساهره ...ومامش خبر
وك يا كمرنه مروتك ... حنّي الشواطي بدمعتي
كلهم كبرت اعله الصبر...والونّه صارت غنوتي
اليوم عيد المحبة
عيدچ وعيدي سعيد
الحبايب كلها صحبة
أنا من غيرچ وحيد
الورد بيدي يسألني
المن تهديني يشمني
ياريت روحي ياورد
وياك ياخذها البريد
أمل عمري والحياة
رغم بعد المسافات
هديتك الحلوه وصلتني
ورجعت أحلى الذكريات
موحلم هاي الحقيقة
ورودك صارت حديقة
حسيتك وييايه عايش
الليله گلبي وياك بات
طارن حمامات الدوح
وما ودن سلامى
وخلن كلبى المجروح
وشوكى وهيامى
اى يا حظى كلى شلون
وانى اللى ديمه مفتون
اشكى امرى لرب الكون
عساه ينصفنى من احزانى
عساه يردنى لاوطانى
طارن حمامات الدوح وضاعن امالى
ياللى تسأل الاحوال
حال الضيم حالى
كلنه بكره تطلع شمس
ونطوي صفحات الامس
عساه يردنى لا اوطانى
ياتمر نخلتنا
يالبن ديرتنا
ياخبزة التنور
من خير حنطتنا
ياگيمر المعدان
يا أستكان الچاي
يا ناگوط الطيب
من حِب الحبيب
طعم العسل وأحلى
صدگني ياخايب
روح الحياة
يا صوت الربابه
للفاگد احبابة
يادگت العود
والجوزه جوابه
يارگصة الچوب...
العراق أرض الشعر منذ أقدم الحضارات، ولا يزال الشعر الشعبي العراقي حياً في مجالس بغداد وأزقة البصرة وأرياف الجنوب. تتميز اللهجة العراقية بعمقها العاطفي وموسيقيتها الفريدة، وتتنوع بين لهجات بغداد والبصرة والموصل وكربلاء. أنجب العراق أجيالاً من الشعراء الشعبيين أمثال عريان السيد خلف وجمعة الحلفي وحكمت البيداري ومظفر النواب، ممن حملوا هموم الناس بلغة الناس. يتميز الشعر العراقي بأنواعه المتعددة كالأبوذية والدارمي والزهيري والموّال، وكل نوع له إيقاعه وبنيته الخاصة. من الغزل الرقيق إلى قصائد الغربة والوطن، يبقى الشعر العراقي مرآةً صادقة لروح شعب عاش بين دجلة والفرات.
خصائص اللهجة:
شعر عراقي · شعر باللهجة العراقية · قصيدة عراقية · شعر شعبي عراقي · شعر بغدادي · أبوذية عراقية · لهجة عراقية · شعر العراق
وش يميّز الشاعر الذكي؟
محادثة تفاعلية
كلّم الشاعر واكتب قصيدتك
٧ لهجات خليجية
من السعودي للكويتي — اختر لهجتك
آمن ومشفر
بياناتك محمية بالكامل
كيف يعمل؟
أوصف فكرتك
قل للشاعر وش تبي — المناسبة، المشاعر، واللهجة (عراقي)
الشاعر يكتب لك
يكتب لك قصيدة بـعراقي على ذوقك
عدّل واستمتع
عدّل الأبيات، غيّر القافية، أو اطلب نسخة جديدة — حتى توصل للنتيجة اللي تبيها
أسئلة شائعة
كيف أكتب قصيدة بـعراقي؟
هل التجربة مجانية؟
ما هي اللهجات المتوفرة؟
هل أقدر أعدّل القصيدة بعد ما تنكتب؟
تبي قصيدة تبهرك؟ قل للشاعر وش تبي
كلّم الشاعرجاهز لإنشاء شعر عراقي؟
اكتب قصيدتك بالذكاء الاصطناعي — التجربة الأولى مجاناً