شعر خليجي باللهجة الخليجية الأصيلة

منشغل بك ماأبي للعالم كلام

بكتب الابيات والشعر الصريح

والله اني صرت هايم بك هيام

اعشقك واهواك من قلب ٍ نصيح

انت فن اكثر من حدود التمام

كل ماتطري علي آقف واطيح

ضحكتك حلوة ومنطوقك غرام

وكلمتك عذبه وتعبيرك فصيح

كل شيء ٍ فيك روعه وانسجام

يوم احبك اشعر اني مستريح

لا ضاقت الدنيا عليك وتشاويت

خلق الله اللي فالرخا كان واجد

ومن العرب والصوت والثوب مليت

وقامت عليك هموم بقعاء تراجد

فارفع يديك لخالقك لا توضيت

وادعو تراك أقرب إليا صرت ساجد

ووقت من أوقاتك للأوقات توقيت

وسجل لنفسك في المساجد تواجد

وأبشر بفزعة حامي الدين والبيت

إليا هجدك من الهواجيس هاجد

يمر الوقت وأترقب اقول الحين يلفي الزين

ولهفة خاطري تاخذ جداه النفس واشتاجه

وشوقي لهمسة منه ونظره من سواد العين

تسلي نفسي الولهى تسكن روح خفاجه

اداري لهفتي واعتب اقوله ليش طال البين

عساه اللي ورى بعدك مهي هرجات فراجه

الا يا شوق خيم في وسط قلبي دهر وسنين

الا يا منية فوادي الا يا حر اشواجه

الا يا من سلب عقلي الا يا فرحة العيدين

الا يامن برى حالي بشوق ونار حراجه

حييت من أقرب شعور الروح لاقصى من النظر

حييت في عيون حضنتْك وغمضت أجفانها

حييت ابوسلمان ياسمحْ المحيا والفكر

حييت ياملهم سفينة عزنا وربانها

يازارع بأرضك وفا .. ياقاطفٍ حبنا ثمر

ياشمس خيرٍ للبلد تشرق بخير إنسانها

ياغيث جود من السما غطا بلدنا وانهمر

ألغى الفصول بعمرها وأحيا ربيع أزمانها

إحنا لها ياذخرنا لي حانت أوقات الذخر

فينا الحمية لارضنا قد فتحت بيبانها

صاح المنادي والذهن أبعد بعيد

يوم الجنايز مددوها للصلاة

كني فبحر لجي وغرقانن وحيد

والناس من حولي وأنا كلي شتات

كيف المفارق للغلا في يوم عيد

ما يختلط دمعه مع ضحك الشفاة

لابس حداد العيد والعالم سعيد

وأنا طواني الحزن من أربع جهات

القلب ينزف والفكر أصبح شريد

العين تدمع والجسم ياته إنفظات

أذكر حياتي لي نساها وأستعيد

ذكرى مع الذكرى وعودن كاذبات

ياهم عمري ميت فيك برضاي

عندي ترى كن القمر من عبيدك

دلل غلاي ورد راسك لشكواي

واسهر بعيني ليلة افراح عيدك

أبي السهر للصبح لا تقضب خطاي

رحلة عيوني بين خدك وجيدك

شفتك قريب وقلت:أبا امد يمناي

واثر السما اقرب لي من مصافح إيدك

ان قلت:ماتسوا ولاشي دنياي

دونك..فصدق ياحبيبي وأزيدك

مدري من الرايح ولا ادري من الجاي

هاجس يريد..وهاجس مايريدك